ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់យុវសិស្សឆ្នើមទើបបញ្ចប់ការសិក្សាថ្នាក់មធ្យមសិក្សាទុតិយភូមិដែលទទួលបាននិទ្ទេស A និងមានក្ដីស្រមៃចង់ចាប់យកអាជីពក្នុងវិស័យយានយន្ត ពេលនេះវិទ្យាស្ថានបច្ចេកទេស ហ្ស៊ី វ៉េ សេ (JVC) បានប្រកាសផ្ដល់ជូនអាហារូបករណ៍ពេញថ្លៃ ១០០% លើជំនាញបច្ចេកទេសរថយន្ត ជាមួយនឹងការឧបត្ថម្ភគាំទ្ររហូតដល់បញ្ចប់ការសិក្សា។
កម្មវិធីអាហារូបករណ៍នេះមានគោលបំណងជំរុញ និងបណ្ដុះបណ្ដាលធនធានមនុស្សផ្នែកបច្ចេកទេសឱ្យឆ្លើយតបទៅនឹងតម្រូវការទីផ្សារការងារដែលកំពុងកើនឡើងយ៉ាងគំហុក។ បេក្ខជនដែលជាប់ជម្រើសនឹងទទួលបានអត្ថប្រយោជន៍សំខាន់ៗជាច្រើន រួមមាន៖
វគ្គបណ្ដុះបណ្ដាលកម្រិតខ្ពស់ ៖ សិក្សាកម្រិតសញ្ញាបត្រជាន់ខ្ពស់បច្ចេកទេស (ជំនាញថែទាំ និងជួសជុលរថយន្ត) រយៈពេល ២ឆ្នាំពេញ ដោយមិនបង់ថ្លៃសិក្សា។
កន្លែងស្នាក់នៅឥតគិតថ្លៃ៖ វិទ្យាស្ថានរៀបចំកន្លែងស្នាក់នៅជូនដោយមិនគិតថ្លៃ ដែលជួយសម្រាលបន្ទុកចំណាយយ៉ាងច្រើនសម្រាប់សិស្សមកពីបណ្ដាខេត្ត។
ប្រាក់ឧបត្ថម្ភប្រចាំខែ៖ ទទួលបានប្រាក់ឧបត្ថម្ភ ១០០ ដុល្លារក្នុងមួយខែ ពេញមួយអំឡុងពេលសិក្សា។
ការអនុវត្តជាក់ស្ដែង៖ ឱកាសចុះកម្មសិក្សាដោយផ្ទាល់នៅតាមបណ្ដាក្រុមហ៊ុន និងយានដ្ឋានស្តង់ដារធំៗ។
ការធានាឱកាសការងារ៖ វិទ្យាស្ថាននឹងជួយសម្របសម្រួល និងស្វែងរកឱកាសការងារជូនក្រោយពេលបញ្ចប់ការសិក្សា។
បើកទទួលពាក្យចុះឈ្មោះចូលរៀនចាប់ផ្ដើមពីថ្ងៃជូនដំណឹងនេះតទៅ រហូតដល់ថ្ងៃទី១០ ខែវិច្ឆិកា ឆ្នាំ២០២៦ ជាកំហិត ខណៈចំនួនអាហារូបករណ៍មានកំណត់។
សម្រាប់សិស្សានុសិស្ស និងអាណាព្យាបាលដែលមានបំណងដាក់ពាក្យ ឬចង់សាកសួរព័ត៌មានបន្ថែម អាចទាក់ទងមកកាន់លេខទូរសព្ទ៖ 016 810 378 ឬអញ្ជើញទៅកាន់ទីតាំងវិទ្យាស្ថានដោយផ្ទាល់ ដែលមានអាសយដ្ឋានស្ថិតនៅតាមបណ្ដោយផ្លូវជាតិលេខ ៦អា សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ (ចម្ងាយប្រមាណ ៥០០ ម៉ែត្រពីស្ពានជ្រោយចង្វារ)៕
