STEAMING Cambodia បន្តបណ្តុះបណ្តាលបច្ចេកវិទ្យាថ្មីរបស់ក្រុមហ៊ុន Siemens ដល់សាស្រ្តាចារ្យ នៃវិទ្យាស្ថានជាតិពហុបច្ចេកទេសកម្ពុជា

ភ្នំពេញ – បន្ទាប់ពីជោគជ័យក្នុងការបណ្តុះបណ្តាលសាស្រ្តាចារ្យ នៃវិទ្យាស្ថានបច្ចេកវិទ្យាកម្ពុជា អំពីការប្រើប្រាស់ Software ថ្មី របស់ក្រុមហ៊ុន Siemens កាលពីពេលថ្មីៗនេះ STEAMING Cambodia បានបន្តធ្វើការបណ្តុះបណ្តាលបច្ចេកវិទ្យាថ្មីមួយនេះ ទៅដល់សាស្រ្តាចារ្យ នៃវិទ្យាស្ថានជាតិពហុបច្ចេកទេសកម្ពុជា (NPIC) ។

គោលបំណង នៃការបណ្តុះបណ្តាលនោះ គឺដើម្បីពង្រឹងសមត្ថភាពសាស្រ្តាចារ្យផ្នែកវិស្វកម្មមេកានិក ក្នុងការប្រើប្រាស់បច្ចេកវិទ្យាសុសវែររបស់ក្រុមហ៊ុន Siemens សម្រាប់ការធ្វើទំនើបកម្មផ្នែកឌីហ្សាញមេកានិក ក្នុងការបណ្តុះបណ្តាលនិងការស្រាវជ្រាវ។

លោក កាន់ តែឧត្តម គ្រូបង្គោល ក្នុងការបណ្តុះបណ្តាល របស់ STEAMING Cambodia បាននិយាយថា ការបណ្តុះបណ្តាលនេះ គឺធ្វើឡើងរយៈពេល ៣ថ្ងៃ ដោយចាប់ផ្តើមពីថ្ងៃទី៥, ៦ និងថ្ងៃទី៩ ខែឧសភា ឆ្នាំ២០២៣ ។ ការបណ្តុះបណ្តាលនេះ គឺក្នុងកម្រិតដំបូង នៃការប្រើប្រាស់កម្មវិធី Solid Edge ដូចជាការគូរ 2D, 3D ហើយ និងការធ្វើ simulation ជាដើម ។

លោក គាត រ៉ាយុត អនុប្រធានមហាវិទ្យាល័យមេនិកទូទៅ នៃវិទ្យាស្ថានជាតិពហុបច្ចេកទេសកម្ពុជា បានមានប្រសាសន៍ថា ការបណ្តុះបណ្តាលរយៈពេល ៣ថ្ងៃនេះ សិក្ខាកាមបានទទួលនូវចំណេះដឹងថ្មីៗជាច្រើន ពាក់ព័ន្ធទៅនឹងការគូរ 2D និង 3D ដោយប្រើប្រាស់កម្មវិធី Solid Edge របស់ក្រុមហ៊ុន Siemens ហើយថា កម្មវិធីនេះពិតជាមានសារៈសំខាន់ណាស់សម្រាប់រូបលោកជាអ្នកជំនាញមេកានិក ។ ជាមួយគ្នានេះ លោកក៏ជឿជាក់ដែរថា វានឹងផ្តល់ភាពងាយស្រួលដល់និស្សិត ក្នុងប្រើប្រាស់ក្នុងការសិក្សា និងការឌីហ្សាញគ្រឿងមេកានិកផងដែរ។

សម្រាប់លោក សោម រិទ្ធីសាក់ សាស្រ្តាចារ្យមហាវិទ្យាល័យមេនិករថយន្ត ក៏បានលើកឡើងដែរថា ការបណ្តុះបណ្តាលដែលរៀបចំឡើងដោយ STEAMING Cambodia ពីបច្ចេកវិទ្យាថ្មី នៃកម្មវិធី Solid Edge ពិតជាល្អសម្រាប់រូបលោក ដោយថា កម្មវិធីនេះ ជាកម្មវិធីថ្មីមួយ ដែលលោកមិនធ្លាប់ជួប, លោកបញ្ជាក់ថា កម្មវិធីនេះ មានភាពងាយស្រួលជាងកម្មវិធី Design មុនៗ ធ្វើឱ្យលោកងាយស្រួលនៅក្នុងការ Design គ្រឿងបង្គុំថ្មីៗ។

“អញ្ចឹងរាល់ការប្រើកម្មវិធីកន្លងមក គឺត្រូវការប្រើពេលវេលាច្រើនក្នុងការគូរ ក៏ប៉ុន្តែចំពោះការប្រើប្រាស់កម្មវិធីនេះ គឺលឿនជាងមុនច្រើន កាត់បន្ថយពេលវេលា ហើយងាយស្រួលនៅក្នុងការ Design”

លោក សោម រិទ្ធីសាក់ សាស្រ្តាចារ្យមហាវិទ្យាល័យមេកានិករថយន្ត

ជាមួយគ្នានេះ លោក សោម រិទ្ធីសាក់ ក៏រំពឹងថា STEAMING Cambodia នឹងបន្តបណ្តុះបណ្តាលថែមទៀតទៅដល់សាស្រ្តាចារ្យឱ្យយល់ដឹងកាន់តែច្រើន ដើម្បីចែករំលែកបន្តទៅកាន់និស្សិត ដោយថា ប្រសិនបើយើងមានលទ្ធភាពក្នុងការ Design ល្អ នោះយើងអាចឈានទៅដល់ការផលិតកាន់តែងាយស្រួលថែមទៀត។

កម្មវិធី Solid Edge គឺជាកម្មវិធីថ្មីមួយ របស់ក្រុមហ៊ុន Siemens សម្រាប់ការឌីហ្សាញបែបវិស្វកម្មមេកានិក ។ កម្មវិធីមួយនេះ អនុញ្ញាតឱ្យអ្នកប្រើប្រាស់ អាច រចនារបស់របរនានា ហើយផលិតចេញមកក្រៅបាន។

បើតាមលោក កាន់ តែឧត្តម កម្មវិធីមួយនេះ បានផ្តល់អត្ថប្រយោជន៍ជាច្រើន ។ លោកថា ដើម្បីបង្ហាញការច្នៃប្រឌិត កាលពីមុនយើងត្រូវការគូសវាសនៅក្នុងក្រដាសដោយចំណាយពេល និងថវិកាច្រើន ប៉ុន្តែនៅពេលដែលមាន 3D Software យើងអាចប្រែគំនិតរបស់យើងទៅជារូបភាពពិតមួយបាន។

គ្រូបង្គោលដែលបញ្ចប់ការសិក្សាវិស្វករផ្នែកឧស្សាហកម្ម និងមេកានិក រូបនេះ បន្ថែមថា បើផ្អែកលើផែនទី នៃការអភិវឌ្ឍនៅកម្ពុជា រាជរដ្ឋាភិបាលបានផ្តោតសំខាន់ទៅលើការទាក់ទាញវិនិយោគិនមកបណ្តាក់ទុនដោយបង្កើតរោងចក្រ ដូចជារោងចក្រតម្លើងរថយន្ត ឬរោងចក្រផលិតគ្រឿងបង្គុំរថយន្តជាដើម ។ ដូច្នេះ ដើម្បីទាក់ទាញអ្នកវិនិយោគមកប្រទេសយើងបាន ចំណុចសំខាន់បំផុត គឺយើងត្រូវមានធនធានមនុស្ស ហើយផ្នែកសំខាន់ដើម្បីឱ្យមានជំនាញទាក់ទងនៅក្នុង រថយន្តបាន លោកគិតថា ការរៀន Software ផ្នែកឌីហ្សាញ (Computer-Aided Design) នេះ គឺជាចំណុចសំខាន់បំផុតដើម្បីឱ្យយើងមានធនធានដែលអាចឌីហ្សាញគ្រឿងបង្គុំ ឬរបស់របរមួយទាំងមូលបាន មុននឹងផលិតចេញក្រៅ។

ជាមួយគ្នានេះ លោក កាន់ តែឧត្តម ក៏បានលើកទឹកចិត្តដល់សិស្សានុសិស្ស ដែលកំពុងសិក្សានៅថ្នាក់វិទ្យាល័យ សូមផ្តោតសំខាន់ទៅលើជំនាញ STEM ដូចជា វិទ្យាសាស្រ្ត បច្ចេកវិទ្យា និងគណិតវិទ្យាជាដើម ដែលវាជាគ្រឹះ ឬជាមូលដ្ឋានសំខាន់នៅក្នុងវិស័យឧស្សាហកម្ម ៤.០។

គួរបញ្ជាក់ដែរថា ចាប់តាំងពីឆ្នាំ ២០២២មក STEAMING Cambodia បានធ្វើការបណ្តុះបណ្តាលជាច្រើនទៅដល់សិស្ស ក៏ដូចជានិស្សិត ឱ្យចេះផលិតរបស់របរ ឬវត្ថុច្នៃប្រឌិត ដោយប្រើប្រាស់ជំនាញវិស្វកម្មផលិត, ចេះប្រើប្រាស់ software របស់ក្រុមហ៊ុន Siemens និងចេះប្រើប្រាស់បច្ចេកវិទ្យា 3D Printing ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យខេមតិច ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 20/03/2025

សាកលវិទ្យាល័យខេមតិច ប្រកាសប្រឡងជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រចំនួន២០០កន្លែងសម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនសម្រាប់សិក្សាជំនាញជាច្រើនក្នុងវិស័យបច្ចេកវិទ្យា។

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ នៃប្រទេសអាល្លឺម៉ង់ ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 28/07/2023

ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់MBA នៅសាកលវិទ្យាល័យអន្តរជាតិ (International University) នៃប្រទេសអាល្លឺម៉ង់ក្នុងសិក្សា២០២៣-២០២៤ ។

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ផ្ដល់អាហារូបករណ៍សិក្សាបច្ចេកទេស និងវិជ្ជាជីវៈ១២០កន្លែង

ព័ត៌មានអាហារូបករណ៍, ព្រឹត្តិការណ៍

• 04/02/2025

ឱកាសសិក្សាអាហារូបករណ៍ជំនាញបច្ចេកទេស និងវិជ្ជាជីវៈជាច្រើនកន្លែង សិក្សានៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី។ អាហារូបករណ៍ផ្ដល់ជូនដល់ យុវជន យុវនារី និងសាធារណៈជនដែលចង់មានជំនាញច្បាស់លាស់។

ឱកាសសិក្សាជំនាញផលិត និង​តុបតែងគ្រឿងសង្ហារឹមឥតគិតថ្លៃ! សម្រាប់បងប្អូនអតីតពលករទេសន្តរប្រវេសន៍

ព័ត៌មានអាហារូបករណ៍, ព្រឹត្តិការណ៍

• 26/11/2025

មជ្ឈមណ្ឌលពលករទេសន្តរប្រវេសន៍មាតុភូមិនិវត្តន៍កម្ពុជា (HRCC) បានប្រកាស​ជ្រើសរើសសិក្ខាកាម​ដែលជាអតីតពលករ​ទេសន្តរប្រវេសន៍ ធ្វើមាតុភូមិនិវត្តន៍​មក​ប្រទេស​កំណើតវិញ ឱ្យ​ចូលរួមវគ្គបណ្តុះបណ្តាលមុខវិជ្ជាផលិត...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Melburne ប្រទេសអូស្ត្រាលីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 24/03/2023

សាកលវិទ្យាល័យ Melburne នៅប្រទេស​អូស្រ្តាលី បាន​ប្រកាស​ផ្ដល់អាហារូបករណ៍ថ្នាក់បរិញ្ញាបត្រសម្រាប់និស្សិតអន្តរជាតិនៅឆ្នាំសិក្សា២០២៣នេះ ។...

អគ្គនាយកដ្ឋានអប់រំ ជ្រើសរើសនិស្សិតចុះកម្មសិក្សាការងារ ៦រូប លើជំនាញរដ្ឋបាល អប់រំ ទំនាក់ទំនងអន្តរជាតិ និងព័ត៌មានវិទ្យា

ព័ត៌មានអាហារូបករណ៍, ព្រឹត្តិការណ៍

• 05/10/2026

ឱកាស​សម្រាប់សិស្ស​និស្សិត ដែល​កំពុងសិក្សា​លើ​ជំនាញ រដ្ឋបាលសាធារណៈ អប់រំ ទំនាក់ទំនងអន្តរជាតិ និងបច្ចេកវិទ្យាកុំព្យូទ័រ និងព័ត៌មានវិទ្យា

ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ HTW Berlin University ប្រទេសអាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 17/02/2026

ឱកាសទទួលបានអាហារូបករណ៍ថ្នាក់បរិញ្ញាបត្រជាន់ខ្ពស់ ទៅសិក្សា​នៅសាកលវិទ្យាល័យ HTW Berlin ពីកម្មវិធីអាហារូបករណ៍ DAAD MIDE Scholarship 2026 ប្រទេសអាល្លឺមង់។ ជំនាញដែលអាហារូបករណ៍ផ្ដល់ឱ្យសិក្សា...

ឱកាស​អាហារូបករណ៍​៥៥កន្លែង​ទៅ​សិក្សា​នៅ​ប្រទេសថៃ ពី​គម្រោងអាហារូបករណ៍​ព្រះអង្គម្ចាស់​ក្សត្រី​ សិរិថន

ព័ត៌មានអាហារូបករណ៍, ព្រឹត្តិការណ៍

• 25/11/2024

ក្រសួងអប់រំ យុវជន និងកីឡា កាលពីពេលថ្មីៗនេះ​បាន​ប្រកាស​ដល់​សិស្ស និស្សិត និង​មន្រ្តីរាជការ​កម្ពុជា ដែល​មាន​បំណង​ចង់បន្ត​ការ​សិក្សា​ថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ​​នៅ​ព្រះរាជាណាចក្រ​ថៃ ដោយ​ពេលនេះ គម្រោង​ព្រះ​រាជូបត្ថម្ភ​ដល់ព្រះរាជាណាចក្រ​កម្ពុជា...

មជ្ឈមណ្ឌលអន្តេវាសិកនិស្សិតនារី ប្រកាសជ្រើសរើសនិស្សិតនារី ១២០នាក់ឱ្យទទួលបានការស្នាក់នៅក្នុងឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 27/08/2025

ដោយមានការគាំទ្រ និងលើកទឹកចិត្តដល់វិស័យអប់រំ ក្រសួងអប់រំ យុវជន និងកីឡា ប្រកាសជ្រើសរើសនិស្សិតនារីចំនួន១២០នាក់ ឱ្យទទួលបានកន្លែងស្នាក់នៅបណ្ដោះអាសន្ន នៃអន្តេវាសិកនិស្សិតនារី ក្នុងឆ្នាំសិក្សា២០២៥-២០២៦។