ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍សម្រាប់វគ្គសិក្សានារដូវក្ដៅក្នុងប្រទេស អាល្លឺម៉ង់ឆ្នាំសិក្សា២០២៥ ពីកម្មវិធី DAAD University Summer Courses 2025 ។ អាហារូបករណ៍ផ្ដល់ជូនសម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ដោយការសិក្សាមានរយៈពេលចាប់ពីខែកក្កដា ដល់ខែកញ្ញា ឆ្នាំ២០២៥។
លក្ខខណ្ឌនិស្សិតស្នើពាក្យអាហារូបករណ៍ មានអាយចាប់ពី១៨ឆ្នាំឡើងទៅ ជាសិស្ស-និស្សិតដែលមកពីគ្រប់ជំនាញសិក្សា ជាសិស្សកំពុងសិក្សាឆ្នាំដំបូង នៃថ្នាក់បរិញ្ញាបត្រជាន់ខ្ពស់ ឬបានបញ្ចប់ថ្នាក់បរិញ្ញាបត្រចំនួន២ឆ្នាំ (គិតត្រឹមថ្ងៃមុនវគ្គសិក្សាចាប់ផ្ដើម)។ ជាមួយគ្នានេះ ថ្នាក់រៀននឹងសិក្សាក្នុងកម្មវិធីសិក្សាភាសាអាល្លឺម៉ង់ដូចនេះបេក្ខជនត្រូវមានជំនាញភាសាអាល្លឺម៉ង់កម្រិត A2 យ៉ាងតិច និងអាចជ្រើសរើសជំនាញសិក្សាចំនួន៣វគ្គក្នុងកំឡុងពេលចុះឈ្មោះ។
ឯកសារចាំបាច់ដែលបេក្ខជនស្នើអាហារូបករណ៍ត្រូវមាន ពាក្យស្នើសុំអាហារូបករណ៍ DAAD (ការស្នើតាមរយៈOnline) និង Online Application form ប្រវត្តិរូបសង្ខេប (ជាភាសាអាល្លឺម៉ង់) លិខិតលើកទឹកចិត្ត (ជាភាសាអាល្លឺម៉ង់) ប្រតិចារិកសិក្សា (ជាភាសាអង់គ្លេស) និងសញ្ញាបត្រថ្នាក់បរិញ្ញាបត្រ (បកប្រែជាភាសាអាល្លឺម៉ង់)។
បេក្ខជនជ័យលាភីអាហារូបករណ៍នឹងទទួលបានអត្ថប្រយោជន៍ជាច្រើនដូចជា ទទួលបានថ្លៃការសិក្សា ប្រាក់ធ្វើដំណើរ ប្រាក់សម្រាប់កន្លែងស្នាក់នៅ។ សម្រាប់ការធានារ៉ាប់រងសុខភាព គ្រោះថ្នាក់ផ្សេងៗជាបន្ទុករបស់សាម៉ីខ្លួន។
បេក្ខជនដែលស្នើពាក្យអាហារូបករណ៍ ត្រូវដាក់ពាក្យស្នើសុំអាហារូបករណ៍ដោយខ្លួនឯងទៅសាកលវិទ្យាល័យ DAAD តាមរយៈ https://daad.de/go/en/stipa50035295 និងបំពេញតាមលក្ខខណ្ឌដែលអាហារូបករណ៍តម្រូវ។ សម្រាប់ព័ត៌មានបន្ថែមអាចចូលទៅកាន់ https://www2.daad.de/deutschland/stipendium/datenbank/en/21148-scholarship-database/?status=&origin=&subjectGrps=&daad=&intention=&q=university%20summer&page=1&detail=50035295 ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១ ខែធ្នូ ឆ្នាំ២០២៤៕
