វិទ្យាស្ថានជាតិ​ពហុបច្ចេកទេស​អង្គរ បានប្រកាស​ពីការផ្តល់ជូនអាហារូបករណ៍​១០០% ដល់សិស្ស​ធ្លាក់ ឬជាប់​ថ្នាក់ទី១២ សម្រាប់ជំនាញ​វិស្វកម្ម​អេឡិច​ត្រូនិក សិក្សា​រយៈពេល​២ឆ្នាំ ចំនួន៦០កន្លែង។

អត្ថប្រយោជន៍​ដែលទទួលបានពីអាហារូបករណ៍​រួមមាន ៖ ចំណេះជំនាញ​ពិត​ប្រាកដ​ដើម្បី​យកទៅ​ប្រើប្រាស់​ក្នុងវិស័យ​ការងារ, អាច​ទទួល​បាន​ប្រាក់​ឧបត្ថម្ភ​ដើម្បីសម្រួល​ដល់ការសិក្សា និង​សម្ភារៈ​ប្រើប្រាស់​ក្នុងការ​សិក្សា, ការ​ស្នាក់នៅ​ដោយ​ឥតគិតថ្លៃ, ឱកាស​ការងារ​ដែល​ជា​តម្រូវការ​ទីផ្សារ។

ការ​ចុះឈ្មោះ ៖ រូបថត ៦x៤​ ចំនួន៣សន្លឹក, រូបថត ៤x៣ ចំនួន២សន្លឹក, វិញ្ញាបនបត្រ ឬសញ្ញាបត្រ, ថតចម្លង​អត្តសញ្ញាណប័ណ្ណ និង​សំបុត្រកំណើត។

ចាប់ទទួលពាក្យ​ពីថ្ងៃផ្សាយដំណឹង​នេះ ចូល​រៀន​នៅ​ថ្ងៃទី១៣ ខែមករា ឆ្នាំ២០២៥។

សម្រាប់ព័ត៌មានបន្ថែម​សូមទំនាក់ទំនង​វិទ្យាស្ថានផ្ទាល់ ដែល​មាន​អាស័យដ្ឋាន​នៅ​តាម​បណ្តោយផ្លូវ​វិថីសម្តេច វិបុលបញ្ញា សុខ អាន ចម្ងាយ​ពីរង្វង់​មូល​អប្សរា​ឆ្ពោះទៅ​កើត​ប្រហែល ១៥០០ម៉ែត្រ (ក្រុងសៀមរាប) ឬទំនាក់ទំនងតាមទូរស័ព្ទលេខ 087 52 78 76 និង 088 500 23 20។

វិស្វកម្មអេឡិចត្រូនិក​ត្រូវ​បានចាត់ទុកថា គឺជា​ជំនាញ​មួយ​ដែលមានសារៈសំខាន់ក្នុងសម័យ​ឌីជីថល ជាពិសេស​សម្រាប់បុគ្គល​ដែល​ចង់ធ្វើ​ការ​ជាមួយ​បច្ចេកវិទ្យា​ដែល​ពាក់ព័ន្ធ​នឹង​ឧបករណ៍​អេឡិច​ត្រូនិក ឬ​ប្រព័ន្ធ​ស្វ័យ​ប្រវត្តិ។ សម្រាប់​កម្រិត​បច្ចេកទេស​ជាន់ខ្ពស់ សិក្សា​រយៈពេល​២ឆ្នាំ ជំនាញ​វិស្វកម្ម​អេឡិចត្រូនិក គេ​នឹង​សិក្សា​ពី​មូលដ្ឋាន​គ្រឹះអគ្គិសនី និងអេឡិចត្រូនិក, វិភាគ​សៀគ្វីអេឡិចត្រូនិក គូរ​សៀគ្វីទូទៅ​ដោយដៃ និង​ដោយ​កុំព្យូទ័រ, ជួសជុលកុំព្យូទ័រ, ជួសជុលទូរស័ព្ទដៃ, ជួសជុលបរិក្ខា​អេឡិចត្រូនិកប្រើប្រាស់ក្នុងផ្ទះ, វិភាគ និង​ប្រើប្រាស់​សៀគ្វី​ឌីជីថល, តម្លើងប្រព័ន្ធ​បញ្ជា និងកាមេរ៉ា​សុវត្ថិភាព ក៏ដូចជា​សិក្សា​ប្រព័ន្ធទូរគមនាគមន៍៕