លោកស្រី តាន់ សៀងវឌ្ឍនា ៖ ដើម្បីដាក់ពាក្យអាហារូបករណ៍ជោគជ័យ បេក្ខជនត្រូវដឹងអំពីការរៀបចំឯកសារឱ្យបានល្អ

ដំណាក់កាលនៃការដាក់ពាក្យអាហារូបករណ៍ជាចំណុចសំខាន់ដែលធ្វើឱ្យបេក្ខជនស្នើពាក្យអាហារូបករណ៍អាចទទួលបានឱកាសសិក្សា ឬមិនទទួលបានឱកាសសិក្សាអាហារូបករណ៍ ។ ខាងក្រោមជាការចែករំលែកគន្លឹះក្នុងដំណាក់កាលដាក់ពាក្យអាហារូបករណ៍ KDI Scholarship របស់លោកស្រី តាន់ សៀងវឌ្ឍនា និស្សិតជ័យលាភីអាហារូបករណ៍ថ្នាក់បរិញ្ញាបត្រជាន់ខ្ពស់ KDI Scholarship នៃសាធារណៈរដ្ឋកូរ៉េឆ្នាំសិក្សា២០២២ ។

លោកស្រី តាន់ សៀងវឌ្ឍនា បានលើកឡើងថា សាកលវិទ្យាល័យផ្ដល់អាហារូបរកណ៍ឱ្យសាធារណជនក៏ដូចជាសិស្សានុសិស្សមានចំនួន ២ គឺ Global Ambassador Scholarship(GAS) និង Seoul G20 Global Leaders Scholarship ហើយអាហារូបករណ៍ដែលងាយស្រួលសម្រាប់និស្សិតដាក់ពាក្យគឺអាហារូបករណ៍ GAS ។

លោកស្រី សៀងវឌ្ឍនា បានបន្តថា គន្លឹះដំបូងក្នុងការដាក់ពាក្យអាហារូបករណ៍ KDIS Scholarship គឺតម្រូវឱ្យបេក្ខជនចុះឈ្មោះតាមប្រព័ន្ធអនឡាញ (Online Application) ដោយ​បេក្ខជនត្រូវសរសេរសេចក្តីថ្លែងការណ៍នៃគោលបំណង, ប្រតិចារិកថ្នាក់បរិញ្ញាបត្រ និងសញ្ញាបត្រមធ្យមសិក្សាទុតិយភូមិ, ប្រតិចារិកថ្នាក់បរិញ្ញាបត្រដទៃ(ប្រសិនមាន), លិខិតអនុសាសន៍ចំនួន២ច្បាប់, លិខិតបញ្ជាក់ភាសាអង់គ្លេស IELTS ឬ TOFEL (ប្រសិនបើការសិក្សាថ្នាក់បរិញ្ញាបត្រជាភាសាខ្មែរ ឬមិនមែនជាភាសាអង់គ្លេស), លិខិតបញ្ជាក់ការងារពីផ្នែករដ្ឋបាលធនធានមនុស្ស (ប្រសិនបើមាន) វីដេអូណែនាំពីខ្លួនឯង(១-២នាទី) រូបថតកាត(៤x៦) និងច្បាប់ថតចម្លងនៃលិខិតឆ្លងដែន ។

លោកស្រី តាន់ សៀងវឌ្ឍនា បានបញ្ជាក់បន្ថែមថា សម្រាប់អាហារូបករណ៍ KDIS តម្រូវឱ្យយកសញ្ញាបត្រ និងប្រតិចារិករបស់បេក្ខជនទៅបញ្ជាក់នៅស្ថានទូតកូរ៉េ រួចធ្វើការScan ដើម្បី Upload ក្នុងការដាក់ពាក្យតាមរយៈOnline ។ លើសពីនេះ ប្រតិចារិក និងសញ្ញាបត្រសិក្សាពីសាលាឯកជនតម្រូវឱ្យធ្វើការបញ្ជាក់២ដំណាក់កាល ដោយទីមួយបញ្ជាក់ពីការិយាល័យសហការីបញ្ជាក់(ដែលមានការទទួលស្គាល់ពីស្ថានទូតកូរ៉េ) និងការបញ្ជាក់នៅស្ថានទូតកូរ៉េ ។

ជាមួយគ្នានេះក្នុងការសរសេរសេចក្តីថ្លែងការណ៍នៃគោលបំណង(Statement of Purpose) បេក្ខជនត្រូវគិតឱ្យបានល្អិតល្អន់ និងឆ្លើយសំនួរដែលអាហារូបករណ៍ដាក់ឱ្យដូចជា ១. បង្ហាញពីសមិទ្ធផលដ៏សំខាន់បំផុតរបស់អ្នក និងពន្យល់ពីមូលហេតុដែលអ្នកគិតថាជារឿងសំខាន់បំផុត ។ ២. ពន្យល់ពីមូលហេតុ និងចំណាប់អារម្មណ៍របស់អ្នកចំពោះអាហារូបករណ៍ KDI ។ ៣. ពន្យល់ប្រធានបទស្រាវជ្រាវ និងផែនការស្រាវជ្រាវរបស់អ្នក ៤.ពន្យល់ពីបទេពិសោធន៍ វិជ្ជាជីវៈ និងការសិក្សាពីអាហារូបករណ៍ KDI និងទី៥. បេក្ខជនគួរតែបញ្ចេញមតិយោបល់បន្ថែមរបស់អ្នកផងដែរ ។

លោកស្រី វឌ្ឍនា បានបញ្ជាក់បន្ថែមថា ជាគន្លឹះសម្រាប់លោកស្រីផ្ទាល់ក្នុងការសរសេរសេចក្តីថ្លែងការណ៍ គឺគួរតែអានសំណួរដដែលៗម្ដងហើយម្ដងទៀតឱ្យយល់ពីអត្ថន័យសំណួរ បំផុសគំនិតរបស់អ្នក (Brainstorm idea) ឬព្រាងចម្លើយនៅខាងក្រៅដើម្បីយកគំនិតសំខាន់ៗដាក់ក្នុងសចក្ដីថ្លែងការណ៍ ។ អ្វីដែលនឹងសរសេរចុះត្រូវតែចំចំណុច ធម្មតា ច្បាស់លាស់ លើកអំពីចំណុចល្អរបស់ខ្លួនឯង អាចឱ្យសិស្សច្បង ឬអ្នកជិតស្និតអានអ្វីដែលអ្នកបានសរសេរ និងពិនិត្យមើលអក្ខរាវិរុទ្ធវេយ្យាករណ៍ឱ្យបានច្បាស់លាស់ ។

ជារួម លោកស្រី តាន់ សៀងវឌ្ឍនា បញ្ជាក់ថា អាហារូបករណ៍ KDIS នឹងបើកទទួលពាក្យនៅថ្ងៃទី០៣ ដល់ថ្ងៃទី១៩ ខែមេសា ឆ្នាំ២០២៣ ដូចនេះសម្រាប់មិត្តនិស្សិតដែលមានចំណាប់អារម្មណ៍ក្នុងការដាក់ពាក្យអាហារូបករណ៍សូមរួសរាន់ត្រៀមឯកសារចាំបាច់ផ្សេងៗជាការស្រេច ព្រោះចំពោះឯកសារខ្លះត្រូវពេលវេលាដើម្បីបញ្ជាក់ ។ លើសពីនេះ ចំណុចមិនប្រក្រតី ឬចន្លោះខ្វះខាតណាមួយអាចធ្វើឱ្យអ្នកបាត់បង់ឱកាសអាហារូបករណ៍នេះផងដែរ ដូចនេះសូមធ្វើការយកចិត្តទុកដាក់ទាំងអស់គ្នា ។ គួរបញ្ជាក់ថា នេះជាការលើកឡើងក្នុងកម្មវិធីសិក្ខាសាលាស្តីពីការចែករំលែកបទពិសោធន៍ នៃការដាក់ពាក្យអាហារូបករណ៍ទៅសិក្សានៅសាធារណរដ្ឋកូរ៉េ ដែលរៀបចំដោយកម្មវិធីសាបព្រោះគ្រាប់ពូជនៃ ស.ស.យ.ក. រាជធានីភ្នំពេញ កាលពីថ្ងៃអាទិត្យទី១២ ខែមីនា ឆ្នាំ២០២៣កន្លងទៅ ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងអប់រំជ្រើសរើសបេក្ខជនជាង៣ពាន់នាក់ឱ្យ​ទទួល​អាហារូបករណ៍ថ្នាក់បរិញ្ញាបត្ររង និង​ថ្នាក់បរិញ្ញាបត្រ លើជំនាញបច្ចេកទេស និងវិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 27/10/2025

តាមរយៈកម្មវិធី Competency Based ក្រសួងអប់រំ យុវជន និងកីឡា បានប្រកាស​ជ្រើសរើស​សិស្សានុសិស្ស​ដែលបានប្រឡង​ជាប់សញ្ញាបត្រ​បច្ចេកទេស និង​វិជ្ជាជីវៈកម្រិត៣ ​សរុបចំនួន ៣ ០២៥កន្លែង...

អាហារូបករណ៍អន្តរជាតិ Lester B. Pearson នៅសាកលវិទ្យាល័យ Toronto

ព័ត៌មានអាហារូបករណ៍, ព្រឹត្តិការណ៍

• 22/07/2024

ជាឱកាស​សម្រាប់និស្សិត​ដែល​ចង់បន្ត​ការ​សិក្សា​នៅ​សាកលវិទ្យាល័យ Totonto ប្រទេស​កាណាដា ដោយពេលនេះ កម្មវិធីអាហារូបករណ៍ Lester B. Pearson បានប្រកាស​ជ្រើសរើសនិស្សិតពីជុំវិញពិភពលោក...

ឱកាសសម្រាប់សិស្ស-និស្សិត RUPP ទៅបន្តការសិក្សាថ្នាក់បរិញ្ញាបត្រជាន់ខ្ពស់នៅ Sogang University

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 29/05/2026

សាកលវិទ្យាល័យ Sogang (Sogang University) ដែលជាគ្រឹះស្ថានឧត្តមសិក្សាដ៏ល្បីល្បាញ និងចំណាស់ជាងគេមួយនៅក្នុងសាធារណរដ្ឋកូរ៉េ ក្រោមជំនួយកិច្ចសហការជាមួយអង្គការ Jesuit Service-Cambodia...

ឱកាសទទួលបានអាហារូបករណ៍ពេញលេញនៅសាកលវិទ្យាល័យ Victoria of Wellington ប្រទេសនូវែលហ្សេឡង់

ព័ត៌មានអាហារូបករណ៍, ព្រឹត្តិការណ៍

• 03/04/2025

កម្មវិធីអាហារូបករណ៍ Victoria University Of Wellington Scholarships ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ស្រាវជ្រាវ សម្រាប់ឆ្នាំសិក្សា២០២៥។

​ឱកាសសិក្សាអាហារូបករណ៍៧៥% នៅសាកលវិទ្យាល័យអន្តរជាតិអាល្លឺម៉ង់ ប្រទេសអាល្លឺម៉ង់ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 29/09/2023

ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៅសាកលវិទ្យាល័យអន្តរជាតិនៅប្រទេសអាល្លឺម៉ង់នៃប្រទេសអាល្លឺម៉ង់ឆ្នាំសិក្សា២០២៤ ។ ......

ក្រសួងអប់រំជ្រើសរើសនិស្សិត ១២០នាក់ ទៅសិក្សាថ្នាក់ក្រោយឧត្តមសិក្សា និងបរិញ្ញាបត្រ នៅ​ប្រទេស​វៀតណាម ក្នុងឆ្នាំសិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 14/03/2024

យោង​ទៅ​លើ​អនុស្សរណៈ នៃ​កិច្ច​ព្រមព្រៀង​ស្តីពី​កិច្ច​សហប្រតិបត្តិការ​អប់រំ រវាង​ក្រសួងអប់រំ យុវជន និងកីឡា នៃព្រះរាជាណាចក្រ​កម្ពុជា និង​ក្រសួងអប់រំ បណ្តុះបណ្តាល នៃសាធារណរដ្ឋសង្គមនិយម​វៀតណាម...

ឱកាសថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីអាហារូបករណ៍អូស្ត្រាលីឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 20/02/2025

កម្មវិធីអាហារូបករណ៍រដ្ឋាភិបាលអូស្ត្រាលីឆ្នាំសិក្សា២០២៦ ចាប់បើកទទួលពាក្យសម្រាប់សិស្ស និសិ្សត និងសាធារណជនកម្ពុជាហើយ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ...

ឱកាស​អាហារូបករណ៍ ៥០កន្លែង​សម្រាប់​និស្សិត​កម្ពុជា ទៅបន្តការសិក្សា​នៅ​ប្រទេស​ចិន តាមរយៈ​កម្មវិធី 2025-Skilk Road Program

ព័ត៌មានអាហារូបករណ៍, ព្រឹត្តិការណ៍

• 13/05/2025

ក្រោម​កិច្ច​សហការ​រវាង​សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិតចិន និង​សាកលវិទ្យាល័យ​មួយចំនួន​នៅ​ប្រទេស​ចិន សមាគមបាន​ប្រកាស​ពី​ការផ្តល់​អាហារូបករណ៍​ថ្នាក់បរិញ្ញាបត្រ និង​បរិញ្ញាបត្រជាន់ខ្ពស់​ចំនួន៥០កន្លែង ដែលជា​ប្រភេទ​អាហារូបករណ៍​...

ឱកាស​អាហារូបករណ៍​ SHE-CAN ថ្នាក់បរិញ្ញាបត្រ​នៅ​សហរដ្ឋអាមេរិក សម្រាប់ឆ្នាំ​២០២៤

ព័ត៌មានអាហារូបករណ៍, ព្រឹត្តិការណ៍

• 09/10/2024

កម្មវិធីអាហារូបករណ៍ SHE-CAN ឆ្នាំ​២០២៤ បានប្រកាស​ពី​ការ​ទទួលពាក្យ​ស្នើ​សុំអាហារូបករណ៍​ថ្នាក់បរិញ្ញាបត្រ​ទៅសិក្សា​នៅសហរដ្ឋអាមេរិកហើយ។