ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យព័ត៌មានវិទ្យា និងទូរគមនាគមន៍ (ICTU) នៃសាធារណរដ្ឋសង្គមនិយមវៀតណាម ប្រកាសជ្រើសរើសបេក្ខជនសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែង សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ លើជំនាញ ព័ត៌មានវិទ្យា ដោយកម្មវិធីសិក្សាជាភាសាអង់គ្លេស។
លក្ខខណ្ឌនៃការជ្រើសរើស ៖ ជាបេក្ខជន មានសញ្ញាបត្រមធ្យមសិក្សាទុតិយភូមិ មានសញ្ញាបត្រភាសាអង់គ្លេសទាបបំផុតត្រឹម B1 ឬ វិញ្ញាបនបត្រដែលមានតម្លៃស្មើ និងមានប្រតិបត្តិពិន្ទុថ្នាក់វិទ្យាល័យល្អ ឬមានសញ្ញាបត្របញ្ចប់ការសិក្សាល្អ។
ដើម្បីដាក់ពាក្យអាហារូបករណ៍ បេក្ខជន-បេក្ខនារី ត្រូវមានឯកសារភ្ជាប់រួមមាន ទម្រង់ពាក្យសុំ (ទម្រង់១) ប្រវត្តិរូបសង្ខេប (ទម្រង់២) ដោយភ្ជាប់ជាមួយរូបភាពរបស់សាម៉ីជន និងភ្ជាប់សញ្ញាបត្រមធ្យមសិក្សាទុតិយភូមិ ប្រតិបត្តិពិន្ទុវិទ្យាល័យ ឬសមមូល (ត្រូវបកប្រែជាភាសាវៀតណាម ឬភាសាអង់គ្លេសដោយមានការបញ្ជាក់)។ លើសពីនេះ បេក្ខជនត្រូវភ្ជាប់ជាមួយ របាយការណ៍ពិនិត្យសុខភាព សំបុត្រកំណើត (មានបញ្ជាក់ និងបកប្រែជាភាសាវៀតណាម ឬអង់គ្លេស) រូបថតបញ្ឈរចំនួន៤សន្លឹក (៣x៤) ថតក្នុងរយៈពេល៦ខែចុងក្រោយ ច្បាប់ចម្លងលិខិតឆ្លងដែន និងច្បាប់ចម្លងនៃវិញ្ញាបនបត្រភាសាអង់គ្លេសអន្តរជាតិ (ប្រសិនបើមាន)។
បេក្ខជនទាំងអស់អាចទាញយកបែបបទឯកសារពាក់ព័ន្ធតាម https://iit.ictu.edu.vn/bieu-mau/ ។ សម្រាប់ទម្រង់បែបបទដែលបានបំពេញទាំងអស់ត្រូវផ្ញើទៅកាន់ Facebook Page Learn Vietnamese-រៀនភាសាវៀតណាម ( https://www.facebook.com/profile.php?id=100070281398067 ) ឱ្យបានមុខថ្ងៃទី១៥ ខែធ្នូ ឆ្នាំ២០២៤។
បេក្ខជនជ័យលាភីអាហារូបករណ៍ នឹងទទួលបានថ្លៃសិក្សា១០០% ក្នុងពេល៣ឆ្នាំ និងអន្តេវាសិកដ្ឋានសម្រាប់និស្សិត។ សម្រាប់ថ្លៃធ្វើដំណើរទៅមក កម្ពុជា-វៀតណាម ជាបន្ទុករបស់សាម៉ីខ្លួន៕
