តិចនិកថែសុខភាពក្នុងវ័យ ៣០ ឆ្នាំ ដើម្បីកុំឱ្យស្ដាយក្រោយពេលដល់អាយុ ៧០ឆ្នាំ

ពេលគិតដល់វ័យ ៧០ ឆ្នាំ យើងច្រើនតែស្រមៃឃើញរូបភាពមនុស្សចាស់ដែលឈឺជង្គង់ ដើរមិនសូវរួច ភ្លេចភ្លាំងច្រើន និងត្រូវលេបថ្នាំប្រចាំកាយជារៀងរាល់ថ្ងៃ។ ប៉ុន្តែការសិក្សាវេជ្ជសាស្ត្រថ្មីៗបានរកឃើញថា ភាពទ្រុឌទ្រោមទាំងអស់នេះ មិនមែនកើតឡើងដោយចៀសមិនរួចនោះឡើយ។

លោកវេជ្ជបណ្ឌិត Eric Verdin អ្នកជំនាញស្រាវជ្រាវពីភាពចាស់នៅសហរដ្ឋអាមេរិក បានលើកឡើងថា មនុស្សយើងពិតជាអាចរស់នៅរឹងមាំរហូតដល់អាយុ ៩០ ទៅ ៩៥ ឆ្នាំបាន ប្រសិនបើយើងចេះថែទាំរាងកាយឱ្យបានត្រឹមត្រូវ។ ក្នុងនោះ វ័យ ៣០ ឆ្នាំ គឺជាចំណុចរបត់ដ៏សំខាន់បំផុត ព្រោះជាពេលដែលសាច់ដុំ ឆ្អឹង និងប្រព័ន្ធដុតរំលាយអាហារក្នុងខ្លួន ចាប់ផ្ដើមស្រកចុះបន្តិចម្តងៗដោយយើងមិនដឹងខ្លួន។

ខាងក្រោមនេះជាទម្លាប់ងាយៗ ៤ យ៉ាង ដែលយុវជនគួរចាប់ផ្ដើមធ្វើពីពេលនេះតទៅ៖

១. សន្សំកម្លាំងសាច់ដុំ ទុកដូចជាការសន្សំប្រាក់

ការហាត់ប្រាណក្នុងវ័យ ៣០ ឆ្នាំ ប្រៀបដូចជាការដាក់ប្រាក់សន្សំក្នុងធនាគារអញ្ចឹងដែរ។ បើយើងកសាងកម្លាំងសាច់ដុំ និងបេះដូងឱ្យកាន់តែរឹងមាំពីក្មេង ពេលចាស់ទៅយើងនឹងមាន «ដើមទុនសុខភាព» ច្រើន មិនងាយទន់ដៃទន់ជើង ឬបាត់បង់ម្ចាស់ការលើខ្លួនឯងឡើយ។

ពង្រឹងសាច់ដុំជើង៖ បញ្ហាធំបំផុតរបស់មនុស្សចាស់គឺការរអិលដួល។ ការរក្សាសាច់ដុំជើងឱ្យរឹងមាំ ជួយទប់លំនឹងបានល្អ និងកាត់បន្ថយគ្រោះថ្នាក់បានច្រើន។

ជ្រើសរើសកីឡាដែលចូលចិត្ត៖ ការលេងវាយសី (Badminton) វាយតេន្នីស ឬការជិះកង់ ត្រូវបានគេរកឃើញថាជួយឱ្យអាយុវែង និងកាត់បន្ថយជំងឺបេះដូង។

សកម្មភាពសាមញ្ញប្រចាំថ្ងៃ៖ មិនចាំបាច់ហាត់ប្រាណដល់ថ្នាក់រត់ម៉ារ៉ាតុងនោះទេ។ ការដើរញាប់ៗត្រឹមតែ ១៥ នាទីក្រោយបាយរួច ក៏ជួយពន្យឺតភាពចាស់នៃខួរក្បាល និងសម្រួលដល់ការរំលាយអាហារបានយ៉ាងមានប្រសិទ្ធភាពដែរ។

២. ថែទាំធ្មេញ និងកាត់បន្ថយការផឹកគ្រឿងស្រវឹង ដើម្បីការពារខួរក្បាល

ជំងឺភ្លេចភ្លាំង (Dementia) ពេលចាស់ អាចចាប់ផ្ដើមបង្កឡើងដោយសារទម្លាប់តូចតាចពីវ័យក្មេង៖

ដុសធ្មេញឱ្យបានស្អាត៖ ការរលាកអញ្ចាញធ្មេញរ៉ាំរ៉ៃ បង្កើតមេរោគនិងការរលាកក្នុងរាងកាយ ដែលអាចរាលដាលដល់ខួរក្បាល និងធ្វើឱ្យការចងចាំចុះខ្សោយ។ ដូច្នេះការដុសធ្មេញឱ្យបានទៀងទាត់ និងកាត់បន្ថយភេសជ្ជៈផ្អែមៗ គឺជាខែលការពារខួរក្បាលដ៏ល្អ។

បន្ថយការជួបជុំផឹកស៊ី៖ ជាតិអាល់កុលមិនត្រឹមតែបំផ្លាញថ្លើមនោះទេ ប៉ុន្តែវាជំរុញឱ្យកោសិកាឆាប់ចាស់មុនអាយុ និងបំផ្លាញគុណភាពនៃការគេងទាំងស្រុង។

៣. គេងឱ្យទៀងម៉ោង

រាងកាយរបស់មនុស្សយើងដំណើរការតាមចង្វាក់ ២៤ ម៉ោង។ ពេលយើងគេងលក់ គឺជារយៈពេលដែលកោសិកាជួសជុលចំណុចខូចខាត និងលាងសម្អាតជាតិពុលចេញពីខួរក្បាល។

ចូលគេង និងក្រោកឱ្យចំម៉ោងដដែលៗ៖ ការគេងមិនទៀងទាត់ ធ្វើឱ្យប្រព័ន្ធមេតាបូលីសរញ៉េរញ៉ៃ អស់កម្លាំង និងប៉ះពាល់ដល់ការផ្ដោតអារម្មណ៍។ ដូច្នេះ ជំនួសឱ្យការប្រើនាឡិការោទិ៍ដើម្បីដាស់ឱ្យភ្ញាក់ពីគេង ចូរដាក់រោទិ៍នៅពេលយប់ដើម្បីដាស់តឿនខ្លួនឯងឱ្យបិទទូរសព្ទ ហើយចូលគេងឱ្យទាន់ម៉ោង។

៤. សាកល្បងរូបមន្តញ៉ាំអាហារ ១២:១២

កោសិការាងកាយដំណើរការក្រោមគោលការណ៍សាមញ្ញមួយ «ពេលញ៉ាំគឺកសាង ពេលតមគឺជួសជុល»។ បើយើងញ៉ាំអីពេញមួយថ្ងៃ រាងកាយត្រូវរវល់តែរំលាយអាហារ គ្មានពេលទំនេរដើម្បីជួសជុលកោសិកាចាស់ៗឡើយ។

មិនចាំបាច់តមអាហារតឹងរ៉ឹងពេកទេ គ្រាន់តែអនុវត្តរូបមន្ត ១២:១២ គឺគ្រប់គ្រាន់។ ឧទាហរណ៍៖ បើអ្នកញ៉ាំអាហារពេលល្ងាចចប់នៅម៉ោង ៧:០០ យប់ សូមកុំញ៉ាំចំណីផ្ដេសផ្ដាសទៀត ហើយរង់ចាំដល់ម៉ោង ៧:០០ ព្រឹកថ្ងៃបន្ទាប់ ទើបញ៉ាំអាហារពេលព្រឹក។ រយៈពេល ១២ ម៉ោងនេះ (ដែលរួមបញ្ចូលទាំងពេលគេងយប់ផង) គឺគ្រប់គ្រាន់ឱ្យរាងកាយបានសម្រាក និងជួសជុលខ្លួនឯងបានពេញលេញ។

ការកែប្រែទម្លាប់រស់នៅមិនដែលមានពាក្យថាយឺតពេលនោះទេ ប៉ុន្តែការចាប់ផ្ដើមតាំងពីវ័យ ៣០ ឆ្នាំ តាមរយៈការដើរបន្តិចបន្តួច គេងឱ្យទៀងពេល និងបន្ថយការផឹកគ្រឿងស្រវឹង គឺជាជម្រើសដ៏ល្អបំផុត ដើម្បីធានាថាពេលយើងឈានដល់វ័យ ៧០ ឆ្នាំ យើងនៅតែរស់នៅដោយមានកម្លាំងមាំមួន និងមានភាពឯករាជ្យលើខ្លួនឯង៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ក​ម្មវិធីអាហារូបករណ៍ DSU ផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Milan ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 29/08/2023

ឱកាសសិក្សាអាហារូបករណ៍នៅសាកលវិទ្យាល័យMilanពីកម្មវិធីអាហារូបករណ៍ DSU ប្រទេសអ៉ីតាលី ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់...

ឱកាសកម្មវិធីអាហារូបករណ៍ Schwarzman Scholars 2025 ទៅសិក្សានៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 09/08/2024

ឱកាស​អាហារូបករណ៍សម្រាប់ថ្នាក់បរិញ្ញាប័ត្រជាន់ខ្ពស់ ទៅ​សិក្សា​នៅ​ប្រទេស​ចិន ពី​កម្មវិធី Schwarzman Scholars Programme 2025។ អាហារូបករណ៍ ផ្ដល់ជូននូវថ្លៃសិក្សា ការស្នាក់នៅ និងប្រាក់ទំនុកបម្រុង...

អាហារូបករណ៍សម្រាប់សិស្សនារី ដែលមានបំណងបន្តការ​សិក្សា​ថ្នាក់ឧត្តមសិក្សា​នៅ​រាជធានីភ្នំពេញ

ព័ត៌មានអាហារូបករណ៍, ព្រឹត្តិការណ៍

• 30/05/2024

មូលនិធិហាប់ស្វែល (Harpswell Foundation) ដែលជាអង្គការមិនមែនរដ្ឋាភិបាល បានប្រកាសផ្តល់អាហារូបករណ៍ ២០២៤-២០២៥ សម្រាប់សិស្ស​នារី​ដែល​រស់​នៅ​តាម​បណ្តា​ខេត្ត​ដែលកំពុងសិក្សា...

វិទ្យាស្ថានពហុបច្ចេកទេសខេត្តព្រះវិហារផ្ដល់អាហារូបករណ៍វគ្គជំនាញ ១២០កន្លែង ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 28/05/2025

វិទ្យាស្ថានពហុបច្ចេកទេសខេត្តព្រះវិហារ បានប្រកាសផ្ដល់ជូនអាហារូបករណ៍ ១០០% ក្រោមកម្មវិធីអប់រំបណ្ដុះបណ្ដាលបច្ចេកទេសនិងវិជ្ជាជីវៈ (TVET) ១.៥លាននាក់ ចំនួន១២០កន្លែង...

ឱកាសសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 15/09/2025

វិទ្យាស្ថានពហុបច្ចេកទេសខេត្តកំពង់ឆ្នាំង ប្រកាសជ្រើសរើសសាធារណជនចូលសិក្សាវគ្គបណ្ដុះបណ្ដាលជំនាញវិជ្ជាជីវៈ និងបច្ចេកទេស សម្រាប់វគ្គសិក្សាថ្មី ក្នុងថ្នាក់សញ្ញាបត្របច្ចេកទេស និងវិជ្ជាជីវៈ១ (C1) ឆ្នាំសិក្សា២០២៦។

ឱកាសចូលរូមសិក្ខាសាលានៅប្រទេសឥណ្ឌា ពីកម្មវិធីភាពជាអ្នកដឹកនាំលើទី១១ ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 13/02/2025

ឱកាសសម្រាប់យុវជន ចូលរួមក្នុងកម្មវិធីសិក្ខាសាលាភាពជាអ្នកដឹកនាំយុវជនលើកទី១១ ឆ្នាំ២០២៥ នៅមជ្ឈមណ្ឌលអប់រំសម្រាប់ការយល់ដឹងអន្តរជាតិរបស់អង្គការយូណេស្កូអាស៊ីប៉ាហ្វិក (APCEIU)។ កម្មវិធីនឹងជ្រើសរើស យុវជន យុវនារី ចំនួន៤០នាក់...

អាហារូបករណ៍សាច់ប្រាក់សាច់ប្រាក់ពីអង្គការ Education First Cambodia ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 07/05/2024

អង្គការ Education First Cambodia ឬហៅកាត់ថា EFC សហការណ៍ជាមួយសាកលវិទ្យាល័យមួយចំនួននៅរាជធានីភ្នំពេញផ្ដល់អាហារូបករណ៍សាច់ប្រាក់...

អាហារូបករណ៍ថ្នាក់ឧត្ដមសិក្សានៅ GRIPS នៃប្រទេសជប៉ុន ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 28/10/2025

ឱកាសសិក្សាអាហារូបករណ៍នៅ GRIPS នៃប្រទេសជប៉ុនសម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៦-២០២៧។ អាហារូបករណ៍ផ្ដល់ជូនសម្រាប់សិក្សារយៈពេល១ឆ្នាំ(MP1) និង ២ឆ្នាំ(MP2) ៣ឆ្នាំ ឬ...

កូរ៉េប្រកាសជ្រើសរើសបេក្ខភាពឱ្យទៅចូលរួមកម្មវិធី K-POP as Global Cultural Industry

ព័ត៌មានអាហារូបករណ៍, ព្រឹត្តិការណ៍

• 20/05/2026

សាធារណរដ្ឋ​កូរ៉េ កំពុង​ប្រកាស​ជ្រើសរើស​បេក្ខភាព​ចំនួន ២០ រូប ពីតំបន់ និង​ស្ថាប័ន​ខុសៗគ្នា ដើម្បី​ឱ្យ​ទៅ​ចូល​រួម​កម្ម​វិធី​K-POP as Global Cultural Industry របស់ Korea Development Institute (KDI) សម្រាប់​ឆ្នាំ​២០២៦ នេះ។