ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍រយៈពេលខ្លីពីកម្មវិធីអាហារូបករណ៍ CICOPS នៅសាកលវិទ្យាល័យ Pavia Italy នៃប្រទេសអ៉ីតាលីឆ្នាំ២០២៥សម្រាប់ថ្នាក់សិក្សាស្រាវជ្រាវដែលមានបំណងផ្លាស់ប្ដូរការសិក្សារយៈពេលខ្លី។ អាហារូបករណ៍ផ្ដល់ជូនវគ្គសិក្សាចំនួន២ គឺនៅខែមករា និងខែកញ្ញា ឆ្នាំ២០២៥។
វគ្គសិក្សាដែលកម្មវិធីសិក្សាផ្ដល់ជូនមាន២វគ្គ ដោយវគ្គទី១ ចាប់ពីថ្ងៃទី១៣ ខែមករា ដល់ថ្ងៃទី២០ ខែកក្កដា ឆ្នាំ២០២៥ និងវគ្គទី២ ចាប់ពីថ្ងៃទី៨ ខែកញ្ញា ដល់ថ្ងៃទី២១ ខែធ្នូ ឆ្នាំ២០២៥។
លក្ខខណ្ឌដែលបេក្ខជនអាចស្នើពាក្យអាហារូបករណ៍បាន ជាបេក្ខជនគ្រប់ជាតិសាសន៍ បានបញ្ចប់ការសិក្សាថ្នាក់បរិញ្ញាបត្រ ឬថ្នាក់ក្រោយឧត្ដមសិក្សា និងថ្នាក់បណ្ឌិត។ ជាបេក្ខជនដែលបានសិក្សាស្រាវជ្រាវ ឬកំពុងសិក្សាស្រាវជ្រាវមកពីប្រទេសកំពុងអភិវឌ្ឍន៍ ជានិស្សិតដែលកំពុងសិក្សា ឬបានបញ្ចប់ថ្នាក់បណ្ឌិត។ ជាមួយគ្នានេះ បេក្ខជនត្រូវមានបទពិសោធន៍ក្នុងការបង្រៀន ឬសកម្មភាពក្នុងអង្គការ ឬស្ថាប័នអន្តរជាតិដើម្បីដាក់ពាក្យសុំអាហារូបករណ៍សាកលវិទ្យាល័យ Pavia។
អត្ថប្រយោជន៍ដែលបេក្ខជននឹងទទួលបានពីកម្មវិធីអាហារូបករណ៍រួមមាន សំបុត្រយន្តហោះ កន្លែងស្នាក់នៅ អាហារក្នុងអំឡុងពេលសិក្សា ទឹកប្រាក់១៥០អឺរ៉ូក្នុងមួយសប្ដាហ៍ និងការងារធានារ៉ាប់រងសុខភាព។
ដើម្បីធ្វើការដាក់ពាក្យអាហារូបករណ៍ទៅកាន់សាកលវិទ្យាល័យ Pavia បេក្ខជនអាចចូលបំពេញពាក្យតាមរយៈ PICA – CICOPS SCHOLARSHIPS 2025 (cineca.it) ឱ្យបានមុនថ្ងៃកំណត់។ សម្រាប់ព័ត៌មានបន្ថែមអាចចូលទៅកាន់ CICOPS Scholarships 2025 | cicops (unipv.it) ។ ផុតកំណត់ទទួលពាក្យថ្ងៃទី៣១ ខែឧសភា ឆ្នាំ២០២៤៕
