ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈគណៈកម្មធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍សិក្សានៅសាធារណរដ្ឋប្រជាមានិតចិន សម្រាប់ឆ្នាំសិក្សា២០២៦-២០២៧។ អាហារូបករណ៍ផ្ដល់ការសិក្សាថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់។
អាហារូបករណ៍ផ្ដល់ជូនជាច្រើនប្រភេទរួមមាន ៖ អាហារូបករណ៍ពេញលេញ អាហារូបករណ៍ដោយផ្នែក ទាំងថ្នាក់បរិញ្ញាបត្រ (សិក្សាជាភាសាចិន) និងថ្នាក់បរិញ្ញាបត្រជាន់ខ្ពស់(សិក្សាជាភាសាចិន ឬអង់គ្លេស)។
លក្ខខណ្ឌនៃការស្នើសុំចុះឈ្មោះរបស់បេក្ខជនស្នើថ្នាក់បរិញ្ញាបត្រ ៖ បេក្ខជនទាំង២ភេទត្រូវមានសញ្ជាតិខ្មែរ សុខភាពល្អ និងសតិបញ្ញាល្អ មានអាយុក្រោម២៥ឆ្នាំ (គិតត្រឹមថ្ងៃដាក់ពាក្យ) មានលទ្ធផលពិន្ទុ ឬបង្កាន់ដៃចុះឈ្មោះធ្វើតេស្ត China Scholastic Competency Assessment (CSCA) មានចំណេះដឹងភាសាអង់គ្លេស (ប្រហាក់ប្រហែលកម្រិត IELTS 5.5 ឡើងទៅ) ឬមានចំណេះដឹងភាសាចិន (ប្រហាក់ប្រហែលកម្រិត HSK 3 ឡើងទៅ)។ ជាមួយគ្នានេះ បេក្ខជនបានជ្រើសរើសជំនាញសិក្សាយ៉ាងច្រើនចំនួន៣ជំនាញ មានសញ្ញាបត្រមធ្យមសិក្សាទុតិយភូមិ ឬសមមូល ព្រឹត្តិបត្រពិន្ទុ ថ្នាក់ទី១០ ១១ និងទី១២ និង សំណេរស្ដីពីផែនការសម្រេចចិត្តទៅបន្តការសិក្សានៅប្រទេសចិន ជាភាសាចិន ឬភាសាអង់គ្លេស (ដោយប្រើពុម្ពអក្សរ Time New Roman ទំហំ 12pt យ៉ាងច្រើន២ទំព័រ និងរៀបចំជា File.PDF)។
សម្រាប់ការស្នើថ្នាក់បរិញ្ញាបត្រជាន់ខ្ពស់ បេក្ខជនទាំងពីរភេទត្រូវមានសញ្ជាតិខ្មែរ សុខភាពល្អ សតិបញ្ញាល្អ អាយុក្រោម៣៥ឆ្នាំ (គិតត្រឹមថ្ងៃដាក់ពាក្យ) មានចំណេះដឹងភាសាអង់គ្លេស (ប្រហាក់ប្រហែលកម្រិត IELTS 6.0 ឡើងទៅ) ឬមានចំណេះដឹងភាសាចិន (ប្រហាក់ប្រហែលកម្រិត HSK 5 ឡើងទៅ)។ ជាមួយគ្នានេះ បេក្ខជនបានជ្រើសរើសជំនាញសិក្សាយ៉ាងច្រើនចំនួន៣ជំនាញ មានសញ្ញាបត្របរិញ្ញាបត្រ ឬសមមូល ព្រឹត្តិបត្រពិន្ទុទាំងបួនឆ្នាំក្នុងការសិក្សាថ្នាក់បរិញ្ញាបត្រ និង writing research proposal ជាភាសាអង់គ្លេស ឬភាសាចិន (រៀបចំជា file.pdf)។
គួរបញ្ជាក់ថា បេក្ខជនដែលស្នើសុំថ្នាក់បរិញ្ញាបត្រ ត្រូវចុះឈ្មោះតេស្តសមត្ថភាព CSCA ដោយខ្លួនឯងតាមរយៈគេហទំព័រ www.csca.cn និងភ្ជាប់លទ្ធផលឱ្យគណៈកម្មាធិការ។ ចំពោះបេក្ខជនដែលស្នើសុំថ្នាក់បរិញ្ញាបត្រ ឬបរិញ្ញាបត្រជាន់ខ្ពស់ ដែលមានឯកសារបញ្ជាក់សមត្ថភាពភាសាអង់គ្លេស IELTS ឬភាសាចិន HKS ដែលមានសុពលភាពសូមភ្ជាប់ជាមួយ និងរៀបចំជា file.pdf ។
សម្រាប់ព័ត៌មានបន្ថែមអំពីការដាក់ពាក្យ បេក្ខជន បេក្ខជនារី ទៅកាន់ទីតាំងស្នាក់ការអាហារូបករណ៍ផ្ទាល់ដេលមានទីតាំងនៅ ផ្ទះលេខ២ ផ្លូវលេខ៥២២ សង្កាត់បឹងកក់១ ខណ្ឌទួលគោក រាជធានីភ្នំពេញ នៅរៀងរាល់ម៉ោងធ្វើការពីចន្ទ-អាទិត្យ ម៉ោង 8am – 12pm និង ម៉ោង ២-៥រសៀល ចាប់ពីថ្ងៃទី១១ ខែធ្នូ រហូតដល់ថ្ងៃទី២៥ ខែធ្នូ ឆ្នាំ២០២៥ ម៉ោង៥:០០នាទី៕
