ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសទទួលបានអាហារូបករណ៍សាច់ប្រាក់សម្រាប់ការសិក្សាថ្នាក់បរិញ្ញាបត្រចំនួន ៤ឆ្នាំ នៅសាកលវិទ្យាល័យផ្សេងៗក្នុងទីក្រុងភ្នំពេញ ពីមូលនិធិ បុប្ផាគន្ធ ឆ្នាំសិក្សា២០២៥-២០២៦។
អត្ថប្រយោជន៍ពីអាហារូបករណ៍រួមមាន ៖ ទឹកប្រាក់១០០០ដុល្លារក្នុងមួយឆ្នាំ រយៈពេល៤ឆ្នាំ (ឆ្នាំទី១ ដល់ឆ្នាំទី៤) ហើយអាហារូបករណ៍ផ្ដល់ជូនចំនួន៥កន្លែង។
លក្ខខណ្ឌនៃការដាក់ពាក្យ និងទទួលបានអាទិភាព ៖ ជានិស្សិតដែលនឹងចាប់ផ្ដើមការសិក្សានៅសាកលវិទ្យាល័យណាមួយនៅរាជធានីភ្នំពេញចាប់ពីឆ្នាំសិក្សា២០២៥-២០២៦ មកពីគ្រួសារដែលមានជីវភាពខ្វះខាត ឬមានបន្ទុកគ្រួសារធ្ងន់ធ្ងរ ជាកូនទីមួយក្នុងគ្រួសារដែលមានឱកាសបន្តការសិក្សាថ្នាក់មហាវិទ្យាល័យ មកពីបណ្ដាខេត្តដាច់ស្រយាល និងមិនមានគ្រួសារ ឬសាច់ញាតិជាទីពឹងអាស្រ័យនៅភ្នំពេញ។ លើសពីនេះ សិស្សនិស្សិតជាបុគ្គលដែល មានចរិតស្លូតបូត និងស្មោះត្រង់ និងមានលទ្ធផលល្អ ឬទទួលបាននិទ្ទេសល្អពីការប្រឡងសញ្ញាបត្រទុតិយភូមិឆ្នាំ២០២៥។
បេក្ខជន បេក្ខនារី ដែលមានចំណាប់អារម្មណ៍ក្នុងការដាក់ពាក្យអាហារូបករណ៍ អាចទាញយកពាក្យតាមរយៈ https://forms.gle/p7jrQDcZwgtXgnow8 ។ ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី៣១ ខែតុលា ឆ្នាំ២០២៥៕
