ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យុវជនកម្ពុជាមួយក្រុម រួមគ្នាបង្កើត ប្រព័ន្ធ ស្រោចដំណាំ គ្រប់គ្រងតាមទូរស័ព្ទដៃ :
ភ្នំពេញ៖ យុវជនកម្ពុជាប្រាំនាក់ បានរួមគំនិតគ្នាបង្កើតឧបករណ៍គ្រប់គ្រងប្រព័ន្ធស្រោចស្រពដំណាំបញ្ជាតាមទូរសព្ទដៃឈ្មោះថា Smart Farm Assistance ដើម្បីជួយជំរុញការងារកសិកម្មឱ្យកាន់តែប្រសើរស្របតាម
របត់បច្ចេកវិទ្យាទំនើប។ បច្ចេកវិទ្យាកសិកម្មថ្មីនេះ សន្សំសំចៃទឹក សម្រាលកម្លាំងពលកម្ម ចំណេញទាំងថវិកានិងពេលវេលា។
សហស្ថាបនិកម្នាក់ក្នុងចំណោមស្ថាបនិកទាំងប្រាំនាក់ យុវជន ជួប វណ្ឌឌី បានប្រាប់ AMS ថាគោលបំណបង្កើតឧបករណ៍គ្រប់គ្រងប្រព័ន្ធស្រោចស្រពដំណាំនេះឡើយ ព្រោះចង់ជំរុញការងារកសិកម្មបែបប្រពៃណីនៅកម្ពុជា
ទៅជាកសិកម្មតាមបែបទំនើប ដោយប្រើប្រាស់បច្ចេកវិទ្យាឱ្យធ្វើការជំនួស។
វណ្ឌឌី បានបញ្ជាក់ថា ៖
“ប្រជាពលរដ្ឋកម្ពុជាភាគច្រើនជាកសិករ ហើយសមាជិកក្រុមរបស់ខ្ញុំភាគច្រើនមានម្ដាយឪពុកជាកសិករ ពួកខ្ញុំចង់សម្រាលបន្ទុកការងារនៅចម្ការរបស់ពួកគាត់ ដូច្នេះក៏នឹកឃើញគំនិតបង្កើត
ឧបករណ៍នេះឡើង”។– ជួប វណ្ឌឌី
គំនិតបង្កើតប្រព័ន្ធស្រោចស្រពដំណាំនៅតាមកសិដ្ឋាន ដោយបច្ចេកវិទ្យា Smart Farm Assistance ត្រូវបានបង្កើតឡើងតាមរយៈការចូលរួមកម្មវិធីប្រកួតច្នៃប្រឌិតតិចណូកម្ពុជា ( Techno Innovation Challenge Cambodia) ទទួលបានជ័យលាភីលេខ 1 កាលពីឆ្នាំ 2019 កន្លងទៅ។
បន្ទាប់ពីទទួលបានជ័យលាភីក្នុងការប្រកួត រូបរាងនៃម៉ាស៊ីនស្រោចស្រពដំណាំត្រូវបានពិសោធ និងបង្កើតឡើងបំពាក់ដោយបច្ចេកវិទ្យាដែលអាចបញ្ជាតាមទូរសព្ទដៃ។ នៅពេលជ្រើសរើសប្រព័ន្ធស្រោចស្រពនេះជាមធ្យោ
បាយគ្រប់គ្រងទឹកនៅក្នុងកសិដ្ឋាន កសិករមិនចាំបាច់ទៅដល់ចម្ការដោយផ្ទាល់ឡើយ។
Smart Farm Assistance មានឧបករណ៍ស្រោចស្រព Smart Pump និង Smart Valve អាចបញ្ជាតាមរយៈសារទូរស័ព្ទ ឬបញ្ជាកម្រិតទឹកស្រោចស្រពដំណាំពីចម្ងាយតាមរយៈស្មាតហ្វូន។ អ្នកប្រើប្រាស់គ្រាន់តែទាញយក App ដាក់នៅលើទូរស័ព្ទដៃ ដើម្បីងាយស្រួលគ្រប់គ្រង។
កំពុងសិក្សាបណ្ដើរនិងធ្វើការបណ្ដើរ វណ្ឌឌី បានចែករំលែកបទពិសោធន៍អាជីវកម្មបច្ចេកវិទ្យាថ្មីនេះថា ៖ “ការចាប់ផ្ដើមអាជីវកម្មក្នុងពេលកំពុងសិក្សាមានបញ្ហាប្រឈមមួយចំនួនដូចជាខ្វះខាតធនធានថវិកា ពេលវេលា និង
ក្រុមការងារចូលរួមជាដើម។ ក៏ប៉ុន្តែការងារទាំងនេះមិនប៉ះពាល់ដល់ការសិក្សារបស់ពួកខ្ញុំទេ។ ខ្ញុំអាចរៀនពេលថ្ងៃ និងប្រជុំជាមួយក្រុមការងារពេលយប់ ហើយថ្ងៃចុងសប្តាហ៍ខ្ញុំអាចធ្វើការពេញម៉ោងបាន”។
គួរបញ្ជាក់ផងដែរថា ទស្សនៈវិស័យរបស់យុវជន Smart Farm Assistance ចង់ឱ្យកសិកម្មនៅក្នុងប្រទេសកម្ពុជា ក្លាយជាកសិកម្មទំនើប កាត់បន្ថយកម្លាំងពលកម្មរបស់មនុស្ស ជំនួសទៅវិញដោយការប្រើប្រាស់បច្ចេកវិទ្យាថ្មីៗ ក្នុងន័យជំរុញផលិតកម្មកសិកម្មឱ្យកាន់តែមានប្រសិទ្ធភាព ព្រមទាំងទទួលបានលទ្ធផលល្អប្រសើរ។
ជីវប្រវត្តិ: កញ្ញា សៅ សុធារ៉ា កំពុងសិក្សាផ្នែកប្រព័ន្ធផ្សព្វផ្សាយនិងសារគមនាគមន៍ នៅសាកលវិទ្យាល័យភូមិន្ទភ្នំពេញ។ កញ្ញាធ្លាប់ជាអ្នកសរសេរអត្ថបទជាភាសាខ្មែរ និងបកប្រែឲ្យស្ថាប័នឯកជនមួយកន្លែង។ បច្ចុប្បន្ន សុធារ៉ា ជាអ្នកយកការព័ត៌មានអប់រំឲ្យសារព័ត៌មាន AMS Education។
របាយការណ៍សំខាន់
ព័ត៌មានទូទៅ
បាក់ឌុប២០២៦បញ្ចប់ដោយរលូន ក្រសួងរកឃើញឧបករណ៍អេឡិចត្រូនិកហាមឃាត់១២ករណី
បេក្ខជនប្រឡងបំពេញវិជ្ជា ៖ សញ្ញាបត្រថ្នាក់ទី១២ មានតម្លៃសម្រាប់អនាគតបន្តការសិក្សា និងការងារ
ក្រសួងអប់រំ ៖ ដំណើរការសំណេរព្រឹកថ្ងៃទី២ នៃសម័យប្រឡងបាក់ឌុបឆ្នាំ២០២៦ ប្រព្រឹត្តទៅដោយរលូន
ឪពុកម្តាយចំណាយពេលនៅមុខមណ្ឌលប្រឡង បង្ហាញក្តីបារម្ភ និងមោទកភាព ខណៈកូនប្រឡងបាក់ឌុបយ៉ាងស្វិតស្វាញ
វិធីសាស្ត្ររុញច្រានខ្លួនឯងឱ្យធ្វើការសម្រេចចិត្តបានត្រឹមត្រូវ និងឆ្លាតវៃ
ផ្ទះយុវជនដើម្បីមិត្តភាពកម្ពុជា-ចិន បើកការប្រកួតប្រជែង «ចំណេះដឹងថ្មីផ្ទះយុវជន» ឆ្នាំ២០២៦ ជំរុញយុវជនចូលរួមលើកកម្ពស់វប្បធម៌អាន និងស្រាវជ្រាវ
ឱកាសផ្លាស់ប្តូរការសិក្សានៅប្រទេសរុស្ស៊ី! សាកលវិទ្យាល័យ Sechenov បើកទទួលពាក្យអាហារូបករណ៍ InteRussia 2026 ផ្នែកវេជ្ជសាស្ត្រ
បេក្ខជនថា ការប្រឡងបាក់ឌុបឆ្នាំនេះតឹងរឹង និងម៉ត់ចត់ ខណៈរំពឹងថានឹងជាប់
បាក់ឌុបឆ្នាំ២០២៦ចាប់ផ្ដើម ក្រសួងបន្តរឹតបន្តឹងការត្រួតពិនិត្យ និងដំណើរការប្រឡង ដើម្បីធានាយុត្តិធម៌
សិង្ហបុរីនាំមុខអាស៊ីអាគ្នេយ៍ មានសាកលវិទ្យាល័យ២ជាប់ Top 10 វិស្វកម្មពិភពលោក ខណៈចិនដណ្តើមបាន៧កន្លែង
កម្មវិធីពិសេសរបស់ AMS EDUCATION
ព័ត៌មានសង្ខេប
