ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យ University of Westminster នៃចក្រភពអង់គ្លេស ប្រកាសដាក់ឱ្យដំណើរការនូវកម្មវិធីអាហាររូបករណ៍ International Undergraduate Excellence Award (IEA) សម្រាប់ការសិក្សាដែលនឹងចាប់ផ្តើមនៅខែកញ្ញា ឆ្នាំ២០២៦ ខាងមុខនេះ។ អាហាររូបករណ៍នេះ ត្រូវបានបង្កើតឡើងក្នុងគោលបំណងលើកទឹកចិត្តដល់និស្សិតអន្តរជាតិដែលមានស្នាដៃសិក្សាលេចធ្លោ និងមានឆន្ទៈខ្ពស់ក្នុងជំនាញដែលខ្លួនបានជ្រើសរើស។
អត្ថប្រយោជន៍នៃអាហាររូបករណ៍
បេក្ខជនដែលជាប់ជម្រើសនឹងទទួលបាននូវការឧបត្ថម្ភជាទឹកប្រាក់ចំនួន £២,៥០០ (ប្រមាណ ៣,៤០០ ដុល្លារ) សម្រាប់កាត់បន្ថយថ្លៃសិក្សាក្នុងឆ្នាំទី១។ ថវិកានេះនឹងត្រូវបង់ផ្ទាល់ទៅកាន់សាកលវិទ្យាល័យ សម្រាប់ការសិក្សានៅឆមាសដំបូង។ បញ្ជាក់៖ ការផ្តល់ជូននេះមានសុពលភាពតែក្នុងឆ្នាំទី១ ប៉ុណ្ណោះ ចាប់ពីឆ្នាំទី២ ទៅ និស្សិតត្រូវទទួលបន្ទុកថ្លៃសិក្សាដោយខ្លួនឯង។
លក្ខខណ្ឌវិនិច្ឆ័យ និងតម្រូវការ
ដើម្បីមានសិទ្ធិដាក់ពាក្យ បេក្ខជនត្រូវបំពេញតាមលក្ខខណ្ឌដូចជា ៖ ត្រូវតែជា និស្សិតអន្តរជាតិ, ទទួលបាន សេចក្តីសម្រេចទទួលយកឱ្យចូលរៀន (Offer) ក្នុងវគ្គសិក្សាកម្រិតបរិញ្ញាបត្រ (Full-time) សម្រាប់ខែកញ្ញា ឆ្នាំ២០២៦, មានលទ្ធផលសិក្សាល្អប្រសើរ (លើសពីកម្រិតកំណត់អប្បបរមានៃមុខជំនាញដែលដាក់ពាក្យ), បង្ហាញពីចំណូលចិត្ត និងការតាំងចិត្តខ្ពស់ចំពោះមុខវិជ្ជាដែលបានជ្រើសរើស។
បេក្ខជនដែលមានចំណាប់អារម្មណ៍ ត្រូវដាក់ពាក្យឱ្យបានមុន ថ្ងៃទី១៥ ខែមិថុនា ឆ្នាំ២០២៦ ត្រឹមម៉ោង ៥ ល្ងាច។ សាកលវិទ្យាល័យនឹងចាប់ផ្តើមទាក់ទងទៅកាន់បេក្ខជនដែលទទួលបានជោគជ័យ ចាប់ពីថ្ងៃទី៦ ខែកក្កដា ឆ្នាំ២០២៦ តទៅ។
សម្រាប់ព័ត៌មានបន្ថែម និងការដាក់ពាក្យ សូមចូលទៅកាន់ ៖ https://www.westminster.ac.uk/study/fees-and-funding/scholarships/international-undergraduate-excellence-award-iea-september-2026 ៕
