សាលាអន្តរជាតិ ប្រូមស៍ហ្រ្គូវកម្ពុជា ចុះ MoU ជាមួយ Swiss Education Group ពង្រីកឱកាសសិក្សា បន្តនៅក្រៅប្រទេស

សាលាអន្តរជាតិ ប្រូមស៍ហ្រ្គូវកម្ពុជា (Bromsgrove International School Cambodia-BISC) បានចុះអនុស្សរណៈនៃការយោគយល់ (MoU) ជាមួយ Swiss Education Group (SEG) ដើម្បីពង្រឹងកិច្ចសហប្រតិបត្តិការផ្នែកអប់រំអន្តរជាតិ និងពង្រីកឱកាសសិក្សាបន្តកម្រិតបរិញ្ញាបត្រ នៅគ្រឹះស្ថានឧត្តមសិក្សាឈានមុខនៅក្រៅប្រទេសសម្រាប់ សិស្សានុសិស្សរបស់សាលា។

ពិធីចុះហត្ថលេខាលើអនុស្សរណៈនៃការយោគយល់នេះ បានប្រព្រឹត្តទៅនៅថ្ងៃសុក្រ ទី១៣ ខែវិច្ឆិកា ឆ្នាំ ២០២៦ នៅទីតាំងសាលាអន្តរជាតិ Bromsgrove កម្ពុជា ក្នុងរាជធានីភ្នំពេញ។ អនុស្សរណៈនេះត្រូវបាន ចុះហត្ថលេខាដោយ ឧកញ៉ា កែវ សម្បត្តិ ស្ថាបនិក និងជានាយកប្រតិបត្តិ នៃសាលាអន្តរជាតិ ប្រូមស៍ហ្រ្គូវ កម្ពុជា និង លោក Phone Myat San ប្រធានគ្រប់គ្រងជាន់ខ្ពស់ប្រចាំតំបន់ នៃ Swiss Education Group’។

កិច្ចសហប្រតិបត្តិការជាយុទ្ធសាស្ត្រនេះ បង្កើតនូវការពង្រឹងកិច្ចសហការផ្នែកអប់រំកាន់តែជិតស្និទ្ធ និងផ្លូវ ឆ្ពោះទៅបន្តការសិក្សានៅកម្រិតអន្តរជាតិ ដោយផ្តល់ឱ្យសិស្សានុសិស្សរបស់ BISC នូវឱកាសកាន់តែទូលំ ទូលាយក្នុងការស្វែងយល់អំពីថ្នាក់បរិញ្ញាបត្រនៅគ្រឹះស្ថានឧត្តមសិក្សាឈានមុខដែលមានការទទួល ស្គាល់ជាអន្តរជាតិ លើជំនាញគ្រប់គ្រងបដិសណ្ឋារកិច្ច ធុរកិច្ច និងសិល្បៈធ្វើម្ហូប តាមរយៈគ្រឹះស្ថានអប់រំដ៏ ល្បីល្បាញទាំងបួនរបស់ Swiss Education Group នៅប្រទេសស្វីស រួមមាន៖ César Ritz Colleges Switzerland, Culinary Arts Academy Switzerland, HIM Business School និង Swiss Hotel Management School។

តាមរយៈភាពជាដៃគូនេះ សិស្សានុសិស្សនឹងទទួលបានអត្ថប្រយោជន៍ពីការណែនាំផ្នែកសិក្សាកាន់តែ ប្រសើរ ការស្វែងយល់ដឹងកាន់តែទូលំទូលាយអំពីឱកាសសិក្សាអន្តរជាតិ ព្រមទាំងការបង្ហាញនូវទិសដៅ ច្បាស់លាស់សម្រាប់ការបន្តការសិក្សាទៅកាន់កម្មវិធីឧត្តមសិក្សាឯកទេសផ្សេងៗ។

កិច្ចសហប្រតិបត្តិការ នេះឆ្លុះបញ្ចាំងពីការប្តេជ្ញាចិត្តរួមគ្នាក្នុងការអភិវឌ្ឍធនធានមនុស្សជំនាន់ថ្មី ដែលមានទស្សនវិស័យជាសកល ពោរពេញទៅដោយចំណេះដឹង ជំនាញ និងទំនុកចិត្ត ដើម្បីទទួលបានជោគជ័យក្នុងពិភពលោក ដែលមានការភ្ជាប់គ្នាកាន់តែខ្លាំងឡើង។

ក្នុងសុន្ទរកថាស្វាគមន៍ ឧកញ៉ា កែវ សម្បត្តិ ស្ថាបនិក និងជានាយកប្រតិបត្តិនៃសាលាអន្តរជាតិ ប្រូមស៍ ហ្រ្គូវកម្ពុជា បានបញ្ជាក់ជាថ្មីអំពីការប្តេជ្ញាចិត្តរបស់សាលាក្នុងការផ្តល់ការអប់រំប្រកបដោយគុណភាព និង ឧត្តមភាព ព្រមទាំងការរៀបចំសិស្សានុសិស្សឱ្យមានសមត្ថភាព និងភាពត្រៀមខ្លួនរួចជាស្រេចសម្រាប់ បរិយាកាសប្រកួតប្រជែងកាន់តែខ្លាំងឡើងនៅលើឆាកអន្តរជាតិ។

លោកឧកញ៉ាបានលើកឡើងថា ភាព ជាដៃគូនេះ គឺជាសមិទ្ធផលដ៏សំខាន់មួយក្នុងចក្ខុវិស័យរយៈ ពេល វែងរបស់ BISC ក្នុងការផ្តល់មូលដ្ឋាន គ្រឹះសិក្សាដ៏រឹងមាំ ទស្សនវិស័យអន្តរជាតិ និងផ្លូវបន្តការសិក្សា ប្រកបដោយអត្ថន័យឆ្ពោះទៅកាន់សាកល វិទ្យាល័យ និងគ្រឹះស្ថានឧត្តមសិក្សាឈានមុខគេនៅទូទាំង ពិភពលោក។

លោក Phone Myat San ប្រធានគ្រប់គ្រងជាន់ខ្ពស់ប្រចាំតំបន់នៃ Swiss Education Group បានលើក ឡើងអំពីការប្តេជ្ញាចិត្តរបស់ SEG ក្នុងការផ្តល់ការអប់រំដែលទទួលស្គាល់ជាអន្តរជាតិ ដែលចាក់ឫសលើ វិស័យអប់រំផ្នែកបដិសណ្ឋារកិច្ចរបស់ប្រទេសស្វីសជាយូរលង់ណាស់មកហើយ ដើម្បីបំពាក់បំប៉នសិស្សានុ សិស្សនូវការពិតបែបវិភាគ និងជំនាញអាជីវកម្មជាក់ស្តែង ដែលចាំបាច់បំផុតសម្រាប់វិស័យ បដិសណ្ឋារ កិច្ច និងវិស័យផ្សេងៗទៀត។

លើសពីនេះទៀត លោកបានសង្កត់ធ្ងន់ថា កិច្ចសហការនេះនឹង បើកឱកាសថ្មីៗសម្រាប់សិស្សានុ សិស្សកម្ពុជា ក្នុងការបន្តការសិក្សានៅសាលាដែលមានចំណាត់ថ្នាក់អន្តរ ជាតិរបស់ SEG នៅប្រទេស ស្វីស។

ការចុះហត្ថលេខាលើអនុស្សរណៈនៃការយោគយល់នេះ គឺជាការបង្ហាញពីចក្ខុវិស័យ និងការប្តេជ្ញាចិត្តរួមគ្នាក្នុងការលើកកម្ពស់ឧត្តមភាពនៃការអប់រំ ពង្រឹងទំនាក់ទំនងអន្តរជាតិ និងពង្រីកឱកាសសម្រាប់ធនធានមនុស្សជំនាន់ក្រោយ។

តាមរយៈកិច្ចសហប្រតិបត្តិការនេះ BISC បន្តពង្រឹងបណ្តាញភាពជាដៃគូអប់រំអន្តរជាតិ និងការប្តេជ្ញាចិត្ត ក្នុងការរៀបចំសិស្សានុសិស្សឱ្យមានសមត្ថភាពសម្រេចបានជោគជ័យក្នុងការសិក្សាបន្ត និងអនាគតវិជ្ជាជីវៈរបស់ពួកគេ។

សូមជម្រាបថា Swiss Education Group (SEG) គឺជាក្រុមគ្រឹះស្ថានអប់រំឯកជននៅប្រទេសស្វីស ដែលមានទីស្នាក់ការកណ្តាលនៅទីក្រុង Montreux និងដំណើរការគ្រឹះស្ថានអប់រំចំនួន៤ ដែលមាន ឯកទេសលើវិស័យបដិសណ្ឋារកិច្ច ធុរកិច្ច និងសិល្បៈធ្វើម្ហូប។ បច្ចុប្បន្ន SEG មាននិស្សិតកំពុងសិក្សាជាង ៦.០០០នាក់ និងសហគមន៍អតីតនិស្សិតមកពីជាង ១១០ប្រទេស។

គ្រឹះស្ថានអប់រំទាំង៤ របស់ខ្លួនសុទ្ធតែស្ថិតក្នុងចំណោមគ្រឹះស្ថានអប់រំកំពូលទាំង១០ របស់ពិភពលោក តាមចំណាត់ថ្នាក់ QS World University Rankings ឆ្នាំ២០២៦ ក្នុងមុខវិជ្ជាគ្រប់គ្រងបដិសណ្ឋារកិច្ច និងការកម្សាន្ត។

តាមរយៈភាពជាដៃគូនេះ សាលាអន្តរជាតិ ប្រូមស៍ហ្រ្គូវកម្ពុជា និង Swiss Education Group រំពឹងថា នឹងរួមចំណែកពង្រឹងកិច្ចសហប្រតិបត្តិការអប់រំអន្តរជាតិ និងបង្កើនជម្រើសសិក្សា បន្តសម្រាប់សិស្សា នុសិស្សកម្ពុជា ដើម្បីត្រៀមខ្លួនសម្រាប់ការសិក្សាថ្នាក់ឧត្តមសិក្សា និងអាជីពនាពេលអនាគត៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសរបស់យុវជនឆ្នើមលើវិស័យបច្ចេកវិទ្យា និង​ការ​បង្កើតហ្គេម ដើម្បីឈ្នះអាហារូបករណ៍ ១ម៉ឺនដុល្លារ ពីកម្មវិធីប្រកួតបង្កើតហ្គេមកម្រិតអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 16/02/2026

ក្រសួងអប់រំ យុវជន និងកីឡា បានប្រកាសពីការបើកឱកាសដល់សិស្ស និស្សិត និងយុវជនកម្ពុជា ចូលរួមក្នុងកម្មវិធីប្រកួតប្រជែង Games for Change (G4C) Student Challenge 2026។ នេះគឺជាវេទិកាកម្រិតអន្តរជាតិដែលអនុញ្ញាត...

អាហារូបករណ៍ថ្នាក់ឧត្តមសិក្សានៅប្រទេសណូវែលហ្សេឡង់សម្រាប់និស្សិតអន្តរជាតិឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 21/02/2023

កម្មវិធីអាហារូបករណ៍ Manaaki New Zealand បានប្រកាស​បើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិ​ទៅសិក្សា​ថ្នាក់បរិញ្ញាបត្រ​ជាន់ខ្ពស់ ...

វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 24/03/2025

វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈ ជាច្រើនកន្លែងសម្រាប់ សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈដោយឥតគិតថ្លៃ។ ការសិក្សាផ្ដល់ជូនក្រោមកម្មវិធីសិក្សា ១លាន៥សែននាក់ ដែលគាំទ្រ...

អាហារូបករណ៍​រដ្ឋាភិបាល​សាធារណរដ្ឋ​ឆែក ​ថ្នាក់​បរិញ្ញាបត្រ​ជាន់ខ្ពស់​ ​និង​បណ្ឌិត​ ២១​កន្លែង​

ព័ត៌មានអាហារូបករណ៍, ព្រឹត្តិការណ៍

• 09/09/2026

រដ្ឋាភិបាលនៃសាធារណរដ្ឋឆែកនិងផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចំនួន ២១ កន្លែង

អាហារូបករណ៍មូលនិធិ Matsumae International ថ្នាក់ស្រាវជ្រាវនៅប្រទេសជប៉ុនឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 14/03/2023

កម្មវិធីអាហារូបករណ៍  Matsumae International នៃប្រទេសជប៉ុនប្រកាសផ្ដល់អាហារូបករណ៍សិក្សាថ្នាក់ស្រាវជ្រាវតាមរយៈកម្មវិធីមូលនិធី...

អាហារូបករណ៍ ASEAN-China Young Leaders ថ្នាក់បណ្ឌិត បរិញ្ញាបត្រជាន់ខ្ពស់ និងថ្នាក់ស្រាវជ្រាវសម្រាប់ឆ្នាំសិក្សា២០២៦-២០២៧ នៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 21/01/2026

ក្នុងសេចក្តីជូនដំណឹងកាលពីដើមសប្តាហ៍នេះ ក្រសួងអប់រំ យុវជន និងកីឡា បានឱ្យដឹងថា គណៈកម្មាធិការអាហារូបករណ៍អ្នកដឹកនាំវ័យក្មេងអាស៊ាន-ចិន (ASEAN-China Young Leaders Scholarship) នឹងផ្តល់អាហារូបករណ៍...

អាហារូបករណ៍ថ្នាក់​កុំព្យូទ័រ ១០០% សម្រាប់សិស្សថ្នាក់បឋមសិក្សា អនុវិទ្យាល័យ និងវិទ្យាល័យ

ព័ត៌មានអាហារូបករណ៍, ព្រឹត្តិការណ៍

• 11/02/2025

តាមរយៈក្រសួងអប់រំ យុវជន និងកីឡា សាលា អុី-ស្គូល (ខេមបូឌា) នឹងផ្តល់អាហារូបករណ៍ថ្នាក់កុំព្យូទ័រ ១០០% ជូនសិស្សានុសិស្សថ្នាក់បឋមសិក្សា អនុវិទ្យាល័យ និងវិទ្យាល័យ...

អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញបច្ចេកវិទ្យាឌីជីថលចំនួន១០០កន្លែងសម្រាប់ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 02/12/2024

តាមរយៈក្រសួងប្រៃសណីយ និងទូរគមនាគមន៍ (ក.ប.ទ) ប្រកាសជ្រើសរើសសិស្សនិស្សិត និងសាធារណជនចូលសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០០នាក់ ដើម្បីសិក្សាលើជំនាញបច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា...

អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ១០កន្លែងសម្រាប់​ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 26/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀបចំនួន១០កន្លែងតាមរយៈសហភាពសហព័ន្ធយុវជនកម្ពុជា រាជធានីភ្នំពេញសម្រាប់ឆ្នាំ...