ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យកាតា ពីកម្មវិធីអាហារូបករណ៍ Qatar University Scholarship ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សានៅទីក្រុង Doha ប្រទេស Qatar ។
លក្ខខណ្ឌជ្រើសរើស ៖ ជាបេក្ខជនអន្តរជាតិត្រូវបំពេញពាក្យសុំទិដ្ឋាការនិស្សិតអន្តរជាតិតាមរយៈអ៊ីនធើណិត និងឯកសារចាំបាច់ដែលត្រូវបំពេញស្នើទៅកាន់សាកលវិទ្យាល័យសម្រាប់ចូលរៀន ។ សិស្សដែលមិនបានបំពេញតម្រូវការសម្រាប់ការដាក់ពាក្យសុំទិដ្ឋាការ សិស្សនឹងមិនត្រូវបានគេពិចារណាឡើយ។ សម្រាប់បេក្ខជនថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្រថ្នាក់បរិញ្ញាបត្រ ពិន្ទុ GPA ចាប់ពី២.៨ឡើងទៅ, សម្រាប់ថ្នាក់បណ្ឌិតត្រូវមានសញ្ញាបត្របរិញ្ញាបត្រជាន់ខ្ពស់ និងមានពិន្ទុGPA ចាប់ពី៣.០ឡើងទៅ ។
ឯកសារចាំបាច់ដែលបេក្ខជនត្រូវភ្ជាប់ជាមួយមានដូចជា សញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើ, ទទួលបានសិទ្ធ Final Acceptance សិក្សាពីសាកលវិទ្យាល័យកាតា (សិទ្ធចុងក្រោយ មិនមែនសិទ្ធចូលរៀនបណ្ដោះអាសន្ន), ជាបេក្ខជនមិនទទួលបានអាហារូបករណ៍ផ្សេងៗក្នុងពេលតែមួយ ។ បេក្ខជនដែលទទួលបានអាហារូបករណ៍ត្រូវរក្សាពិន្ទុសិក្សារបស់ខ្លួនពី៣.០ ដល់៤.០ និងរក្សាការសិក្សាឱ្យចប់ទាន់ពេលវេលាតាមផែនការសិក្សារបស់អាហារូបករណ៍, គោរពបទប្បញ្ញត្តិ គោលនយោបាយ និងនីតិវិធីរបស់សាកលវិទ្យាល័យកាតា ។
អត្ថប្រយោជន៍ដែលអាហារូបករណ៍ផ្ដល់ជូនដល់បេក្ខជនជ័យលាភីមានដូចជា ការលើកលែងថ្លៃសិក្សា ការលើកលែងថ្លៃសៀវភៅសិក្សា ប្រាក់ប្រចាំខែ កន្លែងស្នាក់នៅ សំបុត្រយន្តហោះទៅមកប្រចាំឆ្នាំរបស់និស្សិត និងបណ្ណស្នាក់នៅឧបត្ថម្ភពីសាកលវិទ្យាល័យកាតា ។
សម្រាប់ព័ត៌មានបន្ថែមអាចចូលទៅកាន់តំណភ្ជាប់ http://www.qu.edu.qa/students/admission/scholarships/types#competitive-scholarships ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី០៥ ខែតុលា ឆ្នាំ២០២៣ ៕
