ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សៀមរាប – កញ្ញា សុខ វណ្ណនីកា មានអាយុ១៩ បានបញ្ចប់ការសិក្សាថ្នាក់វិទ្យាល័យនៅវិទ្យាល័យអង្គរ ឆ្នាំ២០២០ និងជាបេក្ខនារីម្នាក់ក្នុងចំណោមបេក្ខនារីប្រាំនាក់ដែលត្រៀមខ្លួនទៅសិក្សានៅទឹកដីនៃសហរដ្ឋអាមេរិក តាមរយៈកម្មវិធីអាហារូបករណ៍មួយឈ្មោះថា SHE-CAN College Scholarship Program ។ កម្មវិធីអាហារូបករណ៍នេះ ផ្ដល់ឱ្យសិស្សស្រីទទួលបានការអប់រំជំនាញភាពជាអ្នកដឹកនាំ និងសិទ្ធិអំណាចសម្រេចចិត្តជួយដោះស្រាយបញ្ហានានាក្នុងសហគមន៍ ។
កញ្ញា សុខ វណ្ណនីកា បានប្រាប់មកកាន់ AMS ថា ការសម្រេចចិត្តដាក់ពាក្យអាហារូបករណ៍ SHE-CAN ព្រោះយល់ឃើញថាអាហារូបករណ៍នេះ មិនត្រឹមតែជាអាហារូបករណ៍ដែលផ្ដល់ឱ្យសិស្សនារីបានសិក្សានៅសហរដ្ឋអាមេរិកប៉ុណ្ណោះទេ ប៉ុន្តែជាកម្មវិធីអាហារូបករណ៍ពង្រឹងសមត្ថភាព និងភាពជាអ្នកដឹកនាំដល់ស្ត្រីវ័យក្មេង ។
តើធ្វើដូចម្តេចខ្លះទើប វណ្ណនីកា ទទួលបានអាហារូបករណ៍ SHE-CAN ទៅសិក្សានៅសហរដ្ឋអាមេរិក? កញ្ញា សុខ វណ្ណនីកា បាននិយាយថា ក្នុងនាមជាយុវជនត្រូវចេះចាប់យកឱកាសស្វែងរកអាហារូបករណ៍ដែលខ្លួនពេញចិត្ត និងចាត់ទុកជាការសាកល្បងសមត្ថភាព ។ អាហារូបករណ៍សិក្សានៅក្រៅប្រទេសនឹងផ្ដល់បទពិសោធន៍ឱ្យសិស្ស-និស្សិតកាន់តែរឹងមាំចិត្តគំនិត និងយល់កាន់តែច្បាស់ពីសង្គមខាងក្រៅ ។
កញ្ញា វណ្ណនីកា បានបន្តរៀបរាប់ពីដំណាក់កាលដាក់ពាក្យយកអាហារូបករណ៍ SHE-CAN ថា បេក្ខជនទាំងអស់ត្រូវតែជានារី មានអាយុចន្លោះពី១៧ ដល់ ២០ឆ្នាំ មានប្រវត្តិសិក្សាល្អនៅថ្នាក់វិទ្យាល័យ ។ លើសពីនេះ មុនជាប់ជាបេក្ខភាពអាហារូបករណ៍ ឬ SHE-CAN Scholar បេក្ខនារីទាំងអស់ត្រូវតែឆ្លងកាត់ការប្រកួតប្រជែងដំណាក់កាលសំខាន់ៗដូចជា ការបំពេញនិងដាក់ពាក្យតាមប្រព័ន្ធអនឡាញ វគ្គសម្ភាសន៍ពីរ ឬបីដំណាក់កាល វគ្គជជែកពិភាក្សាព្រឹត្តិការណ៍សង្គម វគ្គវេទិកានិយាយសាធារណៈ ការធ្វើគម្រោង (Take Lead Project) វគ្គប្រឡងតេស្តភាសាអង់គ្លេស IELTS ឬ TOEFL និងវគ្គប្រឡងតេស្តអន្តរជាតិ SAT ។ យ៉ាងណាលក្ខខណ្ឌខាងលើអាចប្រែប្រួលជាក់ស្តែងទៅតាមឆ្នាំសិក្សានីមួយៗ ។
ញញឹមបន្តិច រួចបន្តនិយាយថា កញ្ញានឹងត្រូវទៅបន្តការសិក្សាថ្នាក់បរិញ្ញាបត្រនៅសាកលវិទ្យាល័យ Lafayette (Lafayette collège)នៃរដ្ឋ Easton Pennsylvania ដោយត្រៀមចេញដំណើរនៅដើមខែសីហា ខាងមុខនេះ ។ កញ្ញាមិនទាន់បានជ្រើសរើសជំនាញនៅឡើយទេ ព្រោះខាងសាលានឹងផ្ដល់ឱកាសឱ្យសិស្សស្វែងយល់បន្ថែម និងអាចកំណត់ជ្រើសរើសជំនាញដែលខ្លួនចង់រៀនបន្ទាប់ពីបញ្ចប់ឆ្នាំសិក្សាទី១ ។
យុវតីវ័យ ១៩ឆ្នាំរូបនេះ បាននិយាយពីបទពិសោធន៍ផ្ទាល់ខ្លួនទៀតថា មុនជាប់ជាបេក្ខភាពរបស់អាហារូបករណ៍ SHE-CAN កញ្ញាក៏បានជាប់ជាបេក្ខភាពអាហារូបករណ៍នៅសាកលវិទ្យាល័យចំនួន២ ក្នុងស្រុកមាន វិទ្យាស្ថានភាសាបរទេស(IFL) និងសាកលវិទ្យាល័យអង្គរ ប៉ុន្តែកញ្ញានៅបន្តដាក់ពាក្យប្រឡងប្រជែងSHE-CAN នេះទៀត ដោយហេតុស្រឡាញ់ និងក្ដីស្រមៃបន្តការសិក្សានៅក្រៅប្រទេស ។
កញ្ញាបន្តដោយក្ដីរីករាយថា ៖
“ការបោះបង់ឱកាសខ្លះ មិនមែនសុទ្ធតែជារឿងអាក្រក់នោះទេ ប្រសិនបើយើងខិតខំចាប់ឱកាសកាន់តែធំ នោះយើងនឹងខិតខំកាន់តែខ្លាំង”
យុវតីមានស្រុកកំណើតខេត្តសៀមរាបរូបនេះ បានបន្ថែមថា ដើម្បីសម្រេចក្ដីស្រមៃធំ យុវជនត្រូវខិតខំឱ្យអស់ពីសមត្ថភាព តាំងស្មារតីឱ្យបានមាំមួន ដាក់ចិត្តដាក់កាយព្យាយាមប្រកួតប្រជែង បើទោះជាលទ្ធផលបែបណាក៏ដោយ វាជាលទ្ធផលដែលបានខិតខំឱ្យអស់ពីសមត្ថភាព ។ ជាមួយគ្នានេះ នីកា ក៏បានត្រៀមខ្លួនរួចរាល់ដើម្បីបន្សាំខ្លួនឱ្យរស់នៅទីនោះ ដើម្បីងាយស្រួលទាំងការសិក្សា ទំនាក់ទំនង ការរស់នៅ និងការថែរក្សាសុខភាពជាដើម ។
ជាចុងក្រោយកញ្ញា សុខ វណ្ណនីកា បានលើកទឹកចិត្តដល់ប្អូនៗជំនាន់ក្រោយ ដែលទើបបានបញ្ចប់ថ្នាក់វិទ្យាល័យថា ប្រសិនបើមានបំណងចង់បន្តការសិក្សានៅក្រៅប្រទេស ត្រូវដាក់ពាក្យស្នើសុំអាហារូបករណ៍ឱ្យបានច្រើនប្រទេស ត្រូវស្វែងយល់និងចេះតាមដានអំពីអាហារូបករណ៍នោះឱ្យបានកាន់តែច្បាស់ ទើប ទទួលបានជោគជ័យ ឬទទួលបានអាហារូបករណ៍ដូចក្ដីបំណង ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសអភិវឌ្ឍជំនាញស្រាវជ្រាវអន្តរជាតិ នៅ University of Jyväskylä ប្រទេសហ្វាំងឡង់
ព័ត៌មានអាហារូបករណ៍, ព្រឹត្តិការណ៍
• 24/06/2026
សាកលវិទ្យាល័យ University of Jyväskylä នៃប្រទេសហ្វាំងឡង់ កំពុងប្រកាសបើកទទួលពាក្យអាហារូបករណ៍សម្រាប់កម្មវិធី JYU Visiting Fellow Programme 2027 ដល់និស្សិត និងសាស្ត្រាចារ្យកម្ពុជានៅលើការ...
អាហារូបករណ៍ពីធនាគារពិភពលោក សម្រាប់ការសិក្សាជំនាញបច្ចេកទេស នៅវិទ្យាស្ថានពហុបច្ចេកទេសភូមិភាគតេជោសែនតាកែវ ចំនួន ២៥០កន្លែង
ព័ត៌មានអាហារូបករណ៍, ព្រឹត្តិការណ៍
• 13/08/2026
ក្រោមគម្រោងជំនាញដើម្បីការងារកាន់តែប្រសើរ ដែលជាកិច្ចសហការរួមគ្នារវាងក្រសួងសេដ្ឋកិច្ច និងហិរញ្ញវត្ថុ, ក្រសួងការងារ និងបណ្តុះបណ្តាលវិជ្ជាជីវៈ ព្រមទាំង ធនាគារពិភពលោក...
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Calgary ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 30/05/2025
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Calgary ប្រទេសកាណាដា សម្រាប់ឆ្នាំសិក្សា២០២៥។ អាហារូបករណ៍ផ្ដល់ដោយ កម្មវិធី University of Calgary Bachlor’s Scholarship 2025 in Canada។
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Thailand International Postgraduate Programme ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 20/01/2025
កម្មវិធីអាហារូបករណ៍ Thailand International Postgraduate Programme (TIPP) ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ សិក្សានៅតាមសាកលវិទ្យាល័យជាច្រើន នៃប្រទេសថៃសម្រាប់ឆ្នាំសិក្សា២០២៥...
ឱកាសសិក្សាជំនាញបច្ចេកទេស និងវិជ្ជាជីវៈ ឥតគិតថ្លៃពីវិទ្យាស្ថានពហុបច្ចេកទេសខេត្តព្រះសីហនុ
ព័ត៌មានអាហារូបករណ៍, ព្រឹត្តិការណ៍
• 12/12/2023
វិទ្យាស្ថានបច្ចេកទេសខេត្តព្រះសីហនុ បានប្រកាសផ្តល់អាហារូបករណ៍ ១០០ភាគរយ សម្រាប់វគ្គសិក្សាកម្រិតសញ្ញាបត្របច្ចេកទេស និងវិជ្ជាជីវៈ ១ (C1) ដោយសិក្សារយៈពេល៤ខែ ដោយឥតគិតថ្លៃ។
អាហារូបករណ៍ប្រភេទ B ថ្នាក់ឧត្ដមសិក្សានៅសាកលវិទ្យាល័យធានជីន ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 31/01/2025
កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសជ្រើសរើសនិស្សិតអាហារូបករណ៍ថ្នាក់ឧត្ដមសិក្សា សិក្សានៅសាកលវិទ្យាល័យធានជីន សម្រាប់ឆ្នាំសិក្សា២០២៥។
អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថាន វ៉ាន់ដា ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 07/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សា...
អាហារូបករណ៍១០០កន្លែងសិក្សានៅសាកលវិទ្យាឌីជីថលកម្ពុជា ពីសម្ព័ន្ធយុវជនអាហារូបករណ៍ (ស២)
ព័ត៌មានអាហារូបករណ៍, ព្រឹត្តិការណ៍
• 12/01/2024
សម្ពន្ធយុវជនអាហារូបករណ៍ ស២ ប្រកាសផ្ដល់អាហារូបករណ៍១០០% ចំនួន១០០កន្លែងសិក្សានៅសាកលវិទ្យាល័យឌីជីថលកម្ពុជា(DUC) សម្រាប់ឆ្នាំសិក្សា២០២៣-២០២៤។...
អាហារូបករណ៍សិក្សាថ្នាក់ឧត្ដមសិក្សានៅសាកលវិទ្យាល័យ Boston ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 10/11/2025
តាមរយៈអាហារូបករណ៍ Trustee Scholarship បានផ្តល់ឱកាសដល់និស្សិតអន្តរជាតិចំនួន២០នាក់ ឱ្យទៅសិក្សាថ្នាក់បរិញ្ញាបត្រ នៅសាកលវិទ្យាល័យ Boston នៃសហរដ្ឋអាមេរិក ក្នុងឆ្នាំសិក្សា២០២៦។ អាហារូបករណ៍ផ្ដោតសំខាន់លើថ្លៃសិក្សាពេញលេញ...
កម្មវិធីពិសេសរបស់ AMS EDUCATION
ព័ត៌មានសង្ខេប
