ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – លោក តុន ច័ន្ទរិទ្ធិ ជាអ្នកនិពន្ធឯករាជ្យម្នាក់ បានទទួលជ័យលាភីលេខ១ និងក្លាយជាម្ចាស់ពានរង្វាន់អក្សរសិល្ប៍ពុទ្ធសាសនបណ្ឌិត្យ លើកទី៥ ឆ្នាំ២០២២កាលពីពេលថ្មីៗនេះ តាមរយៈស្នាដៃរឿងខ្លីមានចំណងជើងថា «សង្គមនេះ» ។ ការដែលស្នាដៃរឿងខ្លី «សង្គមនេះ» ជាប់ជាស្នាដៃឆ្នើម ក៏ព្រោះតែនៅក្នុងរឿងនេះ អ្នកនិពន្ធបានផ្តល់ការអប់រំដល់មនុស្សក្នុងសង្គមសព្វថ្ងៃ ដោយត្រូវរស់នៅធ្វើជាមនុស្សម្នាក់ដែលប្រកបដោយមនសិកា មិនបោះបង់ឆន្ទៈក្នុងការធ្វើអំពើល្អ។ លើសពីនេះ អ្នកនិពន្ធក៏បានបង្រៀនឱ្យមនុស្សដឹងថា អំពើល្អគឺមិនសាបសូន្យនោះទេ ហើយអំពើល្អត្រូវតែមានការទទួលស្គាល់នៅថ្ងៃណាមួយ។
ម្ចាស់ជ័យលាភីពានរង្វាន់អក្សរសិល្ប៍ វ័យ២៦ឆ្នាំរូបនេះ បានប្រាប់ឱ្យដឹងថា ការលោកចូលរួមប្រកួតស្នាដៃសរសេររឿងខ្លីនេះ ព្រោះតែលោកចង់ចូលរួមលើកស្ទួយអក្សរសិល្ប៍ក៏ដូចជាអក្សរសាស្រ្តជាតិឱ្យកាន់តែរីកចម្រើន។ លើសពីនេះ លោកក៏ចង់ឱ្យខ្លួនលោកផ្ទាល់ចូលកាន់តែជ្រៅក្នុងវិស័យតែងនិពន្ធ រៀនពីបទពិសោធន៍ថ្មីៗ និងអភិវឌ្ឍស្នាដៃរបស់ខ្លួនបន្ថែមទៀត។ ម៉្យាងវិញទៀត លើសពីការបោះពុម្ពស្នាដៃ លោកក៏មានក្ដីស្រមៃចង់ទទួលបានឈ្នះពានរង្វាន់លើកម្មវិធីណាមួយគឺពិតជាពិសេសសម្រាប់អាជីពជាអ្នកនិពន្ធផងដែរ។
លោក តុន ច័ន្ទរិទ្ធិ បន្ថែមថា ប្រធានបទ សីលធម៌នៃការរស់នៅ បានធ្វើឱ្យលោកចាប់អារម្មណ៍ខ្លាំងទៅលើរឿងរ៉ាវរបស់សង្គម អំពីសីលធម៌របៀបរស់នៅរបស់មនុស្សក្នុងសង្គម។ លោកបន្តថា រឿងវិជ្ជមានមួយចំនួនត្រូវបានមនុស្សមើលរំលង ដែលវាគឺជាឱកាសសម្រាប់លោកសរសេរស្នាដៃមួយនេះឡើង ដើម្បីផ្សព្វផ្សាយ និងបង្ហាញការយល់ឃើញរបស់ខ្លួនក្នុងការដោះស្រាយបញ្ហាសង្គមតាមរយៈស្នាដៃប្រកួត។
លោក តុន ច័ន្ទរិទ្ធិ
“ខ្ញុំមិនធ្លាប់រំពឹងថា អាចទទួលបានជ័យលាភីលេខ១នោះទេ ព្រោះខ្ញុំគ្រាន់តែចង់អនុញ្ញាតិឱ្យខ្លួនឯងសាកល្បង ទោះជាប់ឬធ្លាក់នៅតែបន្តរៀន ហើយខ្ញុំមានអារម្មណ៍សប្បាយចិត្តយ៉ាងខ្លាំងដែលស្នាដៃដ៏សាមញ្ញមួយនេះ ត្រូវបានគណៈកម្មការឱ្យតម្លៃ ហើយជាអ្វីដែលខ្ញុំរំភើបថា ការពិតខ្ញុំធ្វើបាន!”
តាមការសរសេរឿងខ្លីនេះ លោក តុន ច័ន្ទរិទ្ធិ ក៏ជួបនូវបញ្ហាប្រឈមក្នុងការសរសេរផងដែរ ដោយសារលោកជាអ្នកសរសេរសៀវភៅលើកទឹកចិត្ត ហើយអភិវឌ្ឍខ្លួនមកសរសេររឿងខ្លី ដែលវាជាការប្រកួតប្រជែងមួយថ្មីសម្រាប់ខ្លួនលោក។ ប៉ុន្តែអ្វីដែលលោកជំនះសរសេររឿងខ្លី គឺលោកអនុញ្ញាតិឱ្យខ្លួនឯងសាកល្បង ព្រោះលោកយល់ថា មិនមានអ្វីអាចបញ្ឈប់យើងបានទេ ប្រសិនបើចិត្តរបស់យើងចង់ ទោះពេលនេះយើងសរសេរមិនល្អប៉ុន្តែយើងអាចព្យាយាមសរសេរម្ដងហើយម្ដងទៀត នោះយើងនឹងធ្វើវាបានល្អមិនខាន។
ក្នុងនោះដែរលោក តុន ច័ន្ទរិទ្ធិ ក៏បានចែករំលែកវិធីសាស្រ្តក្នុងការសរសេររឿងខ្លី ដោយថា ការសរសេររឿងខ្លី ឬរឿងផ្សេងទៀត គួរផ្ដោតលើចំណុច៣សំខាន់ៗ គឺអត្ថន័យ អត្ថរូប អត្ថរស់។ ចំពោះផ្នែកអត្ថន័យ អ្នកសរសេរគួរឆ្លើយសំណួរថា តើខ្លឹមសារទាំងមូល យើងចង់បានអ្វី? ចង់ឱ្យអ្វីទៅគេ? ហើយផ្នែកអត្ថរូបវិញ គឺជាវិធីសរសេរធ្វើឱ្យមានភាពល្អនៅក្នុងស្នាដៃ ហើយសម្រាប់អត្ថរស គឺជាតម្លៃដែលយើងចង់ផ្ដល់ទៅដល់អ្នកអាន។
ជាមួយគ្នានេះ លោក តុន ច័ន្ទរិទ្ធិ ក៏បានលើកទឹកចិត្តដល់យុវជដែលស្រឡាញ់ការតែងនិពន្ធទាំងអស់ ចូរអនុញ្ញាតិឱ្យខ្លួនឯងធ្វើអ្វីដែលខ្លួនស្រឡាញ់ និងអ្វីដែលខ្លួនចង់ធ្វើ មិនថាសរសេររឿងខ្លី មិនថាចង់ក្លាយជាអ្នកនិពន្ធ ឬធ្វើរឿងអ្វីផ្សេង ប្រសិនបើអ្នកទាំងអស់គ្នាមិនសាកល្បងទេ អ្នកទាំងអស់គ្នាអាចទៅដល់ណាទេ ហើយប្រសិនបើទាំងអស់គ្នាមិនធ្វើទេ អ្នកទាំងអស់គ្នានឹងមិនអាចដឹងពីកង្វះខាតរបស់ខ្លួនឯងនោះទេ ។
លោក តុន ច័ន្ទរិទ្ធិ
“កុំខ្លាចក្នុងការបរាជ័យ កុំខ្លាចក្នុងការចាប់ផ្ដើមធ្វើអ្វីមួយ បើកិច្ចការនោះមិនប៉ះពាល់ដល់សង្គម មិនប៉ះពាល់ដល់អ្នកដទៃ ត្រូវជឿជាក់លើខ្លួនឯង អនុញ្ញាតិឱ្យខ្លួនឯងធ្វើ នោះយើងនឹងក្លាយជាអ្វីដែលយើងចង់នៅថ្ងៃណាមួយ”
គួរជម្រានជូនថា លោក តុន ច័ន្ទរិទ្ធិ បានបញ្ចប់ការសិក្សាមុខវិជ្ជាអក្សរសាស្ត្រខ្មែរ នៅសាកលវិទ្យាល័យភូមិន្ទភ្នំពេញក្នុងឆ្នាំ២០១៧ ព្រមទាំងបានបោះពុម្ពស្នាដៃសៀវភៅរបស់ខ្លួនដំបូងចំណងជើងថា “អ្នកពិតជាពិសេស តោះ! ទៅមុខទៀត” ហើយក្រោយមកបោះពុម្ពសៀវភៅមួយក្បាលទៀតចំណងជើងថា “និទានម៉ែ”៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់៧០កន្លែងពីកម្មវិធីអាហារូបករណ៍ CP ALL ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 25/04/2023
កម្មវីធីអាហារូបករណ៍ CP ALL បើកផ្ដល់អាហារូបករណ៍ដល់និស្សិតកម្ពុជា និងឡាវ សម្រាប់ការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃឆ្នាំសិក្សា២០២៣ ។...
ឱកាសនិស្សិតកម្ពុជា បន្តការសិក្សាថ្នាក់បរិញ្ញបត្រជាន់ខ្ពស់ និងបណ្ឌិត នៅសាកលវិទ្យាល័យ APU ប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 10/08/2026
សាកលវិទ្យាល័យ APU ជប៉ុន ប្រកាសជ្រើសរើសនិស្សិតពីកម្ពុជាសិក្សាថ្នាក់បរិញ្ញបត្រជាន់ខ្ពស់ និងបណ្ឌិត
ឱកាសអាហារូបករណ៍ថ្នាក់ Master នៅកាណាដា
ព័ត៌មានអាហារូបករណ៍, ព្រឹត្តិការណ៍
• 20/06/2025
កម្មវិធីអាហារូបករណ៍ McCall MacBain Scholarships 2026 កំពុងស្វែងរកបេក្ខជនដែលមានសក្តានុពល ដើម្បីមកបន្តការសិក្សាថ្នាក់ Master នៅតាមសាកលវិទ្យាល័យនានា ក្នុងប្រទេសកាណាដា។
ក្រសួងអប់រំ ផ្តល់អាហារូបករណ៍ដល់និស្សិតទៅសិក្សាថ្នាក់ឧត្ដមសិក្សានៅតំបន់ស្វយ័តជនជាតិជាំក្វាងស៊ី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 21/02/2024
ក្រសួងអប់រំ យុវជន និងកីឡា ប្រកាសប្រឡងជ្រើសរើសសិស្សនិស្សិតទៅសិក្សាអាហារូបករណ៍ថ្នាក់ឧត្ដមសិក្សានៅតំបន់ស្វយ័តជនជាតិក្វាំងស៊ី នៃ...
ឱកាសស្វែងរកមុខជំនាញសិក្សា និងការងារនៅក្រៅប្រទេស
ព័ត៌មានអាហារូបករណ៍, ព្រឹត្តិការណ៍
• 19/07/2024
ឱកាសល្អសម្រាប់យុវជន យុវនារីសម្រាប់ការស្វែងយល់ពីមុខជំនាញសិក្សា និងមានឱកាសបរទេសដោយឥតគិតថ្លៃជាមួយភ្នាក់ងារជំនាញពីស្ថាប័នអប់រំពីបណ្ដាប្រទេសធំៗនៅលើពិភពលោក។
អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថានជាតិសហគ្រិនភាព និងនវានុវត្តន៍ ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 05/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សា...
ឱកាសសិក្សានៅសាកលវិទ្យាល័យ Aarhus ពីកម្មវិធីអាហារូបករណ៍ប្រទេសដាណឺម៉ាក ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 06/09/2024
ឱកាសទទួលបានការសិក្សាអាហារូបករណ៍នៅសាកលវិទ្យាល័យ Aarhus ពីកម្មវិធីអាហារូបករណ៍ដាណឺម៉ាកសម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់សម្រាប់មុនវិជ្ជាផ្សេងៗ និងផ្ដល់ជូននិស្សិតអន្តរជាតិជាច្រើនកន្លែង។
អាហារូបករណ៍ថ្នាក់ភាសាចិន ២០កន្លែងសិក្សារយៈពេល១ឆ្នាំ នៅសាធារណរដ្ឋប្រជាមានិតចិន
ព័ត៌មានអាហារូបករណ៍, ព្រឹត្តិការណ៍
• 18/01/2024
សមាគមទំនាក់ទំនងយុវជនកម្ពុជា-ចិន បានប្រកាសពីអាហារូបករណ៍ថ្នាក់ភាសាចិន ចំនួន ២០កន្លែង សិក្សារយៈពេល១ឆ្នាំ (ចូលរៀនថ្ងៃទី០១ ខែមីនា ឆ្នាំ២០២៤ រហូតដល់ថ្ងៃទី១៥ ខែមករា ឆ្នាំ២០២៥) នៅខេត្តហឺណាន...
មូលនិធិព្រីនស៍ ផ្តល់ជូនអាហារូបករណ៍ ចេន ហ្ស៊ី ជំនាន់ទី៣ ដល់និសិ្សតចំនួន ១០០នាក់ ជាសសរទ្រូងនៃការរីកចម្រើនរបស់កម្ពុជា
ព័ត៌មានអាហារូបករណ៍, ព្រឹត្តិការណ៍
• 20/03/2024
នៅក្នុងដំណើរឆ្ពោះទៅរកការពង្រឹងវិស័យអប់រំ ថ្មីៗនេះ មូលនិធិព្រីនស៍ ជាមូលនិធិមនុស្សធម៌នៃសម្ព័ន្ធក្រុមហ៊ុន ព្រីនស៍ ហូលឌីង គ្រុប បានរៀបចំពិធីប្រគល់ អាហារូបករណ៍ ចេន ហ្ស៊ី ជំនាន់ទី៣ ជូនដល់សិស្សនិស្សិត។
កម្មវិធីពិសេសរបស់ AMS EDUCATION
ព័ត៌មានសង្ខេប
