ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នៅក្នុងឆ្នាំសិក្សា២០២៤-២០២៥ វិទ្យាស្ថានពហុបច្ចេកទេសខេត្តបន្ទាយមានជ័យ បានប្រកាសជ្រើសរើសសិស្ស-និស្សិតចំនួន៦០០នាក់ សម្រាប់ទទួលអាហារូបករណ៍សិក្សាទៅលើមុខជំនាញជាច្រើនដែលកំពុងមានតម្រូវការក្នុងទីផ្សារការងារ។
ជំនាញដែលនឹងផ្តល់ជូនរួមមាន ៖ សម្រាប់កម្រិតសញ្ញាបត្រជាន់ខ្ពស់បច្ចេកទេស មាន វិស្វកម្មអគ្គិសនី ៦៩នាក់, ព័ត៌មានវិទ្យា ៦០នាក់, វិស្វកម្មសំណង់ស៊ីវិល ៤០នាក់, វិទ្យាសាស្ត្រ និងវេជ្ជសាស្ត្រសត្វ ៣០នាក់ និងយន្តសាស្ត្ររថយន្ត ៦០នាក់។
សម្រាប់កម្រិតសញ្ញាបត្របច្ចេកទេស និងវិជ្ជាជីវៈ ២ និង ៣ មាន ការដំឡើងបណ្ដាញអគ្គិសនីក្នុងអគារ ១០០នាក់, ការថែទាំ និងជួសជុលរថយន្ត ១០០នាក់, ការថែទាំ និងជួសជុលទោចក្រយានយន្ត ៤០នាក់, សេវាកម្មកុំព្យូទ័រ ១០០នាក់ និង ការងារកំបោរ ១០នាក់។
លក្ខខណ្ឌនៃការជ្រើសរើស ៖ កម្រិតសញ្ញាបត្រជាន់ខ្ពស់បច្ចេកទេស បេក្ខជនត្រូវមានសញ្ញាបត្របច្ចេកទេស និងវិជ្ជាជីវៈ៣ ឬ សញ្ញាបត្រមធ្យមសិក្សាទុតិយភូមិ (ជាប់ ឬធ្លាក់) ឬសញ្ញាបត្រដែលមានតម្លៃស្មើ, កម្រិតសញ្ញាបត្របច្ចេកទេស និងវិជ្ជាជីវៈ៣ (C3) បេក្ខជនត្រូវមានសញ្ញាបត្របច្ចេកទេស និងវិជ្ជាជីវៈ២ ឬសញ្ញាបត្រដែលមានតម្លៃស្មើ ហើយកម្រិតសញ្ញាបត្របច្ចេកទេស និងវិជ្ជាជីវៈ២ (C2) បេក្ខជនត្រូវមានសញ្ញាបត្របច្ចេកទេស និងវិជ្ជាជីវៈ១ ឬសញ្ញាបត្រដែលមានតម្លៃស្មើ។
ឯកសារភ្ជាប់ក្នុងការដាក់ពាក្យចូលរៀន ៖ សៀវភៅគ្រួសារ (កូពី) ១ច្បាប់, សំបុត្រកំណើត (កូពី) ១ច្បាប់, អត្តសញ្ញាណប័ណ្ណសញ្ជាតិខ្មែរ (កូពី) ១ច្បាប់, រូបថតថ្មីផ្ទៃពណ៌ខៀវ (ទំហំ៤x៦) ចំនួន៤សន្លឹក, រូបថតថ្មីផ្ទៃពណ៌ខៀវ (ទំហំ៣x៤) ចំនួន ២សន្លឹក។
កាលបរិច្ឆេទចុះឈ្មោះចូលរៀន ចាប់ពីថ្ងៃជូនដំណឹងនេះ រហូតដល់ថ្ងៃទី២៩ ខែវិច្ឆិកា ឆ្នាំ២០២៤ ហើយកាលបរិច្ឆេទចូលរៀន នៅថ្ងៃទី២ ខែធ្នូ ឆ្នាំ២០២៤។
សម្រាប់ព័ត៌មានបន្ថែម សូមទាក់ទងទៅកាន់វិទ្យាស្ថានផ្ទាល់ ដែលមានទីតាំងស្ថិតនៅភូមិគាប សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ (ផ្លូវចូលវត្តភ្នំជញ្ជាំង) ឬទំនាក់ទំនងតាមទូរស័ព្ទលេខ ០៩៥ ៩៣៤ ៤៤៧៕
