លោកជំទាវ គឹម សេដ្ឋានី ៖ “ការវិនិយោគលើកុមារតូចនៅថ្ងៃនេះ គឺជាការកសាងគ្រឹះសម្រាប់សន្តិសុខ និងសេដ្ឋកិច្ចជាតិនៅថ្ងៃស្អែក”

ការវិនិយោគលើកុមារតូចនៅពេលបច្ចុប្បន្ន គឺជាការកសាងគ្រឹះស្ថានដ៏រឹងមាំមួយ សម្រាប់ធានាដល់សន្តិសុខ ស្ថិរភាព និងការអភិវឌ្ឍសេដ្ឋកិច្ចជាតិទៅថ្ងៃអនាគត។ នេះគឺជាប្រសាសន៍លើកឡើងរបស់ លោកជំទាវបណ្ឌិត គឹម សេដ្ឋានី រដ្ឋលេខាធិការប្រចាំការក្រសួងអប់រំ យុវជន និងកីឡា នៅក្នុងសិក្ខាសាលាផ្សព្វផ្សាយ «សៀវភៅណែនាំស្ដីពី ការកសាងផែនការសកម្មភាពថ្នាក់ក្រោមជាតិសម្រាប់គាំពារ និងអភិវឌ្ឍន៍កុមារតូច» កាលពីពេលថ្មីៗនេះ។

នៅក្នុងឱកាសនោះ លោកជំទាវបណ្ឌិតបានសង្កត់ធ្ងន់ថា ការងារគាំពារនិងអភិវឌ្ឍន៍កុមារតូច គឺជាចំណុចចាប់ផ្ដើមដំបូងបង្អស់ និងជាបេះដូងនៃការកសាងមូលធនមនុស្ស ប្រកបដោយគុណភាព សមត្ថភាព និងបរិយាបន្ន ស្របទៅតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា ដែលផ្តល់អាទិភាពខ្ពស់បំផុតលើការអភិវឌ្ឍធនធានមនុស្ស។

បើតាម​លោកជំទាវបណ្ឌិត គឹម សេដ្ឋានី នៅក្នុងក្របខ័ណ្ឌនៃការចិញ្ចឹមបីបាច់កុមារតូចមានគោលដៅគន្លឹះចំនួន ៥ ដើម្បីធានាឱ្យកុមារមានការលូតលាស់ និងអភិវឌ្ឍន៍ពេញលេញទាំងផ្លូវកាយ ស្មារតី និងបញ្ញា ដែលរួមមាន ការថែទាំសុខភាពឱ្យបានល្អ ការផ្ដល់អាហារូបត្ថម្ភ ការធានាសន្តិសុខនិងសុវត្ថិភាព ការថែទាំប្រកបដោយការឆ្លើយតប និងការផ្ដល់ឱកាសចូលរៀនទាន់ពេលវេលា។

លោកជំទាវបណ្ឌិត គឹម សេដ្ឋានី រដ្ឋលេខាធិការប្រចាំការក្រសួងអប់រំ យុវជន និងកីឡា

ឆ្លៀតក្នុងឱកាសនោះ លោកជំទាវបណ្ឌិត រដ្ឋលេខាធិការប្រចាំការ បានកោតសរសើរ និងថ្លែងអំណរគុណដល់អង្គការយូនីសេហ្វប្រចាំកម្ពុជា និងដៃគូអភិវឌ្ឍន៍ទាំងអស់ ដែលបានរួមចំណែកបង្កើតសៀវភៅណែនាំស្ដីពីការកសាងផែនការសកម្មភាពថ្នាក់ក្រោមជាតិសម្រាប់គាំពារ និងអភិវឌ្ឍន៍កុមារតូច ដែលបានបែងចែកជា ៣ជំហានគន្លឹះយ៉ាងច្បាស់លាស់រួមមាន ការបង្កើតក្រុមការងារកសាងផែនការសកម្មភាពដើម្បីធានាការចូលរួមពីគ្រប់វិស័យពាក់ព័ន្ធ ការវិភាគស្ថានភាពកុមារពីអាយុ ០ ដល់ក្រោម ៦ឆ្នាំ ដើម្បីដឹងច្បាស់ពីតម្រូវការជាក់ស្ដែង និងបញ្ហាប្រឈមរបស់កុមារនៅក្នុងមូលដ្ឋាន ព្រមទាំងការរៀបចំ អនុម័ត និងផ្សព្វផ្សាយផែនការសកម្មភាព ដើម្បីបំប្លែងចក្ខុវិស័យទៅជាសកម្មភាពជាក់ស្ដែង និងមានការទទួលខុសត្រូវខ្ពស់៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានពហុបច្ចេកទេសភូមិភាគ​តេជោសែនសៀមរាប ផ្តល់អាហារូបករណ៍ដល់យុវជន២៤០នាក់

ព័ត៌មានអាហារូបករណ៍, ព្រឹត្តិការណ៍

• 25/04/2024

វិទ្យាស្ថាន​ពហុបច្ចេកទេស​ភូមិភាគ​តេជោ​សែនសៀមរាប បានប្រកាស​ពី​ការផ្តល់អាហារូបករណ៍​ចំនួន ២៤០កន្លែង ដល់យុវជន​មក​ពី​គ្រួសារ​ក្រីក្រ/គ្រួសារងាយរងហានិភ័យ និង​កម្មករនិយោជិត បុគ្គលនៃសេដ្ឋកិច្ច​ក្រៅប្រព័ន្ធ...

ឱកាសសិក្សាអាហារូបករណ៍ថ្នាក់បរិញ្ញាបត្ររងនៅសាកលវិទ្យាល័យ អាយអាយស៊ី នៃបច្ចេកវិទ្យាឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 18/12/2024

អាហារូបករណ៍ថ្នាក់បរិញ្ញាបត្ររងចំនួន៥០កន្លែង កំពុងរង់ចាំសិស្សដែលមិនបានជាប់ថ្នាក់ទី១២ ដើម្បីសិក្សាជំនាញវិជ្ជាជីវៈ នៅសាកលវិទ្យាល័យ អាយអាយស៊ី នៃបច្ចេកវិទ្យា ដែលគាំទ្រដោយ គណៈកម្មាធិការអាហារូបករណ៍សិស្ស-និស្សិតក្រីក្រ...

ឱកាសស្នាក់នៅបណ្ដោះអាសន្ននៅអន្តេវាសិកដ្ឋានវិទ្យាស្ថានបច្ចេកវិទ្យាកម្ពុជាឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 06/01/2025

សមាគមនិស្សិតវិទ្យាស្ថានបច្ចេកវិទ្យាកម្ពុជា ប្រកាសដំណឹងជូនដល់សិស្សនិស្សិតដែលកំពុងសិក្សានៅវិទ្យាស្ថានបច្ចេកវិទ្យាកម្ពុជាឱ្យទទួលបានកន្លែងស្នាក់នៅបណ្ដោះអាសន្ននៅអន្តេវាសិកដ្ឋានចំនួន៤៥នាក់ក្នុងឆ្នាំសិក្សា២០២៤-២០២៥...

វិទ្យាស្ថានជាតិកសិកម្មព្រែកលៀបផ្ដល់អាហារូបករណ៍ថ្នាក់បរិញ្ញាបត្រ១០០០កន្លែងសម្រាប់ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 05/01/2023

វិទ្យាស្ថានជាតិកសិកម្មព្រែកលៀបបាន​ប្រកាស​ផ្ដល់អាហារូបករណ៍១០០%ថ្នាក់បរិញ្ញាបត្រចំនួន១០០០កន្លែងសម្រាប់សិស្សទើបបញ្ចប់មធ្យមសិក្សាទុតិយភូមិ...

អាហារូបករណ៍ថ្នាក់បណ្ឌិតពេញថ្លៃ នៅ Hanyang University ប្រទេសកូរ៉េខាងត្បូង សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 05/11/2026

សាកលវិទ្យាល័យ Hanyang University នៃប្រទេសកូរ៉េខាងត្បូង បានប្រកាសផ្តល់អាហារូបករណ៍ថ្នាក់បណ្ឌិត (PhD) ពេញថ្លៃ ដល់និស្សិតអន្តរជាតិ

អាហារូបករណ៍អូស្ដ្រាលីឆ្នាំសិក្សា២០២៤ បើកទទួលពាក្យសម្រាប់និស្សិតកម្ពុជា

ព័ត៌មានអាហារូបករណ៍, ព្រឹត្តិការណ៍

• 09/02/2023

អាហារូបករណ៍អូស្ដ្រាលីសម្រាប់​ឆ្នាំសិក្សា២០២៤កំពុងបើកទទួលពាក្យ សម្រាប់​ការ​ស្នើសុំអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសអូស្រ្តាលី...

អាហារូបករណ៍ភាសាអង់គ្លេសសម្រាប់សិស្សថ្នាក់ទី១២ ដើម្បីត្រៀមប្រឡងបាក់ឌុប

ព័ត៌មានអាហារូបករណ៍, ព្រឹត្តិការណ៍

• 04/06/2025

ក្រសួងអប់រំ យុវជន និងកីឡា ក្រោមកិច្ចសហការ និងការគាំទ្រពី មជ្ឈមណ្ឌលអូស្ត្រាលីសម្រាប់ការបណ្តុះបណ្តាល (ACE) និងសាលាអន្តរជាតិកម្ពុជាអូស្រ្តាលី (Australia Cambodia Education Academy – AusCam Academy)

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យក្យូតូពីកម្មវិធី ADB-JSP ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 16/07/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យក្យូតូពីកម្មវិធីអាហារូបករណ៍ ADB-JSP ឆ្នាំសិក្សា២០២៥។ អាហារូបករណ៍ផ្ដល់ជូនប្រជាជន...

អាហារូបករណ៍ ADB-Korea Fellowship Program ថ្នាក់បរិញ្ញាបត្រ​ជាន់ខ្ពស់​នៅ​ប្រទេស​កូរ៉េ សម្រាប់មន្រ្តីរាជការកម្ពុជា

ព័ត៌មានអាហារូបករណ៍, ព្រឹត្តិការណ៍

• 05/02/2026

ធនាគារ អភិវឌ្ឍន៍អាស៊ី (ADB) សហការជាមួយរដ្ឋាភិបាលនៃសាធារណរដ្ឋកូរ៉េ បានផ្តល់នូវកម្មវិធីអាហារូបករណ៍ ADB-Korea Fellowship Program (KFP) សម្រាប់ឆ្នាំសិក្សា២០២៦ ដែលមានគោលបំណង ពង្រឹងសមត្ថភាពមន្ត្រីរាជការមកពី...