ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អាហារូបករណ៍ 100% សម្រាប់សិស្សវិទ្យាល័យបន្តការសិក្សានៅ ប្រទេសជប៉ុន រយៈពេលមួយឆមាស ឬ 10ខែ :
អាហារូបករណ៍ ៖ កម្មវិធីអាហារូបករណ៍សិក្សានៅក្រៅប្រទេស ASIA KAKEHASHI ផ្ដល់ឱកាសដល់សិស្សវិទ្យាល័យដែលមានចំណាប់អារម្មណ៍ក្នុងការកសាងសមត្ថភាពបន្ថែម តាមរយៈការផ្លាស់ប្ដូរការសិក្សារយៈពេលមួយឆមាស ឬ 10ខែ នៅវិទ្យាល័យប្រទេសជប៉ុន។ កម្មវិធីនេះស្វាគមន៍សិស្សដែលមកពី 22 ប្រទេស រួមមាន កម្ពុជា ព្រុយណេ ចិន ឥណ្ឌា ម៉ាឡេស៊ី និងប្រទេសជាច្រើនទៀតក្នុងអាស៊ី។
អ្នកចូលរួមទាំងអស់នឹងត្រូវបានជួយជ្រោមជ្រែងដោយអ្នកស្ម័គ្រចិត្តដែលមានបទពិសោធន៍និងបុគ្គលិកជំនាញរបស់ AFS ក្នុងអំឡុងកម្មវិធីនៅប្រទេសជប៉ុន មានការឧបត្ថម្ភថ្លៃធ្វើដំណើរតាមជើងហោះហើរក្នុងស្រុកនិងអន្តរជាតិ ថ្លៃស្នាក់នៅអន្តេវាសិកដ្ឋាន ការចំណាយថ្លៃសាលា ការធានារ៉ាប់រងសុខភាពនៅប្រទេសជប៉ុន និងការចំណាយលើកម្មវិធីទាំងស្រុង។
ចំពោះលក្ខខណ្ឌក្នុងការចូលរួមដាក់ពាក្យជាបេក្ខជននោះគឺ៖
- ជាជនជាតិខ្មែរ កំពុងរស់នៅប្រទេសកម្ពុជា។
- មានអាយុចន្លោះពី 15 ទៅ 18ឆ្នាំ។
- កំពុងរៀនថ្នាក់ទី9, 10, 11 និង12 ។
- មានកម្រិតពិន្ទុ ឬមធ្យមភាគយ៉ាងហោចណាស់ 60% ក្នុងមុខវិជ្ជាសិក្សានីមួយៗ
- ជាសិស្សគំរូ និងខិតខំរៀនសូត្រ។
- ជាអ្នករៀនភាសាជប៉ុន ឫក៏មានចំណូលចិត្តក្នុងការរៀនភាសាជប៉ុន។
- អាចធ្វើដំណើរទៅប្រទេសក្រៅដោយគ្មានអ្នកទៅជាមួយបាន។
- បេក្ខជនដែលមានសមត្ថភាពក្នុងកីឡា តន្រ្តីសិល្បៈ ឫក៏ធ្លាប់បានរួមការងារស្ម័គ្រចិត្តក្នុងសង្គមត្រូវបានលើកទឹកចិត្តឲ្យចូលរួម។
- មានការតាំងចិត្ត ចង់ក្លាយជាអ្នកដឹកនាំនាថ្ងៃអនាគត ដើម្បីជំរុញឳ្យមានការផ្លាស់ប្តូរជាវិជ្ជមាននៅក្នុងសហគមន៍របស់ខ្លួន។
កាលបរិច្ឆេទនៃការដាក់ពាក្យស្នើចូលរួមកម្មវិធីនឹងផុតកំណត់នៅថ្ងៃទី 31 ខែមករា ឆ្នាំ2021 ។ កម្មវិធីនឹងចាប់ផ្ដើមក្នុងខែសីហា ឆ្នាំ2021 នេះ។ រយៈពេលនៃកម្មវិធីអាហារូបករណ៍ផ្លាស់ប្ដូរការសិក្សាគឺ ចាប់ពីខែសីហា ឆ្នាំ2021 ដល់ខែមិនា ឆ្នាំ2022។
គួរបញ្ជាក់ផងដែរថា កម្មវិធីអាហារូបករណ៍ AFS គាំទ្រដោយក្រសួងអប់រំ វប្បធម៌ កីឡា វិទ្យាសាស្ត្រ និងបច្ចេកវិទ្យា (MEXT) ដើម្បីដំណើរការគម្រោង អាស៊ីកាកិហាស៊ិ (Asia Kakehashi) ក្នុងការផ្លាស់ប្តូរវប្បធម៌ និងការយោគយល់គ្នារវាងសិស្សវិទ្យាល័យនៅប្រទេសជប៉ុន និង 22 ប្រទេសផ្សេងទៀតក្នុងតំបន់អាស៊ី។ កម្មវិធីឧបត្ថម្ភដោយរដ្ឋាភិបាលនេះ ផ្តល់អាហារូបករណ៍ពេញលេញសម្រាប់សិស្សវិទ្យាល័យនៅអាស៊ី ដើម្បីផ្លាស់ប្ដូរការសិក្សានៅវិទ្យាល័យសាធារណៈរបស់ប្រទេសជប៉ុន។ សម្រាប់ព័ត៌មានបន្ថែមនិងការដាក់ពាក្យ សូមចូលទៅកាន់៖ https://www.afs.or.jp/asiakakehashi/ ។
ជីវប្រវត្តិ: កញ្ញា សៅ សុធារ៉ា កំពុងសិក្សាផ្នែកប្រព័ន្ធផ្សព្វផ្សាយនិងសារគមនាគមន៍ នៅសាកលវិទ្យាល័យភូមិន្ទភ្នំពេញ។ កញ្ញាធ្លាប់ជាអ្នកសរសេរអត្ថបទជាភាសាខ្មែរ និងបកប្រែឲ្យស្ថាប័នឯកជនមួយកន្លែង។ បច្ចុប្បន្ន សុធារ៉ា ជាអ្នកយកការព័ត៌មានអប់រំឲ្យសារព័ត៌មាន AMS Education។
របាយការណ៍សំខាន់
ព័ត៌មានទូទៅ
អ្នកនាំពាក្យក្រសួងកិច្ចការនារី ៖ អន្តេវាសិកដ្ឋានដ៏ធំនៅខណ្ឌជ្រោយចង្វារ គ្រោងទទួលនិស្សិតក្រីក្រនៅចុងឆ្នាំនេះ ឬដើមឆ្នាំក្រោយ
ក្រសួងអប់រំបន្តកំណែទម្រង់សាលារៀន ឆ្ពោះទៅកាន់ PISA
ជំនាញទីផ្សារឌីជីថល ៖ ជម្រើសសិក្សា ឆ្លើយតបទីផ្សារការងារ និងឱកាសទទួលបានប្រាក់ចំណូលខ្ពស់
ទម្លាប់សាមញ្ញៗ ៥ យ៉ាង ដែលធ្វើឱ្យមនុស្សរស់នៅបានយូរ និងមានសុខភាពល្អ
វិទ្យាស្ថានពហុបច្ចេកទេសកម្ពុជា ផ្តល់អាហារូបករណ៍ ១០០% និង ៥០% សម្រាប់សិស្សបាក់ឌុបជាប់និទ្ទេស A និង B
សម្ដេចតេជោ ហ៊ុន សែន បង្ហាញជំនឿថា បាក់ឌុបឆ្នាំនេះ ស្ត្រីអាចជាប់ច្រើនជាងបុរស
យុវជនកម្ពុជា ៧រូប តំណាងជាតិ ចូលរួម World Youth Festival 2026 នៅរុស្ស៊ី ផ្តោតលើជំនាញបច្ចេកវិទ្យា និងរ៉ូបូត
រកឃើញយុវជន ៣រូប និង៣ក្រុម ឈ្នះពីការប្រកួតប្រជែងសន្តិសុខសាយប័រ
បេក្ខជនបាក់ឌុបត្រៀមខ្លួនជ្រើសរើសជំនាញសិក្សាបន្ត ខណៈអ្នកឃ្លាំមើលសង្គមស្នើឱ្យជ្រើសរើសតាមឧបនិស្ស័យ និងសមត្ថភាព
ការស្រាវជ្រាវបង្ហាញថា ការមាក់ងាយ បៀតបៀន (Bullying) ភាគច្រើនកើតឡើងនៅសាលារៀន, អ្នកជំនាញទាមទារឱ្យមានការចូលរួមទប់ស្កាត់
កម្មវិធីពិសេសរបស់ AMS EDUCATION
ព័ត៌មានសង្ខេប
