ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងការបរទេស និងក្រសួងវិទ្យាសាស្ត្រ និងអប់រំ នៃសាធារណរដ្ឋអាស៊ែបៃហ្សង់ ប្រកាសផ្ដល់អាហារូបករណ៍សិក្សាឆ្នាំ២០២៤ ក្រោមកម្មវិធីអាហារូបករណ៍រដ្ឋាភិបាលអាស៊ែបៃហ្សង់ Azerbaijan Government Scholarship ២០២៤។ កម្មវិធីអាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់/ផ្នែកឱសថទូទៅ ឬ medical residency និងថ្នាក់បណ្ឌិត។
កម្មវិធីសិក្សាដែលអាហារូបករណ៍ផ្ដល់ជូនរួមមាន ៖ វិស្វកម្មកសិកម្ម, កសិកម្ម, គណនេយ្យ, បច្ចេកវិទ្យាអាហារ, សេដ្ឋកិច្ច, វិទ្យាសាស្ត្រដី និងគីមីវិទ្យាកសិកម្ម, ទំនាក់ទំនងអន្តរជាតិ, ការគ្រប់គ្រងអាជីវកម្ម, រដ្ឋបាលសាធារណៈ, បរិស្ថានវិទ្យា, វិស្វកម្មអេកូឡូស៊ី, វិស្វកម្មអគ្គិសនី និងអេឡិចត្រូនិច, ប្រភេទនៃសកម្មភាពសេដ្ឋកិច្ច និងជំនាញស្រាវជ្រាវជាច្រើនទៀត។
លក្ខខណ្ឌក្នុងការដាក់ពាក្យអាហារូបករណ៍ បេក្ខជនត្រូវបំពេញតាមតម្រូវការអាហារូបករណ៍ Azerbaijan ៖ ជាបេក្ខជនគ្រប់ជាតិសាសន៍ បានបញ្ចប់ថ្នាក់បរិញ្ញាបត្រ ឬបរិញ្ញាបត្រជាន់ខ្ពស់ ឬថ្នាក់បណ្ឌិត, បេក្ខជនស្នើពាក្យអាហារូបករណ៍ថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្រថ្នាក់បរិញ្ញាបត្រ និងអាយុក្រោម៣៥ឆ្នាំ សម្រាប់បេក្ខជនស្នើពាក្យថ្នាក់បណ្ឌិតត្រូវមានសញ្ញាបត្របរិញ្ញាបត្រ និងបរិញ្ញាបត្រជាន់ខ្ពស់ និងមានអាយុក្រោម៤០ឆ្នាំ។ ជាមួយគ្នានេះ បេក្ខជនត្រូវភ្ជាប់ឯកសារចាំបាច់មួយចំនួនដូចជា សញ្ញាបត្រមធ្យមសិក្សាទុតិយភូមិ ប្រតិចារិកនៅវិទ្យាល័យ និងមហាវិទ្យាល័យ ច្បាប់ចម្លងនៃលិខិតឆ្លងដែនដែលមានសុពលភាព ប្រវត្តិរូបសង្ខេប និតលិខិតបញ្ជាក់ភាសាអង់គ្លេស។
អត្ថប្រយោជន៍ដែលជ័យលាភីអាហារូបករណ៍ទទួលបានរួមមាន ៖ ការគាំទ្រការសិក្សាពេញលេញ ថ្លៃសិក្សាភាសា ថ្លៃសំបុត្រយន្តហោះពីប្រទេសកំណើតមួយឆ្នាំម្ដង ប្រាក់ឧបត្ថម្ភប្រចាំ កន្លែងស្នាក់នៅ ប្រាក់ឧបត្ថម្ភផ្នែកវេជ្ជសាស្ត្រប្រចាំឆ្នាំ ថ្លៃទិដ្ឋាការ និងបណ្ណស្នាក់នៅបណ្ដោះអាសន្ន។
ដើម្បីធ្វើការដាក់ពាក្យបេក្ខជនអាចស្នើពាក្យអាហារូបករណ៍តាមរយៈ Azərbaycan Respublikası Elm və Təhsil Nazirliyi Şəxsi Kabinet Portalı ហើយសម្រាប់ព័ត៌មានបន្ថែមអាចចូលទៅកាន់តំណភ្ជាប់ PowerPoint Presentation (studyinazerbaijan.edu.az) ។
ផុតកំណត់ទទួលពាក្យថ្ងៃទី២០ ខែឧសភា ឆ្នាំ២០២៤៕
