វិទ្យាល័យ​បឹងត្របែក​ ​ផ្តើម​អនុវត្ត​ ​”​គន្លង​អប់រំ​វិជ្ជាជីវៈ​” ​សម្រាប់​សិស្ស​ថ្នាក់​ទី​១០​ ​លើ​ជំនាញ​បច្ចេកទេស​ដែល​ឆ្លើយតប​នឹង​តម្រូវការ​ទីផ្សារ​ការងារ​

​វិទ្យាល័យ​បឹងត្របែក ​ចាប់ផ្ដើម​ជ្រើសរើស​សិស្សានុសិស្ស​ដែល​បញ្ចប់​ថ្នាក់​ទី​៩​ ​ឱ្យ​ចូល​រៀន​ «​គន្លង​អប់រំ​វិជ្ជាជីវៈ​» ​នៅ​ថ្នាក់​ទី​១០​ ​សម្រាប់​ឆ្នាំ​សិក្សា​ ​២០២៦​-​២០២៧​ ​ខាងមុខ​នេះ​ ​ដោយ​អនុញ្ញាតឱ្យ​សិស្សានុសិស្ស​អាច​ជ្រើសរើស​រៀន​ជំនាញ​បច្ចេកទេស​ចំនួន​៤​ ​ឆ្លើយតប​ទៅនឹង​តម្រូវការ​ទីផ្សារ​ការងារ​ជាក់ស្ដែង​។​

​លោក​ ​ហួត ​ស៊ាង​ហៃ ​នាយក​វិទ្យាល័យ​បឹងត្របែក​ មានប្រសាសន៍​ថា​ ​ការ​ជ្រើសរើស​សិស្ស​ឱ្យ​ចូល​រៀន​គន្លង​អប់រំ​វិជ្ជាជីវៈ​នៅ​ថ្នាក់​ទី​១០​នេះ​ ​គឺជា​គន្លង​អប់រំ​ថ្មី​ស្រប​តាម​យុទ្ធសាស្ត្រ​ឌីជីថល ​និង​សេដ្ឋកិច្ច​ ​ដែល​ជួយ​ឱ្យ​សិស្សានុសិស្ស​ចំណេញ​ពេលវេលា​សិក្សា​នៅ​មហាវិទ្យាល័យ​ ទទួលបាន​ជំនាញ​ច្បាស់លាស់​ វិញ្ញាបនបត្រ​ទទួលស្គាល់​ផ្លូវការ​ និង​ឱកាស​ការងារ​ដែល​មាន​ប្រាក់​ចំណូល​ខ្ពស់​។​

​នាយក​វិទ្យាល័យ​បឹងត្របែក​ ​បញ្ជាក់​ថា​ ​ក្នុង​ចំណោម​គ្រឹះស្ថាន​សិក្សា​ចំនួន​៤៩​ ​ដែល​ក្រសួង​អប់រំ ​ដាក់​ឱ្យ​អនុវត្ត​គន្លង​អប់រំ​ថ្មី​ ​ក្នុង​នោះ​ក៏​មាន​វិទ្យាល័យ​បឹងត្របែក​ដែល​កំពុង​អនុវត្ត​គន្លង​អប់រំ​ថ្មី​នេះ​ ​លើ​ជំនាញ​បច្ចេកទេស​ និង​វិជ្ជាជីវៈ​សំខាន់​ៗ​ចំនួន​ ​៤​ ​រួមមាន​ ព័ត៌មានវិទ្យា ​(​Information​ ​Technology​)​, ​អគ្គិសនី ​(​Electricity​)​, ​អេឡិចត្រូនិក ​(​Electronics​) ​និង​បដិសណ្ឋារកិច្ច​ /​ ​សណ្ឋាគារ​ ​(​Hospitality​ ​/​ ​Hotel​ ​Management​)​។​

លោក ហួត ស៊ាងហៃ នាយកវិទ្យាល័យបឹងត្របែក

​លោក​ ​ហួត ​ស៊ាង​ហៃ​ បន្ថែម​ថា​ ​សិស្សានុសិស្ស​ដែល​មាន​ភាព​វៃឆ្លាត​ ​នឹង​ជ្រើសរើស​រៀន​ជំនាញ​បច្ចេកទេស​ និង​វិជ្ជាជីវៈ​នៅ​កម្រិត​វិទ្យាល័យ​។ ​លោក​ថា​ ​ការ​ចុះឈ្មោះ​រៀន​ «​គន្លង​អប់រំ​វិជ្ជាជីវៈ​» ​ថ្នាក់​ទី​១០​នេះ​ ​សិស្សានុសិស្ស​នឹង​ទទួលបាន​វិញ្ញាបនបត្រ​បញ្ចប់​ឆ្នាំ​នីមួយ​ៗ​ ​នៅ​ចុងបញ្ចប់​នៃ​ឆ្នាំ​សិក្សា​នីមួយ​ៗ​ ​(​ថ្នាក់​ទី​១០​ និង​ថ្នាក់​ទី​១១​) ​ដោយ​សិស្ស​ដែល​ឆ្លងកាត់​ការ​វាយតម្លៃ​ជាប់​ ​នឹង​ទទួលបាន​វិញ្ញាបនបត្រ​បញ្ជាក់​សមត្ថភាព​វិជ្ជាជីវៈ​ តាម​កម្រិត​ឆ្នាំ​ដែល​អាច​ប្រើប្រាស់​ជា​ផ្លូវការ​ដើម្បី​ស្វែងរក​ការងារ​ធ្វើ​ក្រៅ​ម៉ោង​ ​(​Part​-​time​ ​job​) ​ក្នុង​អំឡុង​ពេល​សិក្សា​។ ​លើស​ពី​នេះ​សិស្ស​ពុំ​ចាំបាច់​ធ្វើ​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ ​(​បាក់ឌុប​) ​ដូច​ចំណេះ​ទូទៅ​ឡើយ​។​

​បើ​តាម​លោក​ ​ហួត ​ស៊ាង​ហៃ ​សម្រាប់​សិស្ស​ដែល​ចូលសិក្សា​ជំនាញ​បច្ចេកទេស​ និង​វិជ្ជាជីវៈ​ ​នេះ​ ​ពួកគេ​ក៏​នឹង​ទទួលបាន​សញ្ញាបត្រ​បញ្ចប់​ការ​សិក្សា​ ​ក្រោយ​បញ្ចប់​ថ្នាក់​ទី​១២​ ​ពោលគឺ​សិស្ស​នឹង​ទទួលបាន​ «​សញ្ញាបត្រ​បច្ចេកទេស​និង​វិជ្ជាជីវៈ​» ​ដែល​ចេញ​ដោយ​ក្រសួង​អប់រំ ​យុវជន​ និង​កីឡា ​ដើម្បី​បញ្ជាក់​ពី​កម្រិត​ជំនាញ​ពេញលេញ​ ​សម្រាប់​ឈានជើង​ចូលទីផ្សារ​ការងារ​ផ្ទាល់​ ​ឬ​បន្ត​ការ​សិក្សា​នៅ​កម្រិត​សកលវិទ្យាល័យ​ដោយ​មិន​ចាំបាច់​រៀន​នៅ​ឆ្នាំ​មូលដ្ឋាន​ឡើយ​។​

​ជាមួយគ្នា​នេះ​ សាលា​នឹង​រៀបចំ​ចាត់ចែង​ឱ្យ​សិស្សានុសិស្ស​ទាំងអស់​ ​បាន​ចុះ​ធ្វើ​កម្មសិក្សា​ ​(​Internship​) ​ផ្ទាល់​នៅ​តាម​បណ្ដា​ស្ថាប័ន​រដ្ឋ​ ​ក្រុមហ៊ុន​ព័ត៌មានវិទ្យា ​រោងចក្រ ​សហគ្រាស​អគ្គិសនី​-​អេឡិចត្រូនិក​ និង​សណ្ឋាគារ​នានា​។ ​ការ​ចុះ​កម្មសិក្សា​នេះ​ ​ជួយ​ឱ្យ​សិស្ស​ទទួលបាន​បទពិសោធន៍​ការងារ​ជាក់ស្ដែង​ ស្វែងយល់​ពី​បរិយាកាស​ការងារ​ពិត​ ​និង​បង្កើត​ឱកាស​មាស​ក្នុង​ការ​ទទួលបាន​ការងារ​ធ្វើ​ភ្លាម​ៗ​ក្រោយពេល​បញ្ចប់​ការ​សិក្សា​ពី​សាលា​។​

​តាម​ការ​គ្រោងទុក​សម្រាប់​ការ​បណ្ដុះបណ្ដាល​នឹង​ចាប់ផ្តើម​នៅ​ថ្ងៃទី​១​ ​ខែវិច្ឆិកា ​ឆ្នាំ​២០២៦​ខាងមុខ​។ ​លោក​នាយក​ ​ក៏​បាន​ស្វាគមន៍​សិស្សានុសិស្ស​ទូទាំង​ប្រទេស ដោយ​មិន​ចំពោះតែសិស្សវិទ្យាល័យបឹងត្របែកឡើយ គឺពួកគេ​អាច​ចូលរៀន​ដោយ​ឥត​គិត​ថ្លៃ​ ​ដោយ​គ្រាន់តែ​ផ្ទេរ​ឯកសារ​ដើម្បី​ចុះឈ្មោះ​ចូលរៀន​ចាប់ពី​ថ្ងៃ​ជូនដំណឹង​នេះ​តទៅ​ រហូតដល់​ថ្ងៃចន្ទ ​ទី​៣១​ ​ខែសីហា ​ឆ្នាំ​២០២៦​។ ​សិស្សានុសិស្ស​អាច​ចុះឈ្មោះ​តាមរយៈ​ ​https​:​/​/​forms​.​gle​/​Uk​3​MZEGBN​9​weC​14​M​6​ ​៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សា Online នៅវិទ្យាស្ថានបច្ចេកវិទ្យា Massachusetts ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 14/07/2023

វិទ្យាស្ថានបច្ចេកវិទ្យា Massachusetts ផ្ដល់ការសិក្សាឥតគិតថ្លៃសម្រាប់កម្មវិធីសិក្សា online វគ្គខ្លីឆ្នាំសិក្សា២០២៣-២០២៤ ដោយមានសញ្ញាបត្របញ្ជាក់ការសិក្សាជូន ។...

អាហារូបករណ៍ថ្នាក់បណ្ឌិត និង ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ King AbdulAziz អារ៉ាប៊ីសាអូឌីត

ព័ត៌មានអាហារូបករណ៍, ព្រឹត្តិការណ៍

• 11/09/2025

កម្មវិធីអាហារូបករណ៍ King AbdulAziz University Graduate Scholarship Programs បានប្រកាស​ពីការផ្តល់ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ King AbdulAziz អារ៉ាប៊ីសាអូឌីត

អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និង​ថ្នាក់បណ្ឌិត ទៅសិក្សា​នៅប្រទេស​រូម៉ានី

ព័ត៌មានអាហារូបករណ៍, ព្រឹត្តិការណ៍

• 20/03/2026

ក្រសួងការបរទេស​រូម៉ានី នឹង​ចាប់ផ្តើម​បើក​ការ​ទទួលពាក្យ​ស្នើ​សុំ​អាហារូបករណ៍​ថ្នាក់បរិញ្ញាបត្រ បរិញ្ញាបត្រជាន់ខ្ពស់ និង​ថ្នាក់បណ្ឌិត របស់និស្សិតបរទេស រួមទាំង​និស្សិត​កម្ពុជា​ផង ដើម្បីទៅសិក្សានៅប្រទេស​រ៉ូម៉ានី។

វិទ្យាស្ថានពហុបច្ចេកទេស​ខេត្តបន្ទាយមានជ័យ ផ្តល់អាហារូបករណ៍២៥០កន្លែង​សម្រាប់សិស្សធ្លាក់ ឬជាប់បាក់ឌុប

ព័ត៌មានអាហារូបករណ៍, ព្រឹត្តិការណ៍

• 10/12/2024

ជាឱកាស​សម្រាប់​សិស្សានុសិស្ស​ដែលទើបប្រឡង​បញ្ចប់សញ្ញាបត្រ​មធ្យមសិក្សា​ទុតិយភូមិ ឬបាក់ឌុប វិទ្យាស្ថាន​ពហុបច្ចេកទេស​ខេត្តបន្ទាយមានជ័យ​ ប្រកាស​ផ្តល់អាហារូបករណ៍​ចំនួន​២៥០កន្លែងសម្រាប់កម្រិត​សញ្ញាបត្រ​ជាន់ខ្ពស់​បច្ចេកទេស ឬបរិញ្ញាបត្ររង។

ឱកាសអាហារូបករណ៍ជំនាញវិជ្ជាជីវៈនៅវិទ្យាស្ថានពហុបច្ចេកទេសភូមិភាគតេជោសែនបាត់ដំបង ចំនួន៥១០កន្លែង

ព័ត៌មានអាហារូបករណ៍, ព្រឹត្តិការណ៍

• 12/03/2024

វិទ្យាស្ថានពហុបច្ចេកទេសភូមិភាគតេជោសែនបាត់ដំបង ប្រកាសផ្តល់អាហាររូបករណ៍សិក្សាជំនាញវិជ្ជាជីវៈ ចំនួន៥១០កន្លែង សម្រាប់យុវជន យុវនារីដែលមកពីគ្រួសារក្រីក្រ គ្រួសារងាយរងហានិភ័យ...

ឱកាសសិក្សាថ្នាក់ Online ឥតគិតថ្លៃពី UNICEF Online Courses 2023

ព័ត៌មានអាហារូបករណ៍, ព្រឹត្តិការណ៍

• 06/06/2023

កម្មវិធីសិក្សាឥតគិតថ្លៃពី UNICEF online Course 2023 បើកទទួលនិស្សិតអន្តជាតិគ្រប់ជាតិសាសន៍សិក្សាដោយឥតគិតថ្លៃចំនួន១១៥៤វគ្គសិក្សា។ អាហារូបករណ៍ក៏មានផ្ដល់លិខិតបញ្ជាក់...

អាហារូបករណ៍​ថ្នាក់ភាសា ​នៅ​ប្រទេសចិន សម្រាប់ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 02/05/2023

សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិតកម្ពុជា បានប្រកាស​អំពី​អាហារូបករណ៍ថ្នាក់ភាសា សិក្សា​នៅ​ប្រទេស​ចិន រយៈពេល​១ឆ្នាំ។...

អាហារូបករណ៍ថ្នាក់បរិញ្ញាបត្ររងពេញថ្លៃ ៣០កន្លែង នៅសាកលវិទ្យាល័យពុទ្ធិសាស្ត្រ

ព័ត៌មានអាហារូបករណ៍, ព្រឹត្តិការណ៍

• 04/11/2026

អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ

អាហារូបករណ៍ថ្នាក់បរិញ្ញាបត្រជាន់ខ្ពស់នៅចក្រភពអង់គ្លេស

ព័ត៌មានអាហារូបករណ៍, ព្រឹត្តិការណ៍

• 17/04/2025

កម្មវិធីអាហារូបករណ៍ Commonwealth Distance Learning Scholarship 2025-2026 ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យផ្សេងៗនៃចក្រភពអង់គ្លេស សម្រាប់ឆ្នាំសិក្សា២០២៥-២០២៦។