អាហារូបករណ៍ Chevening ជាកម្មវិធីផ្ដល់ការគាំទ្រលើការសិក្សាដល់និស្សិតអន្តរជាតិ រួមទាំងប្រជាជនកម្ពុជា ដែល​បានកែប្រែអនាគតតាមរយៈការអប់រំនៅចក្រភពអង់គ្លេស។ កញ្ញា Victor Victorine ជាបេក្ខភាពអាហារូបករណ៍ Chevening ថ្នាក់បរិញ្ញាបត្រជាន់ខ្ពស់ ផ្នែក Business Innovation and Entrepreneurship នៅសាកលវិទ្យាល័យ Bristol ឆ្នាំសិក្សា ២០២៤-២០២៥ នាង​នឹង​ចែក​រំលែក​គន្លឹះចំនួន៥ ដើម្បីក្លាយជាបេក្ខភាពអាហារូបករណ៍ Bristol ។

១. សរសេរដូចអ្នកដឹកនាំ មិនមែនដូចជាសិស្សកំពុងរៀន ៖ បេក្ខជនដែលខ្លាំង នឹងសរសេរសំណេរតែងសេចក្ដីដែលមានអត្ថន័យអំពីអនាគត ច្រើនជាងអតីតកាល។ បេក្ខជននឹងផ្ដោតលើចក្ខុវិស័យធំៗរបស់ខ្លួន និងរបៀបដែល Chevening និង Bristol ឬសាកលវិទ្យាល័យណាមួយដែលបេក្ខជនចង់ទៅសិក្សា។ ចក្ខុវិស័យដែលបេក្ខជនគួរគិត គឺធ្វើបែបណាឱ្យមានឥទ្ធិពលរយៈពេលវែងសម្រាប់ប្រយោជន៍ដល់សង្គមមនុស្ស ជាពិសេសសម្រាប់ប្រទេសជាតិ។

២. Tailor for the university factor ៖ បេក្ខជនត្រូវសរសេរសេចក្ដីថ្លែងការណ៍ផ្ទាល់ខ្លួនឱ្យបានច្រើន និងល្អជាងអ្វីដែលគេកំណត់ ព្រោះការសរសេរអំពីសេចក្ដីថ្លែងការណ៍ជាការបង្ហាញខ្លួនបែបណាដើម្បីឱ្យសាកលវិទ្យាល័យសម្រេចចិត្តជ្រើសរើសបេក្ខជនឱ្យទទួលបានអាហារូបករណ៍។ ជាក់ស្ដែង សម្រាប់កញ្ញា Victor Victorine បានសរសេរសេចក្ដីថ្លែងការណ៍ដែលសង្កត់ធ្ងន់លើគម្រោងបង្កើតថ្មីនៃអាជីវកម្មរបស់សាកលវិទ្យាល័យ Bristol អំពីគម្រោងប្រព័ន្ធអេកូឡូស៊ីបច្ចេកវិទ្យាដែលកំពុងរីកចម្រើននៅក្នុងទីក្រុង និងសាកលវិទ្យាល័យ។

៣. Think of Chevening as a boardroom interview ៖ ភាពជាអ្នកដឹកនាំរបស់បុគ្គល នឹងបង្ហាញចេញនៅពេលសម្ភាសន៍ ដូចនេះការដែលមានជំនាញទន់ក្នុងការនិយាយ ប្រាស្រ័យទាក់ទងល្អ លើសពីនេះអ្នកគួរតែបង្ហាញពីឥទ្ធិពលរបស់អ្នក ប្រសិនបើអ្នកទទួលបានអាហារូបករណ៍ Chevening។

៤. Choose referees who know you well ៖ នៅក្នុងការស្នើពាក្យអាហារូបករណ៍ ការដែលមាន Referees ឬ អ្នកធានា/អ្នកដឹងលឺ សម្រាប់បញ្ជាក់ពីសមាសភាពរបស់បេក្ខជន ជាអ្វីដែលអ្នកស្នើពាក្យត្រូវដឹង។ អ្នកធានា គួរតែជាបុគ្គលដែលបានស្គាល់អ្នកបេក្ខជនច្បាស់លាស់ និងមានវ័យសមល្មម ជាបុគ្គលដែលមានបទពិសោធន៍ច្រើនឆ្នាំ និងជាក់លាក់ក្នុងវិស័យណាមួយ ដើម្បីអាចឱ្យពួកគាត់និយាយពីអ្នកបានល្អ និងក្បោះក្បាយ។

៥. បង្កើត “Global board of advisors”៖ បេក្ខជនស្នើអាហារូបករណ៍ដែលមានអាទិភាព ជាបេក្ខជនដែលបង្ហាញពីសក្ដានុពល នៃការមានទំនាក់ទំនងល្អជាមួយនឹងអ្នកជុំវិញខ្លួន ជាពិសេសគួរមានក្រុមប្រឹក្សាអ្នកណែនាំ សាស្ត្រាចារ្យ ឬអ្នកវិទ្យាសាស្ត្រក្នុងវិស័យឧស្សាហកម្មជាដើម។

ក្រៅពីគន្លឹះសំខាន់ទាំង៥ខាងលើ កញ្ញា Victorine ក៏លើកទឹកចិត្តដល់បេក្ខជន គួរតែផ្ដោតបន្ថែមលើ មហិច្ឆតាសិក្សា រចនាសម្ព័ន្ធ និងខ្លឹមសារនៃសំណេរតែងសេចក្ដីរបស់ខ្លួនឱ្យមានទម្ងន់ និងអត្ថន័យគ្រប់គ្រាន់ ដើម្បីចាប់យកឱកាសសិក្សាអាហារូបករណ៍ Chevening ឱ្យបាន៕