ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានជាតិបណ្តុះបណ្តាលបច្ចេកទេស (NTTI) ចំណុះឱ្យក្រសួងការងារ និងបណ្តុះបណ្តាលវិជ្ជាជីវៈ មានទីតាំងស្ថិតនៅសង្កាត់ទឹកថ្លា ខណ្ឌសែនសុខ រាជធានីភ្នំពេញ កំពុងប្រកាសផ្តល់អាហារូបករណ៍សរុបចំនួន ១៨៦០កន្លែង ដល់បងប្អូនអតីតពលករមកពីប្រទេសថៃ ដើម្បីរៀនជំនាញបច្ចេកទេស និងវិជ្ជាជីវៈ (TVET) ដោយឥតគិតថ្លៃ រយៈពេល ១ខែ, ៤ខែ, ៦ខែ និង៨ខែ។
ជំនាញឯកទេសដែលផ្តល់ជូនរួមមាន ៖ រៀបឥដ្ឋ (៣០នាក់), បូក និងស្អាតជញ្ជាំង (៣០នាក់), រៀបការ៉ូ (៤៥នាក់), ដំឡើងពុម្ពសម្រាប់ការចាក់បេតុង (៣០នាក់), ថែទាំ និងជួសជុលទុយោទឹកក្នុងអគារ (៣០នាក់), ដំឡើងប្រព័ន្ធបញ្ជាម៉ូទ័រទៅមុខ ឈប់ ត្រឡប់ក្រោយ (៦០នាក់), ដោះបំបែក និងដំឡើងម៉ូទ័រអគ្គិសនី (៣០នាក់), ដំឡើងអំភ្លីថ្នាក់អេ និងថ្នាក់ប៊ី (៤៥នាក់), ការចនាក្រាហ្វិកដោយកុំព្យូទ័រ (៤០០នាក់), សេវាកម្មកុំព្យូទ័រ (៣០០នាក់), ការដំឡើងខ្សែកាបទូរគមនាគមន៍ (៥០នាក់), ការដំឡើង និងថែទាំបណ្តាញអគ្គិសនី (៤០០នាក់), ការថែទាំ និងជួសជុលឧបករណ៍អេឡិចត្រូនិក (២៦០នាក់), ការថែទាំ និងជួសជុលឧបករណ៍ស្វ័យប្រវត្តិកម្ម (៥០នាក់), ការជួសជុល និងថែទាំឧបករណ៍ថាមពលកកើតឡើងវិញ (៥០នាក់), ការថែទាំ និងជួសជុលឧបករណ៍មេកាត្រូនិក (៥០នាក់)។
លក្ខខណ្ឌចូលរៀន ៖ អត្តសញ្ញាណប័ណ្ណសញ្ជាតិខ្មែរ ឬសំបុត្រកំណើត ឬសៀវភៅគ្រួសារ ឬសៀវភៅស្នាក់នៅ ឬលិខិតឆ្លងដែន ឬលិខិតធ្វើដំណើរពលករកម្ពុជាទៅធ្វើការនៅប្រទេស (TD) ឬប័ណ្ណពលករទៅធ្វើការនៅប្រទេស (OCWC) ឬលិខិតបញ្ជាក់ថា ជាអតីតពលករ ឬឯកសារបញ្ជាក់អត្តសញ្ញាណផ្សេងទៀត ចេញដោយអាជ្ញាធរមានសមត្ថកិច្ច។
ការចុះឈ្មោះចាប់ពីថ្ងៃផ្សាយដំណឹងនេះ ហើយកាលបរិច្ឆេទចូលរៀន នឹងធ្វើឡើងនៅថ្ងៃទី១ នៃខែនីមួយៗ ក្នុងឆ្នាំ២០២៦នេះ។
សម្រាប់ព័ត៌មានបន្ថែម សូមទំនាក់ទំនង ៖ 010 411 776៕
