កញ្ចប់សម្ភារៈអំណាន និងគណិតវិទ្យាថ្នាក់ដំបូង បង្កើនលទ្ធផលសិក្សារបស់សិស្ស

កញ្ចប់សម្ភារៈអំណាន និងគណិតវិទ្យាថ្នាក់ដំបូង ត្រូវ​បានបង្កើតឡើងដើម្បីឱ្យគ្រប់អ្នកពាក់ព័ន្ធជាពិសេស គ្រូបង្រៀនថ្នាក់ទី១ ទី២ និងទី៣ មានកញ្ចប់សម្ភារៈអប្បបរមាមួយ ដែលទាំងអស់គ្នាអាចយកទៅប្រើប្រាស់ សម្រាប់ការអនុវត្ត និងពង្រីកការអនុវត្តនៅទូទាំងប្រទេស ក្នុងន័យលើកកម្ពស់គុណភាពអប់រំ តាមរយៈការ បង្កើនលទ្ធផលសិក្សារបស់សិស្ស ពោលគឺកុមារកម្ពុជាចេះអាន សរសេរ និងគិតលេខទាំងអស់គ្នា។

ក្រសួងអប់រំ យុវជន និងកីឡា សហការជាមួយអង្គការដៃគូពាក់ព័ន្ធ បានអភិវឌ្ឍកញ្ចប់សម្ភារៈអំណាន ថ្នាក់ដំបូង រួមមាន ១) សៀវភៅជំនួយសិស្ស ២) សៀវភៅហ្វឹកហាត់អាន សរសេរ ៣) សៀវភៅហ្វឹកហាត់សរសេរ ៤) សៀវភៅណែនាំហ្វឹកហាត់កិច្ចការផ្ទះ ៥) សៀវភៅរឿងខ្លីៗ ៦) សៀវភៅណែនាំសម្រាប់ គ្រូបង្រៀន និង ៧) បណ្ណអក្សរ-រូបភាព។ ចំពោះកញ្ចប់សម្ភារៈគណិតវិទ្យាថ្នាក់ដំបូង រួមមាន ១) សៀវភៅ ណែនាំសម្រាប់គ្រូ ២) សៀវភៅជំនួយសិស្ស ៣) សៀវភៅលំហាត់ មាន៤ភាគ ៤) សម្ភារឧបទេស បម្រើឱ្យការបង្រៀននិងរៀន និង ៥) វីដេអូណែនាំពីរបៀបធ្វើលំហាត់។

តើកញ្ចប់សម្ភារៈ​អំណាន និង​គណិតវិទ្យាថ្នាក់ដំបូង ជួយ​ដល់សិស្ស​យ៉ាងដូចម្តេច?

កញ្ចប់សម្ភារៈអំណាន និងគណិតវិទ្យាថ្នាក់ដំបូងមានអត្ថប្រយោជន៍ជាច្រើនសម្រាប់សិស្ស ដោយ​ក្នុងនោះ​កញ្ចប់​សម្ភារៈអំណានជួយ​សិស្ស​ពង្រឹង​ការស្វែងយល់អំពីអក្សរ និងអត្ថន័យ, ជួយ​សិស្ស​ក្នុងការ​បង្កើត​ការយល់ដឹងអំពីភាសា។ ដោយឡែក​សម្ភារៈគណិតវិទ្យាដំបូង ជួយ​សិស្ស​ស្គាល់លេខ និង​គន្លឹះគណនា ដែលជាមូលដ្ឋាន​សម្រាប់​ការ​អភិវឌ្ឍន៍​ជំនាញ​គណិតវិទ្យា​ ។ កញ្ចប់សម្ភារៈអំណាន និងគណិតវិទ្យាថ្នាក់ដំបូង ជួយ​ឱ្យ​ការ​រៀនសូត្ររបស់សិស្សមានភាពរីករាយ ដោយកញ្ចប់សម្ភារៈអំណាន និង​គណិតវិទ្យា ផ្តល់សម្ភារៈលេង និង​ការ​ចាប់អារម្មណ៍ ដែលអាចធ្វើ​ឱ្យ​ការ​រៀនសូត្រ​មានភាពសប្បាយ​រីករាយ ហើយ​លើកទឹកចិត្ត​សិស្ស​ឱ្យ​ចូល​រួម​ក្នុងថ្នាក់។

លោកជំទាវ ឃួន វិច្ឆិកា អ្នកនាំពាក្យ​ក្រសួងអប់រំ យុវជន និងកីឡា មានប្រសាសន៍ថា ទាក់ទងនឹងកញ្ចប់អំណានដំបូង គឺជាកញ្ចប់មួយដែលផ្តោតទៅលើវិធីសាស្រ្តបង្រៀនថ្មី ដែលនៅក្នុងនេះ គឺជាវិធីសាស្រ្តបង្រៀន ដែលអាចនិយាយបានថា ជាវិធីសាស្រ្តបង្រៀនបែបសំយោគ ដែលមានការផ្សំគ្នារវាងវិធីសាស្រ្តបង្រៀនបែបសរុប និងវិធីសាស្រ្តបង្រៀនតាមបែបប្រកប ដោយវិធីសាស្រ្តបង្រៀននេះ គឺជា​ការផ្សំគ្នាមួយ តាមរយៈការស្រាវជ្រាវកន្លងមក ដកស្រង់នវានុវត្ត និង​ការ​អនុវត្ត​នៅតាមសាលារៀនទូទាំង​ប្រទេស ក៏​ដូចជាបទពិសោធន៍​របស់ដៃគូអភិវឌ្ឍដែលបានរួមគ្នា​នៅ​ក្នុង​ការ​រៀបចំ ដើម្បី​ធ្វើ​យ៉ាង​ណាឱ្យ​សិស្សអាច​រៀនភាសាខ្មែរ ទាំងការសរសេរ ការអាន ការនិយាយ និង​ការ​ស្តាប់បានលឿន និង​មានប្រសិទ្ធិភាព។

បើតាម​ប្រសាសន៍របស់លោកជំទាវ ឃួន វិច្ឆិកា មកដល់ពេលនេះ កញ្ចប់អំណានដំបូង ត្រូវ​បានក្រសួងអប់រំ រៀបចំរួចរាល់ និង​បានដាក់​ឱ្យ​អនុវត្ត​ ទាក់ទងនឹងអំណានថ្នាក់ទី១ ទី២ និងទី៣ ដោយនៅក្នុងនោះ កញ្ចប់អំណានដំបូងថ្នាក់ទី១ ត្រូវបានដាក់​ឱ្យ​អនុវត្ត​នៅក្នុងខេត្តក្រុងចំនួន២២ ហើយថ្នាក់ទី២ នៅក្នុងខេត្តក្រុងចំនួន១៩ និងថ្នាក់ទី៣ កំពុងអនុវត្ត​សាកល្បងនៅក្នុងខេត្តកំពង់ឆ្នាំង។ រីឯកញ្ចប់គណិតវិទ្យាកម្រិតដំបូងថ្នាក់ទី១ និងទី២ គឺ​នៅក្នុងពេលបច្ចុប្បន្ននេះ ថ្នាក់ទី១ ​កំពុងតែអនុវត្ត​នៅក្នុង​ខេត្ត​សៀមរាប ក្រចេះ ស្ទឹងត្រែង ព្រះវិហារ ឧត្តរមានជ័យ ក៏​ដូចជា​កំពង់ធំ កំពត និង​ខេត្តកែប រីឯគណិតវិទ្យាថ្នាក់ទី២ គឺកំពុងតែអនុវត្ត​នៅក្នុង​ខេត្តសៀមរាប ក្រចេះ ស្ទឹងត្រែង ព្រះវិហារ ឧត្តរមានជ័យ និងខេត្តកំពង់ធំ។

យ៉ាងណាក៏ដោយ ដើម្បីបង្កើនប្រសិទ្ធភាពក្នុងការអនុវត្តកញ្ចប់សម្ភារៈអំណាន និងគណិតវិទ្យាថ្នាក់ដំបូង ឆ្ពោះទៅលើកកម្ពស់លទ្ធផលសិក្សាសិស្ស ក្រសួងអប់រំ​បាន​រៀបចំកិច្ចប្រជុំមួយ​កាលពីដើមសប្តាហ៍នេះ ដើម្បីពិនិត្យវឌ្ឍនភាព និងការរៀបចំយន្តការជួយគាំទ្រសាលាបឋមសិក្សាគោលដៅ គ.វ.អ. និង សាលាបឋមសិក្សាគំរូ ក្នុងការអនុវត្តកញ្ចប់សម្ភារៈអំណាន និងគណិតវិទ្យាថ្នាក់ដំបូង ដោយ​ក្នុងនោះ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា បានផ្តល់អនុសាសន៍ចំនួន១០ចំណុច ដល់មន្រ្តីអនុវត្ត ដោយក្នុងនោះ​រួមមាន ៖

  • ត្រូវបន្តចុះពិនិត្យតាមសាលារៀនដោយផ្ទាល់ ដើម្បីឱ្យដឹងច្បាស់ពីប្រសិទ្ធភាពនៃការបណ្តុះបណ្ដាល ក៏ដូចជាការអនុវត្តជាក់ស្តែងរបស់លោកគ្រូ អ្នកគ្រូនៅក្នុងថ្នាក់រៀន
  • រៀបចំយន្តការវាយតម្លៃជាប្រចាំឱ្យបានច្បាស់លាស់
  • បង្កើត App និង Learning system ប្រព័ន្ធរៀនតាមអនឡាញ វីដេអូស្តីពីការបង្រៀន និងរៀបចំយន្តការផ្សព្វផ្សាយឱ្យបានទូលំទូលាយ ដើម្បីផ្តល់ភាពងាយស្រួលដល់លោកគ្រូ អ្នកគ្រូ ដែលមានការប្តេជ្ញាចិត្តខ្ពស់ក្នុងការពង្រឹងសមត្ថភាពបន្ថែមលើការអនុវត្តកម្មវិធី “កញ្ចប់សម្ភារៈអំណាន និងគណិតវិទ្យាថ្នាក់ដំបូង”
  • លើកកម្ពស់ភាពជាម្ចាស់ ដោយក្រុមការងារបច្ចេកទេសរបស់នាយកដ្ឋាន ជាអ្នកអភិវឌ្ឍកញ្ចប់សម្ភារៈអំណាន និងគណិតវិទ្យាថ្នាក់ដំបូង និងជាគ្រូឧទ្ទេសបង្គោលក្នុងការបណ្តុះបណ្តាល
  • បន្តពង្រឹងគុណភាពក្នុងការជ្រើសរើស និងការបណ្តុះបណ្តាលគ្រូ នៅវិទ្យាស្ថានគរុកោសល្យ និងសាលាគរុកោសល្យ និងវិក្រឹតការ ដើម្បីធានាថា គ្រូចេញថ្មីមានសមត្ថភាពខ្ពស់ ក្នុងការបង្រៀន អំណាននិងគណិតវិទ្យាថ្នាក់ដំបូង និងមាន “ស្តង់ដាវិជ្ជាជីវៈគ្រូបង្រៀន”
  • គ្រូល្អ នាយកល្អ និងអ្នកជំនាញល្អត្រូវមានការយល់ដឹងពីការអភិវឌ្ឍកុមារ និងចិត្តគរុកោសល្យ
  • បន្តពង្រឹងគុណភាពក្នុងការជ្រើសរើស និងការបណ្តុះបណ្តាលគ្រូ នៅវិទ្យាស្ថានគរុកោសល្យ និងសាលាគរុកោសល្យ និងវិក្រឹតការ ដើម្បីធានាថា គ្រូចេញថ្មីមានសមត្ថភាពខ្ពស់ ក្នុងការបង្រៀន អំណាននិងគណិតវិទ្យាថ្នាក់ដំបូង និងមាន “ស្តង់ដាវិជ្ជាជីវៈគ្រូបង្រៀន”
  • បង្កើត “បណ្តាញគ្រូបង្រៀនល្អ” ដោយប្រើប្រាស់ប្រព័ន្ធបច្ចេកវិទ្យា ដើម្បីលើកទឹកចិត្ត ដល់ការផ្លាស់ប្តូរបទពិសោធរវាងគ្រូ និងគ្រូ
  • ប្រើប្រាស់ “ការអប់រំឌីជីថល” និង “ភាពជាដៃគូ” សម្រាប់ការកែលម្អវិធីសាស្ត្របង្រៀន
  • មានយន្តការទទួលស្គាល់គ្រូដែលអនុវត្តបានល្អ និងការអនុវត្ត “គន្លងអាជីព” ដើម្បីលើកទឹកចិត្តដល់ការខិតខំប្រឹងប្រែងពង្រឹងសមត្ថភាព

បើយោង​តាម​របាយការណ៍របស់ក្រសួងអប់រំ បច្ចុប្បន្ន​កម្មវិធីកញ្ចប់​សម្ភារៈអំណាន និង​គណិតវិទ្យា​ថ្នាក់ដំបូង​ កំពុង​អនុវត្ត​ក្នុង​សាលា​បឋមសិក្សាចំនួន ៥៨៩៤ ដែលស្មើនឹងជាង៨០ភាគរយ មាន​សិស្ស​ថ្នាក់ទី១ ទទួល​ផលចំនួន ៣២៨ ៩០៤នាក់ ដែលស្មើនឹង ៨០ភាគរយ, ថ្នាក់ទី២ ចំនួន ២៣១ ៨៣០នាក់ ស្មើនឹង ៥៩,៦៦ភាគរយ និង​ថ្នាក់ទី៣ ចំនួន ១២ ៧៨១នាក់ ស្មើនឹង ៣,៦៥ភាគរយ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វគ្គសិក្សា Online ឥតគិតថ្លៃចំនួន ៦ ពីសាកលវិទ្យាល័យ Harvard សម្រាប់ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 04/03/2025

សាកលវិទ្យាល័យ Harvard បានផ្ដល់ការសិក្សាវគ្គខ្លីតាមរយៈ Online ក្រោមកម្មវិធី Harvard Online ដើម្បីផ្ដល់ឱកាសសិក្សាដោយឥតគិតថ្លៃសម្រាប់និស្សិត និងអ្នកដែលចង់សិក្សាវគ្គខ្លីមកពីទូទាំងពិភពលោក។ 

ឱកាសអាហារូបករណ៍ថ្នាក់បរិញ្ញាបត្រ ១៥កន្លែង នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE)

ព័ត៌មានអាហារូបករណ៍, ព្រឹត្តិការណ៍

• 28/09/2026

សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ផ្ដល់ជូនអាហារូបករណ៍សរុបចំនួន ១៥កន្លែង លើកម្រិតថ្នាក់បរិញ្ញាបត្រ សម្រាប់ឆ្នាំសិក្សា២០២៦-២០២៧។

អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ NL Scholarship 2026 ក្នុងប្រទេសហូឡង់

ព័ត៌មានអាហារូបករណ៍, ព្រឹត្តិការណ៍

• 11/12/2025

កម្មវិធីអាហារូបករណ៍ NL Scholarship ឆ្នាំសិក្សា២០២៦-២០២៧ របស់ក្រសួងអប់រំ នៃប្រទេសហូឡង់កំពុងបើកផ្ដល់ពាក្យអាហារូបករណ៍សម្រាប់និស្សិតអន្តរជាតិជាច្រើនកន្លែង។ អាហារូបករណ៍ផ្ដល់សម្រាប់...

អាហារូបករណ៍ Unpad ASEAN Scholarship ថ្នាក់អនុបណ្ឌិត សិក្សានៅសាកលវិទ្យាល័យ UNIVERSITAS PADJADJARAN ប្រទេសឥណ្ឌូណេសុី

ព័ត៌មានអាហារូបករណ៍, ព្រឹត្តិការណ៍

• 30/10/2025

កម្មវិធីអាហារូបករណ៍ Unpad ASEAN (UAS) ដែលជាគំនិតផ្តួចផ្តើមរបស់សាកលវិទ្យាល័យ Padjadjaran (Universitas Padjadjaran) គាំទ្រដល់បុគ្គល និងអ្នកជំនាញឆ្នើមមកពីបណ្តាប្រទេសអាស៊ានដើម្បីបន្តការសិក្សាថ្នាក់...

អាហារូបករណ៍ជំនាញវិជ្ជាជីវៈ ៥០០កន្លែង ពី​វិទ្យាស្ថាន​ពហុបច្ចេកទេស​ភូមិ​ភាគ​តេជោ​សែនសៀមរាប

ព័ត៌មានអាហារូបករណ៍, ព្រឹត្តិការណ៍

• 02/01/2023

សម្រាប់​សិស្សានុសិស្ស ឬយុវជន ដែល​មាន​បំណង​ចង់​សិក្សា​ជំនាញ​វិជ្ជាជីវៈ (TVET) ពេលនេះ វិទ្យាស្ថាន​បច្ចេកទេស​ភូមិ​ភាគ​តេជោសែនសៀមរាប...

ក្រសួងប្រៃសណីយ៍ និងទូរគមនាគមន៍ ជ្រើសរើសនិស្សិត ២៥នាក់ ទៅសិក្សាថ្នាក់បរិញ្ញាបត្រជាន់ខ្ពស់ជំនាញផ្កាយរណប និងលំហអាកាស

ព័ត៌មានអាហារូបករណ៍, ព្រឹត្តិការណ៍

• 29/04/2026

ស្របតាមគោលនយោបាយរបស់រាជរដ្ឋាភិបាល នីតិកាលទី៧ និងក្នុងគោលដៅរួមចំណែកកសាង និងអភិវឌ្ឍធនធានមនុស្សនៅកម្ពុជា ជាពិសេសការផ្តល់អាទិភាពលើការបណ្តុះបណ្តាលជំនាញវិស្វកម្មទូរគមនាគមន៍ពាក់ព័ន្ធ...

សាកលវិទ្យាល័យភូមិន្ទភ្នំពេញជ្រើសរើសនិស្សិត​អាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមី

ព័ត៌មានអាហារូបករណ៍, ព្រឹត្តិការណ៍

• 25/01/2023

សាកលវិទ្យាល័យភូមិន្ទភ្នំពេញប្រកាសប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមីជំនាន់ទី៣ សម្រាប់ឆ្នាំសិក្សា២០២២-២០២៣ ។...

អាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់និស្សិតអាស៊ាន ទៅសិក្សានៅសាកលវិទ្យាល័យ Universitas Padjadjaran​ ឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 04/06/2026

សាកលវិទ្យាល័យ Universitas Padjadjaran (Unpad) ដែលជាគ្រឹះស្ថានឧត្តមសិក្សាឈានមុខគេមួយនៅក្នុងប្រទេសឥណ្ឌូនេស៊ី បានប្រកាសដាក់ឱ្យដំណើរការកម្មវិធីអាហារូបករណ៍ថ្នាក់ដឹកនាំ និងឧត្តមភាពអាស៊ាន...

ឱកាសសិក្សានៅអាល្លឺម៉ង់ ៖ សាលា Hertie ប្រកាសផ្ដល់អាហារូបករណ៍អនុបណ្ឌិត «អភិបាលកិច្ចឌីជីថល»

ព័ត៌មានអាហារូបករណ៍, ព្រឹត្តិការណ៍

• 19/10/2026

Hertie School ផ្តល់អាហារូបករណ៍ថា្នក់អនុបណ្ឌិតដល់និស្សិតកម្ពុជាសិក្សាពីបញ្ហាប្រឈមនៃការផ្លាស់ប្តូរឌីជីថល