ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសទទួលបានការផ្លាស់ប្ដូរការសិក្សានៅសាកលវិទ្យាល័យក្យូតូ នាប្រទេសជប៉ុនក្នុងឆ្នាំសិក្សា២០២៥ ពីកម្មវិធីអាហារូបករណ៍ 2025 Kyoto University Amgen Scholars Program។ កម្មវិធីផ្លាស់ប្ដូរការសិក្សាមានរយៈពេល៨សប្ដាហ៍ ចាប់ពីថ្ងៃទី៦ ខែមិថុនា ដល់ថ្ងៃទី៧ ខែសីហា ឆ្នាំ២០២៥។
លក្ខខណ្ឌក្នុងការជ្រើសរើស ៖ ជានិស្សិតឆ្នាំទី៣ ដែលសិក្សាក្នុងផ្នែកវិស្វកម្មជីវ ជីវគីមី គីមីវិទ្យា និងជីវវិទ្យា នៃសាកលវិទ្យាល័យភូមិន្ទភ្នំពេញ។ ជានិស្សិតដែលមានលទ្ធផលសិក្សា GPA ៣.០០ ឡើងទៅ មានចំណេះដឹងផ្នែកភាសាអង់គ្លេស (TOEFL-iBT អប្បបរមា 72, IELTS 5.5, Cambridge English FCE) និងជាបុគ្គលដែលមានចំណាប់អារម្មណ៍ និងការតាំងចិត្តទៅបន្តការសិក្សាក្នុងវិស័យដែលពាក់ព័ន្ធ និងបានចូលរួមចំណែកតាមការស្នើសុំពីគណៈកម្មការៀបចំ។
បេក្ខជនដែលមានចំណាប់អារម្មណ៍ក្នុងការដាក់ពាក្យត្រូវភ្ជាប់ប្រវត្តិរូប (CV) សេចក្ដីថ្លែងការណ៍នៃគោលបំណង លិខិតអនុសាសន៍ចំនួន២ ប្រតិចារិកសិក្សាផ្លូវការ (ភ្ជាប់ជាមួយពិន្ទុសិក្សាគ្រប់ឆមាស) ពិន្ទុតេស្តភាសាអង់គ្លេស (TOEFL, IELTS, Cambridge ឬ TOEIC) និងលិខិតឆ្លងដែន (នៅទំព័រព័ត៌មានរបស់សាម៉ីខ្លួន)។
បេក្ខជនជ័យលាភីនឹងទទួលបានថ្លៃសំបុត្រយន្តហោះទៅមកកម្ពុជា-ជប៉ុន កន្លែងស្នាក់នៅ ធានារ៉ាប់រង និងប្រាក់ឧបត្ថម្ភចំនួន ១៨០,០០JPY សម្រាប់កម្មវិធីសិក្សាទាំងមូល។ លើសពីនេះ បេក្ខជននឹងទទួលបានបទពិសោធន៍នៅក្នុងសារមន្ទីរពិសោធន៍ផ្ទាល់ ដែលអាចអភិវឌ្ឍន៍ជំនាញ ចំណេះដឹង និងឱកាសបង្កើនទំនាក់ទំនងជាមួយនិស្សិតដទៃទៀតជាច្រើន រួមជាមួយព្រឹត្តិការណ៍ផ្សេងក្នុងកំឡុងពេលសិក្សា។
សម្រាប់អ្នកដែលមានចំណាប់អារម្មណ៍ក្នុងកម្មវិធីនេះ អាចដាក់ស្នើពាក្យតាមរយៈ https://www.opir.kyoto-u.ac.jp/study/en/curriculum/amgenscholars/ ចាប់ពីថ្ងៃផ្សាយដំណឹងរហូតដល់ថ្ងៃទី០១ ខែកុម្ភៈ ឆ្នាំ២០២៥៕
