ស្របពេលដែលប្រទេសកម្ពុជាកំពុងបន្តបោះជំហានយ៉ាងលឿនលើការអភិវឌ្ឍសេដ្ឋកិច្ច តម្រូវការហេដ្ឋារចនាសម្ព័ន្ធរូបវន្តរឹងមាំ ដូចជា ផ្លូវថ្នល់ ស្ពាន សាលារៀន មន្ទីរពេទ្យ និងសំណង់អគារទំនើបៗ បានក្លាយជាកាតាលីកររុញច្រានឱ្យ «វិស្វកម្មសំណង់ស៊ីវិល» ក្លាយជាជំនាញគន្លឹះមួយដែលទីផ្សារការងារមិនអាចខ្វះបាន ទាំងក្នុងពេលបច្ចុប្បន្ន និងទៅអនាគត។ សម្រាប់យុវជនដែលទើបបញ្ចប់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នេះជាវិស័យអាទិភាពមួយដែលបើកផ្លូវឆ្ពោះទៅកាន់អាជីពច្បាស់លាស់ និងមានស្ថិរភាពយូរអង្វែង។

វិសាលភាពការងារទូលំទូលាយ

ការយល់ឃើញជាទូទៅមួយចំនួនតែងកំណត់ថា វិស្វកម្មសំណង់ស៊ីវិល ត្រឹមតែជាការរៀនសាងសង់ផ្ទះ ឬអគារតូចតាច។ ផ្ទុយទៅវិញ វិសាលភាពនៃជំនាញនេះគ្របដណ្តប់លើខ្សែច្រវាក់បច្ចេកទេស និងការគ្រប់គ្រងជាច្រើន ដូចជា ការគូរប្លង់រចនា សិក្សាគម្រោង គ្រប់គ្រងការដ្ឋានសំណង់ ភាពធន់នៃសម្ភារសំណង់ និងការសិក្សាពីតម្លៃ នៃគម្រោងសំណង់ជាដើម ដែលសុទ្ធសឹងតែពាក់ព័ន្ធជំនាញវិស្វកម្មសំណង់ស៊ីវិល។

ស្តង់ដារបណ្តុះបណ្តាល និងសមត្ថភាពរបស់និស្សិត

លោកសាស្ត្រាចារ្យ សៀង ពៅ ដែលជាសាស្ត្រាចារ្យមានបទពិសោធន៍យូរឆ្នាំក្នុងការបណ្តុះបណ្តាលជំនាញវិស្វកម្មសំណង់ស៊ីវិលនៅកម្ពុជា បានគូសបញ្ជាក់ថា ភាពជោគជ័យនៃអាជីពនេះអាស្រ័យលើមូលដ្ឋានគ្រឹះអប់រំដ៏រឹងមាំពីគ្រឹះស្ថានឧត្តមសិក្សា។ ក្នុងចំណោមនោះ សាកលវិទ្យាល័យន័រតុន (Norton University) ត្រូវបានកត់សម្គាល់ជាគ្រឹះស្ថានអប់រំឯកជនឈានមុខមួយ ដែលផ្តោតការយកចិត្តទុកដាក់ខ្ពស់លើគុណភាពសិក្សា ដោយ​មាន​បំពាក់ឧបទ្ទេសបង្រៀនគ្រប់គ្រាន់ និងមានការអនុវត្តពិសោធន៍ច្បាស់លាស់។

លោកសាស្ត្រាចារ្យបានបញ្ជាក់បន្ថែមថា នៅសាកលវិទ្យាល័យន័រតុន មុននឹងឈានដល់ការបញ្ចប់ការសិក្សា និស្សិតត្រូវឆ្លងកាត់ការវាស់ស្ទង់សមត្ថភាពយ៉ាងហ្មត់ចត់ ចាប់ពីការប្រឡងពង្រឹងសមត្ថភាព រហូតដល់ដំណាក់កាលការពារសារណាបញ្ចប់ការសិក្សា ដោយមានការត្រួតពិនិត្យ និងវាយតម្លៃដោយផ្ទាល់ពីគណៈកម្មការសាស្ត្រាចារ្យជំនាញ ដើម្បីធានាឱ្យបាននូវធនធានវិស្វករប្រកបដោយឯករាជ្យភាព និងវិជ្ជាជីវៈ។

បើតាមលោកសាស្រ្តាចារ្យ សៀង ពៅ និស្សិតដែលបញ្ចប់ការសិក្សាជំនាញវិស្វកម្មសំណង់ស៊ីវិល ពួកគេនឹងមានជំនាញច្បាស់លាស់ទៅលើចំណេះដឹង សំណង់អគារ (Building Design and Construction) , សំណង់ស្ពាន (Building Design and Construction), សំណង់ផ្លូវថ្នល់ ( Road Design and Construction) និងសំណង់ធារាសាស្ត្រ (Hydraulic Structure and Construction)។

ទីផ្សារការងារទូលំទូលាយ ទាំងស្ថាប័នរដ្ឋ និងវិស័យឯកជន

ទីផ្សារការងារសម្រាប់វិស្វករសំណង់ស៊ីវិលនៅកម្ពុជានៅតែបន្តរក្សាសន្ទុះខ្ពស់។ យោងតាមការកត់សម្គាល់ជាក់ស្តែង និស្សិតដែលបញ្ចប់ការសិក្សាពីសាកលវិទ្យាល័យន័រតុន ទទួលបានការទទួលស្គាល់ និងជឿទុកចិត្តខ្ពស់លើសមត្ថភាពអនុវត្តការងារជាក់ស្តែង ទាំងនៅក្នុងស្ថាប័នរដ្ឋ ក្រុមហ៊ុនអភិវឌ្ឍន៍អចលនទ្រព្យជាតិ-អន្តរជាតិ និងក្រុមហ៊ុនម៉ៅការសំណង់ធំៗ។

ដូច្នេះចំពោះសិស្ស និស្សិត ដែលចង់ក្លាយជាវិស្វករ ហើយស្រលាញ់ទៅលើការអភិវឌ្ឍន៍ ការសាងសង់ហេដ្ឋារចនាសម្ព័ន្ធ ជំនាញវិស្វកម្មសំណង់ស៊ីវិល ជាជំនាញមួយដែល មិនគួរមើលរំលងឡើយ ហើយសាកលវិទ្យាល័យន័រតុន ដែលជាស្ថាប័នអប់រំបណ្ដុះបណ្ដាលឯកជនដ៏ចំណាស់មួយ អាចទុកចិត្ត និងជឿជាក់បាន សម្រាប់អនាគតរបស់ប្អូនៗសិស្សនិស្សិតដែលរៀនជំនាញនេះ៕