ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បណ្ឌិត្យសភានគរបាលកម្ពុជា នៃក្រសួងមហាផ្ទៃ ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ វិទ្យាសាស្ត្រនគរបាល ជំនាន់ទី១៣ សិក្សារយៈពេល២ឆ្នាំ។ ការសិក្សាផ្ដោតលើជំនាញចំនួន២ គឺ ជំនាញស៊ើបអង្កេតព្រហ្មទណ្ឌ ជំនាញគ្រប់គ្រង និងដឹកនាំបញ្ជា។
លក្ខខណ្ឌនៃការជ្រើសរើស ៖ បេក្ខជនជាមន្ត្រីនគរបាលជាតិ ឬ មន្ត្រីពន្ធនាគារ (បម្រើការងារក្នុងក្របខណ្ឌក្រសួងមហាផ្ទៃ) បានឆ្លងកាត់វគ្គបណ្ដុះបណ្ដាលកម្រិតបឋមវិជ្ជាជីវៈនគរបាល មានសញ្ញាបត្របរិញ្ញាបត្រ ឬសញ្ញាបត្រដែលមានតម្លៃស្មើ ដោយត្រូវភ្ជាប់នូវព្រឹត្តិបត្រពិន្ទុ មានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើ មានប្រវត្តិការងារល្អ មានអាយុក្រោម៤៨ឆ្នាំ (គិតត្រឹមថ្ងៃទី១៥ ខែឧសភា ឆ្នាំ២០២៥) មានសុខភាពល្អ កាយសម្បទាមាំមួន មិនធ្លាប់មានពិរុទ្ធភាព និងបានឆ្លងកាត់ការវាយតម្លៃ និងវាស់ស្ទង់សមត្ថភាព។ កាលបរិច្ឆេទសិក្សា នឹងរៀនរៀងរាល់ថ្ងៃព្រហស្បតិ៍ សុក្រ សៅរ៍ ឬផ្សេងៗទៀតនឹងអនុវត្តទៅតាមកាលកំណត់របស់បណ្ឌិត្យសភា។
បេក្ខជនដែលមានចំណាប់អារម្មណ៍ក្នុងការដាក់ពាក្យ អាចទាញយកពាក្យសុំចុះឈ្មោះចូលរៀន តាមរយៈ https://drive.google.com/file/d/1N4ldps8UxmT92Tlh_znZyQkHKHV75S6M/view ។ បេក្ខជនដែលបំពេញពាក្យរួចរាល់ អាចយកពាក្យទៅដាក់នៅច្រកចេញចូលតែមួយ (អគារប៉ុស្តិ៍យាម) នៃបណ្ឌិត្យសភានគរបាលកម្ពុជា ចាប់ពីថ្ងៃផ្សាយដំណឹងរហូតដល់ថ្ងៃទី១៥ ខែឧសភា ឆ្នាំ២០២៥ រៀងរាល់ម៉ោងធ្វើការ។
សម្រាប់ព័ត៌មានបន្ថែមអាចទំនាក់ទំនងទៅកាន់ វ.ទោ សុខ លីដា ០៩៧ ៣៤៤ ៤០៦៦ ឬ វ.ទោ ប៊ិន បូ ០៧៧ ៥០០ ៥០៨៕
