ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យភូមិន្ទភ្នំពេញ បានប្រកាសដល់និស្សិតដែលកំពុងសិក្សាថ្នាក់បរិញ្ញាបត្រ ឬបញ្ចប់ការសិក្សាថ្នាក់បរិញ្ញាបត្រភាសាកូរ៉េ នៅសាកលវិទ្យាល័យភូមិន្ទភ្នំពេញ និងគ្រប់ស្ថាប័នទាំងអស់ថា សាកលវិទ្យាល័យនឹងផ្តល់អាហារូបករណ៍ចំនួន១៥កន្លែង ដើម្បីចូលសិក្សាក្នុងវគ្គបណ្តុះបណ្តាលជំនាញអប់រំភាសាកូរ៉េ។ វគ្គបណ្តុះបណ្តាលនេះ នឹងរៀបចំឡើងដោយដេប៉ាតឺម៉ង់ភាសាកូរ៉េ នៃសាកលវិទ្យាល័យភូមិន្ទភ្នំពេញ សហការជាមួយវិទ្យាស្ថានអប់រំភាសាកូរ៉េហូជីមិញ។
លក្ខខណ្ឌក្នុងការជ្រើសរើស ៖ ជានិស្សិតនៃសាកលវិទ្យាល័យភូមិន្ទភ្នំពេញ ដែលកំពុងសិក្សាថ្នាក់បរិញ្ញាបត្រភាសាកូរ៉េ ឬបញ្ចប់ការសិក្សា ឬនិស្សិតដែលកំពុងសិក្សាថ្នាក់បរិញ្ញាបត្រភាសាកូរ៉េនៅសាកលវិទ្យាល័យផ្សេង, មានកម្រិតចំណេះដឹងភាសាកូរ៉េ TOPIK 3 ឬ TOPIK 4 ឡើងទៅ។
អត្ថប្រយោជន៍ដែលនឹងទទួលបាន ៖ ទទួលបានជំនាញអប់រំភាសាកូរ៉េ, ទទួលបានចំណេះដឹងពីការអប់រំភាសាកូរ៉េតាមស្តង់ដារ, ទទួលបានវិញ្ញាបនបត្របញ្ជាក់ការសិក្សា ពីសាកលវិទ្យាល័យភូមិន្ទភ្នំពេញបន្ទាប់ពីបញ្ចប់វគ្គបណ្តុះបណ្តាល។
ការបណ្តុះបណ្តាល ៖ វគ្គបណ្តុះបណ្តាលនេះមានរយៈពេល ៦ខែ ចាប់ពីថ្ងៃទី១៨ ខែសីហា ឆ្នាំ២០២៥ រហូតដល់ថ្ងៃទី១៨ ខែកុម្ភៈ ឆ្នាំ២០២៦។
បេក្ខជនត្រូវភ្ជាប់មកជាមួយ ៖ ជីវប្រវត្តិរូបសង្ខេបជាភាសាកូរ៉េ ឬ អង់គ្លេស, លិខិតបញ្ជាក់ការសិក្សាជាភាសាអង់គ្លេស (សម្រាប់និស្សិតដែលកំពុងសិក្សា), សញ្ញាបត្របរិញ្ញាបត្រថតចម្លង ឬវិញ្ញាបនបត្របញ្ចប់ការសិក្សា (សម្រាប់និស្សិតដែលបានបញ្ចប់ថ្នាក់បរិញ្ញាបត្រ), វិញ្ញាបនបត្របញ្ជាក់កម្រិតភាសាកូរ៉េ។
របៀបដាក់ពាក្យ និងកាលបរិច្ឆេទទទួលពាក្យ ៖ បេក្ខជនដែលមានចំណាប់អារម្មណ៍ សូមភ្ជាប់មកជាមួយនូវសំណៅឯកសារដែលបានបញ្ជាក់ខាងលើ មកដាក់នៅអគារ CKCC ដេប៉ាតឺម៉ង់ភាសាកូរ៉េ ឬផ្ញើទៅអ៊ីមែល klot.chandeka@rupp.edu.kh ។ ចាប់ផ្តើមទទួលពាក្យចាប់ពីថ្ងៃជូនដំណឹង រហូតដល់ថ្ងៃទី៣១ ខែកក្កដា ឆ្នាំ២០២៥ វេលាម៉ោង៥រសៀល។ រាល់ការដាក់ពាក្យមុនការកំណត់មានការលើកទឹកចិត្ត។ បេក្ខជនដែលជាប់ នឹងត្រូវបានទាក់ទងដើម្បីទទួលបានព័ត៌មានបន្ថែម៕
