ម្ចាស់ជ័យលាភីប្រកួតតស៊ូមតិ ៖យុវជនត្រូវជឿជាក់ ហ៊ានចាប់ឱកាស

ភ្នំពេញ- ក្រុមអមរា ដែលជាក្រុមបដិសេធ នៅក្នុងវគ្គផ្តាច់ព្រ័ត្រ នៃការប្រកួតជជែកដេញដោលទស្សនៈយុវជនឆ្នាំ២០២២ ក្រោមប្រធានបទ “បរិយាបន្នហិរញ្ញវត្ថុ គឺជាកត្តាចម្បងក្នុងការពង្រឹងភាពអង់អាចរបស់ស្ត្រី និងលុបបំបាត់គម្លាតយេនឌ័រ ក្នុងសេដ្ឋកិច្ចឌីជីថល” ត្រូវបានគណៈកម្មការប្រកាសជាក្រុមដែលបានឈ្នះជ័យលាភីលេខ១។ យុវជន ម៉ន ពិសិទ្ធិ ដែលជាសមាជិកក្រុមអមរា បាននិយាយថា ដើម្បីទទួលបានជោគជ័យមិនថាការប្រកួត ឬការរៀនសូត្រ យុវជនត្រូវជឿជាក់លើខ្លួនឯង ហ៊ានចាប់យកឱកាសល្អសម្រាប់អភិវឌ្ឍខ្លួន និងបង្ហាញសក្ដានុពល។

យុវជន ម៉ន ពិសិទ្ធិ បច្ចុប្បន្នជានិស្សិតឆ្នាំទី១ ជំនាញ អន្តរជាតិ នៃវិទ្យាស្ថានភាសាបរទេស បាននិយាយថា កត្តាដែលជំរុញឱ្យខ្លួនចូលរួមកម្មវិធីប្រកួតជជែកដេញដោល ព្រោះការនិយាយតស៊ូមតិជាជំនាញមួយដែលខ្លួនចូលចិត្ត ហើយការប្រកួតនេះ ធ្វើឱ្យខ្លួនបានបញ្ចេញនូវចំណេះដឹង និងសក្ដានុពលដែលមានប្រយោជន៍ទៅដល់សាធារណៈជន។ លើសពីនេះ រូបគេក៏ចង់អភិវឌ្ឍសមត្ថភាព ពង្រឹងភាពក្លាហានក្នុងការនិយាយជាសាធារណៈផងដែរ។

យុវជន ម៉ន ពិសិទ្ធិ

“ខ្ញុំសប្បាយចិត្តដែលបានជាប់ក្នុងវគ្គផ្ដាច់ព្រ័ត្រ ប៉ុន្តែក៏ត្រូវបង្កើនទំនួលខុសត្រូវបន្ថែមទាក់ទងជាមួយនឹងការស្រាវជ្រាវបន្ថែមកាន់តែមានភាពច្បាស់លាស់ជាមួយការប្រកួត និងភាពរួចរាល់សម្រាប់ការប្រកួតផងដែរ”

យុវជនសិស្សវ័យ១៨ឆ្នាំ រូបនេះ បន្ថែមថា សម្រាប់យុវជន និងសិស្សានុសិស្ស ប្រសិនបើមានឱកាសល្អគួរតែចាប់យកឱកាសក្នុងការចូលរួមកម្មវិធីផ្សេងៗឱ្យបានច្រើន។ ពិសិទ្ធិ និយាយថា កម្មវិធីប្រកួតនិយាយជាសាធារណៈ ជាកម្មវិធីមួយដែលយុវជនអាចអភិវឌ្ឍសកម្មភាពផ្ទាល់ទាក់ទងនឹងចំណេះដឹងរបស់យើងចេះបានប៉ុណ្ណា? ហើយតើយើងត្រូវបន្ថែមអ្វីទៀត? នេះជាឱកាសមួយល្អ ប្រសិនបើយុវជនអាចចាប់យកឱកាសអ្វីមួយដែលល្អសម្រាប់អភិវឌ្ឍខ្លួន និងបង្ហាញនូវសក្ដានុពលរបស់ខ្លួន។

កញ្ញា ណាលី ជឹង និស្សិតឆ្នាំទី៤ ផ្នែកសេដ្ឋកិច្ចអន្តរជាតិ នៃវិទ្យាស្ថានភាសាបរទេស បាននិយាយថា ប្រធានបទនៃកម្មវិធីប្រកួតពិតជាមានសារៈសំខាន់ ដើម្បីឱ្យយុវជនអាចស្វែងយល់បន្ថែមថា បរិយាប័ន្នហិរញ្ញវត្ថុមានកត្តាសំខាន់អ្វីខ្លះជួយដល់ស្រ្តី ក៏ដូចជាការចូលរួមលុបបំបាត់គម្លាតយេនឌ័រនៅក្នុងសង្គម និងសេដ្ឋកិច្ចឌីជីថល។

កញ្ញា ណាលី ជឹង បន្ថែមថា ក្នុងគោលជំហរក្រុមអមរា ដែលជាក្រុមបដិសេធ មានសង្ឃឹមត្រឹម៥០%ប៉ុណ្ណោះ ប៉ុន្តែអ្វីដែលជំរុញឱ្យទទួលបានលទ្ធផលល្អ គឺក្រុមបដិសេធមើលឃើញថា ការផ្ដល់បរិយាប័ន្នហិរញ្ញវត្ថុនេះ ឬការផ្ដល់ហិរញ្ញវត្ថុ មិនមែនជាកត្តាចម្បងអាចជួយស្ដ្រីបាននោះទេ នៅពេលដែលស្រ្តីមិនទាន់មានសមត្ថភាពប្រើប្រាស់ឌីជីថលគ្រប់គ្រាន់ ព្រមទាំងមិនមានចំណេះដឹងគ្រប់គ្រងហិរញ្ញវត្ថុបានល្អ។ ម៉្យាងវិញទៀត ប្រសិនបើស្រ្តីមានចំណេះដឹងគ្រប់គ្រងអាជីវកម្ម ក៏ដូចជាហិរញ្ញវត្ថុបានល្អ នោះការស្នើសុំកញ្ចប់បរិយាប័ន្នហិរញ្ញវត្ថុរបស់ស្រ្តីនឹងប្រើប្រាស់បានល្អ ហើយក៏អាចជួយដល់ស្រ្តីបានច្រើនទៀតផង។

កញ្ញា ណាលី ជឹង

“ខ្ញុំមានអារម្មណ៍សប្បាយរីករាយខ្លាំងមែនទែន ក៏ដូចជាភ្ញាក់ផ្អើលនៅពេលដែលក្រុមអមរាបានទទួលជ័យលាភីលេខ១ ដែលយើងធ្លាប់តែគិតថាពិបាកនឹងធ្វើបាន ប៉ុន្តែទីបំផុតយើងអាចធ្វើបាន”

កញ្ញា សេង កុលនិស្ស័យ ជានិស្សិតឆ្នាំទី១ ជំនាញសិក្សាអន្តរជាតិ នៃវិទ្យាស្ថានភាសាបរទេស និងជំនាញច្បាប់ នៅសាកលវិទ្យាល័យនីតិសាស្រ្ត និងវិទ្យាសាស្រ្តសេដ្ឋកិច្ច ក៏បានលើកឡើងដែរថា លក្ខណៈពិសេសដែលអាចឱ្យក្រុមអមរាទទួលបានជ័យលាភីក្នុងការប្រកួត គឺទី១. សមាជិកក្រុមមកពីមជ្ឈដ្ឋានផ្សេងៗគ្នា មានជំនាញនិងបទពិសោធន៍ជជែកដេញដោល ហើយរួមបញ្ចូលគ្នាជាក្រុមកាន់តែខ្លាំងពូកែ។ ទី២. សមាជិកក្រុមមានការសហការគ្នាបានល្អ មិនមានទំនាស់នោះឡើយ និងចេះជួយគ្នាទៅវិញទៅមក។

កញ្ញា សេង កុលនិស្ស័យ ប្រាប់ថា ចំពោះបញ្ហាចម្បងដែលក្រុមអមរាបានជួបប្រទះ គឺដោយសារតែជាក្រុមរបស់ខ្លួនមិនអាចបកស្រាយបដិសេធប្រធានបទប្រកួតបាន ហើយមានការលំបាកស្វែងរកទិន្នន័យដើម្បីយកមកគាំទ្រទៅដល់ទឡ្ហីករណ៍។ លើសពីនេះ សមាជិកក្រុមមានកិច្ចការរវល់រៀងៗខ្លួនត្រូវពិភាក្សាគ្នាតាមប្រព័ន្ធអនឡាញនៅពេលយប់។ ប៉ុន្តែទោះជាយ៉ាងនេះក្ដី ក្រុមអមរានៅតែអាចដោះស្រាយបញ្ហាប្រឈមទាំងនេះបាន ។

កញ្ញា សេង កុលនិស្ស័យ

“សិស្ស និងនិស្សិតដែលមានបំណងចូលរួមប្រកួតតស៊ូមតិត្រូវមានភាពជឿជាក់លើខ្លួនឯង ហានចាប់យកឱកាស ខិតខំពង្រឹងចំណេះដឹង ស្រាវជ្រាវឱ្យបានច្រើន និងមានជំនាញធ្វើការងារជាក្រុម”

និស្សិតឆ្នាំទី១ ជំនាញសិក្សាអន្តរជាតិ រូបនេះ បញ្ជាក់បន្ថែមថា តាមរយៈកម្មវិធីតស៊ូមតិមួយនេះ រូបគេរៀនបានច្រើន ដោយប្រធានបទទាក់ទងជាមួយស្រ្តី និងឌីជីថល ដែលមិនធ្លាប់មានចំណេះដឹងផ្នែកនេះពីមុនមក។ លើសពីនេះ រូបកញ្ញាផ្ទាល់ក៏បានទទួលបានការបណ្ដុះបណ្ដាល និងទទួលបានចំណេះដឹងក្នុងការតស៊ូមតិបានច្រើនជាងមុន ព្រមទាំងរៀនបានពីមិត្តរួមក្រុម ស្គាល់ពីចំណុចខ្លាំង និងចំណុចខ្សោយដើម្បីបំពេញគ្នាទៅវិញទៅមក៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មី

មើលទាំងអស់ ➧

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

វិធីសាស្ត្រ ៤ ដែលអាណាព្យាបាលអាចបង្កើតទម្លាប់វិជ្ជមានសម្រាប់កុមារប្រើបច្ចេកវិទ្យាឌីជីថល

បទយកការណ៍, អប់រំកុមារតូច

• 06/03/2026

វិធីជំរុញខ្លួនឯងឱ្យធ្វើលំហាត់ប្រាណបានទៀងទាត់

ចំណេះជីវិត, បទយកការណ៍

• 04/02/2026

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Thailand International Postgraduate Programme ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 20/01/2025

កម្មវិធីអាហារូបករណ៍ Thailand International Postgraduate Programme (TIPP) ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ សិក្សានៅតាមសាកលវិទ្យាល័យជាច្រើន នៃប្រទេសថៃសម្រាប់ឆ្នាំសិក្សា២០២៥...

ឱកាសផ្លាស់ប្ដូរការសិក្សានៅសាកលវិទ្យាល័យ Yale ពីកម្មវិធី Yale Young Scholars ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 25/12/2024

កម្មវិធីអាហារូបករណ៍ Yale Young Scholars (YYGS) ផ្ដល់ឱកាសផ្លាស់ប្ដូរការសិក្សានៅសាកលវិទ្យាល័យ Yale ចំនួន២សប្ដាហ៍សម្រាប់និស្សិតអន្តរជាតិទាំងអស់ដែលមានអាយុចាប់ពី១៦ឆ្នាំ ដល់១៨ឆ្នាំ សិក្សានៅសហរដ្ឋអាមេរិក។

កម្មវិធី MTCP ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅប្រទេសម៉ាឡេស៊ីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 23/06/2023

ភ្នំពេញ - កម្មវីធីអាហារូបករណ៍ THE MALAYSIAN TECHNICAL COOPERATION PROGRAMME ឬ MTCP ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់...

វគ្គសិក្សា Online ឥតគិតថ្លៃចំនួន ៦ ពីសាកលវិទ្យាល័យ Harvard សម្រាប់ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 04/03/2025

សាកលវិទ្យាល័យ Harvard បានផ្ដល់ការសិក្សាវគ្គខ្លីតាមរយៈ Online ក្រោមកម្មវិធី Harvard Online ដើម្បីផ្ដល់ឱកាសសិក្សាដោយឥតគិតថ្លៃសម្រាប់និស្សិត និងអ្នកដែលចង់សិក្សាវគ្គខ្លីមកពីទូទាំងពិភពលោក។

អាហារូបករណ៍កម្រិតសញ្ញាបត្រជាន់ខ្ពស់បច្ចេកទេសចំនួន៧២កន្លែងនៅប្រទេសវៀតណាម

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 13/09/2024

ឱកាសសិក្សាអាហារូបករណ៍កម្រិតសញ្ញាបត្រជាន់ខ្ពស់បច្ចេកទេសចំនួន៧២កន្លែងនៅប្រទេសវៀតណាមរយៈពេល៤ឆ្នាំសម្រាប់ឆ្នាំសិក្សា២០២៤-២០២៥។ អាហារូបករណ៍ភាគីវៀតណាមផ្ដល់ជូន និងរ៉ាប់រងលើថ្លៃសិក្សា ការស្នាក់នៅ និងការហូបចុក...

មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ផ្តល់ការសិក្សាជំនាញពេញនិយមចំនួន១១ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 05/09/2024

ជាឱកាសសម្រាប់យុវជន ក៏ដូចជាបងប្អូនប្រជាពលរដ្ឋរស់នៅខេត្តកែប ដែលមានបំណងចង់ទទួលបានជំនាញពិតប្រាកដមួយសម្រាប់ជីវិត ពេលនេះមជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ប្រកាសជ្រើសរើសសិក្ខាកាមឱ្យចូលរៀនដោយឥតគិតថ្លៃ ទៅលើជំនាញចំនួន១១។

សាកលវិទ្យាល័យភូមិន្ទភ្នំពេញជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមី

ព័ត៌មានអាហារូបករណ៍, ព្រឹត្តិការណ៍

• 25/01/2023

សាកលវិទ្យាល័យភូមិន្ទភ្នំពេញប្រកាសប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមីជំនាន់ទី៣ សម្រាប់ឆ្នាំសិក្សា២០២២-២០២៣ ។...

ឱកាសសិក្សាអាហារូបករណ៍រយៈពេលខ្លីនៅប្រទេសជប៉ុន នៃកម្មវិធីអាហារូបករណ៍ Amgen ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 18/01/2023

កម្មវិធីអាហារូបករណ៍ Amgen បើកផ្ដល់អាហារូបករណ៍ខ្លីរយៈពេល២ខែដោយមានការគាំទ្រពី Tokyo Scholarship សម្រាប់និស្សិតបរទេសដែលបានបញ្ចប់ថ្នាក់បរិញ្ញាបត្រ...

ឪពុកម្ដាយគួរដឹង! របៀបដោះស្រាយភាពតានតឹងផ្លូវចិត្តរបស់កុមារ

ព័ត៌មានអាហារូបករណ៍, ព្រឹត្តិការណ៍

• 26/07/2024

ភាពតានតឹងចិត្តមិនកើតមានឡើងចំពោះតែមនុស្សធំនោះទេ វាក៏អាចកើតមានចំពោះកុមារដែរ។ នៅពេលកូន ឬកុមារមានភាពតាមតឹងចិត្ត តើឪពុកម្ដាយធ្វើបែបណា? ខាងក្រោមនេះ ជារៀបដោះស្រាយភាពតានតឹង...