សិស្សរៀនពូកែនៅក្នុងថ្នាក់រមែងទទួលលទ្ធផលសិក្សាគាប់ប្រសើរ ។ ឥទ្ធិពលសិក្សានេះ ពាក់ព័ន្ធដល់ការជ្រើសរើសជំនាញសិក្សាបានត្រឹមត្រូវ ព្រមទាំងការប្រើប្រាស់ចំណេះដឹងដើម្បីធ្វើកិច្ចការដែលខ្លួនពេញចិត្ត ឬការងារក្នុងក្តីស្រមៃ ។ សិស្សរៀនពូកែអាចមានមូលហេតុជាច្រើនរួមផ្សំ ដូចជាកត្តាសុខភាព ទេពកោសល្យរបស់បុគ្គល ជីវភាពរស់នៅ គុណភាពបង្រៀន ហេដ្ឋារចនាសម្ព័ន្ធឆ្លើយតបការសិក្សា ព្រមតាំងវិធីសាស្ត្រសិក្សាជាដើម ។ ខាងក្រោមនេះ ជាវិធីសាស្ត្រសិក្សា ៧ចំណុច ដើម្បីក្លាយជាសិស្សរៀនពូកែ ។
១. ហ៊ានសួរសំណួរ ៖ សិស្សឆ្នើមដែលរៀនពូកែអាចសម្គាល់បានថាសិស្សក្លាហាន ។ នៅក្នុងទ្រឹស្តីសិក្សា ឥរិយាបថស្តាប់ សរសេរ គិត និងសួរ ជាមូលដ្ឋានសំខាន់បំផុតដែលសិស្សានុសិស្សត្រូវអនុវត្តជាចម្បង ។ សំណួរអាចបំផុសគំនិតថ្មីៗ និងទទួលបានចម្លើយសមស្របពីគ្រូបង្រៀន ។ សម្រាប់ការសិក្សានាសត្សវត្សទី២១ សិស្សត្រូវតែក្លាហ៊ានលើកពីចម្ងល់នានាទៅកាន់លោកគ្រូអ្នកគ្រូក្នុងរូបភាពពិភាក្សា ។ សំណួរជជែកវែកញែកអាចបង្កើតគំនិតច្នៃប្រតិដ្ឋ និងការស្រាវជ្រាវថ្មី ។
២. បំពេញកិច្ចសាលាឱ្យបានខ្ជាប់ខ្ជួន ៖ កិច្ចការផ្ទះ ឬកិច្ចការសាលា (Home Work) ជាឱកាសដែលសិស្សអាចសិក្សាស្វែងយល់បន្ថែមពីមេរៀននៅក្នុងថ្នាក់រៀន ឬនៅក្បែរគ្រូ ។ ជាទូទៅលោកគ្រូអ្នកគ្រូតែងដាក់កិច្ចការសាលាឱ្យសិស្សក្រោយពេលបញ្ចប់ម៉ោងសិក្សា ។ សិស្សពូកែកម្របណ្តោយឱ្យកិច្ចការសាលារបស់ពួកគេនៅឆ្ងាយពីខ្លួនខ្លាំងណាស់ ដោយសារវាជាទំនួលខុសត្រូវក្នុងការសិក្សា ។ ទម្លាប់ធ្វើកិច្ចការសាលាជួយឱ្យសិស្សរៀនអំពីការគ្រប់គ្រងពេលវេលា និងវិន័យផ្ទាល់ខ្លួនបានល្អ ។

៣. កំណត់គោលដៅសិក្សាផ្ទាល់ខ្លួន ៖ ប្រសិនបើចង់ដឹងពីរបៀបក្លាយខ្លួនជាសិស្សពូកែ គន្លឹះដំបូងបំផុតត្រូវចាប់ផ្តើមកំណត់គោលដៅសិក្សាតូចៗ តាមមុខវិជ្ជានីមួយៗជាមុនសិន ។ កំណត់គោលដៅសិក្សាលើមុខវិជ្ជានីមួយៗបានច្បាស់លាស់ ជួយឱ្យការសិក្សារបស់សិស្សកាន់តែមានប្រសិទ្ធភាព ។ គោលដៅនៃការសិក្សាតាមមុខវិជ្ជាផ្តោតសំខាន់លើសមត្ថភាពយល់ដឹងពីមេរៀន និងធានាថា កម្រិតមុខវិជ្ជាដែលសិស្សរៀនស៊ីនឹងកម្រិតថ្នាក់ដែលកំពុងសិក្សា ។
៤. ផ្តោតអារម្មណ៍លើការសិក្សា ៖ ភារកិច្ចរបស់សិស្ស គឺការសិក្សាជាចម្បង ។ អារម្មណ៍របស់សិស្សអាចប្រែប្រួលលឿនរហ័សដោយសារបរិស្ថានរស់នៅជុំវិញខ្លួន និងបរិស្ថានសិក្សារបស់ពួកគេ ។ ស្របគ្នានេះ ការប្រើប្រាស់ឧបករណ៍ទំនើបដែលភ្ជាប់កម្មវិធីបណ្តាញសង្គមនានា អាចរំខានដល់អារម្មណ៍សិក្សារបស់សិស្ស ។ ប៉ុន្តែពេលខ្លះបណ្តាញសង្គមក៏ជាកន្លែងដែលផ្តល់មាតិកាអប់រំដ៏ល្អមួយដែរ ប្រសិនបើសិស្សានុសិស្សចេះគ្រប់គ្រងការប្រើប្រាស់បណ្តាញសង្គមបានល្អ ព្រមទាំងទាញយកព័ត៌មានដែលជាជំនួយដល់ការសិក្សា ។

៥. ខិតខំសិក្សា ៖ ខំរៀនជាពាក្យដាស់តឿនចិត្ត ប៉ុន្តែខំរៀនដោយមានគោលដៅច្បាស់លាស់ គឺជាគន្លឹះសម្រេចលទ្ធផលសិក្សា ។ ការខិតខំប្រឹងប្រែងសិក្សាទទួលបានលទ្ធផលល្អ មិនមែនគ្រាន់តែស្តាប់ពាក្យដាស់តឿនពីម្តាយឪពុក ឬពីនរណាម្នាក់ឡើយ ។ ផ្ទុយទៅវិញបុគ្គលខ្លួនឯងត្រូវបង្កើនសកម្មភាពសិក្សាប្រកបដោយថាមពល នោះទើបសម្រេចលទ្ធផលសិក្សាដូចការរំពឹងទុក ។
៦. បង្កើតទម្លាប់ស្រាវជ្រាវ ៖ ការស្រាវជ្រាវជាមូលដ្ឋានសំខាន់សម្រាប់ការសិក្សា ។ បច្ចុប្បន្នលទ្ធភាពសិក្សាស្រាវជ្រាវកាន់តែទូលាយសម្រាប់សិស្សានុសិស្ស ទាំងឯកសារដែលអាចប៉ះបាន និងឯកសារនៅលើបណ្តាញអ៊ីនធឺណេត ។ ទឡ្ហីករណ៍ ឬអំណះអំណាងនៃមុខវិជ្ជាសិក្សាទាំងឡាយកើតចេញពីការស្រាវជ្រាវ ។ លើសពីនេះ ប្រសិនបើគ្មានការសិក្សាស្រាវជ្រាវជាមុននោះទេ សិស្សនឹងមិនអាចវិភាគស៊ីជម្រៅលើមេរៀននីមួយៗដែលកំពុងសិក្សាឡើយ ។

៧. ទម្លាប់អានច្រើន ៖ ការអានគឺជាដំណើរការសិក្សា ។ អំណានផ្តល់លទ្ធភាពឱ្យអ្នកសិក្សាទទួលបានចំណេះដឹងជុំវិញពិភពលោក ។ អានច្រើនជួយពង្រឹងដល់ជំនាញសរសេរ ព្រមទាំងបង្កើនរូបភាពស្រមើលស្រមៃលើលំហូរគំនិត ។ អានច្រើនជួយឱ្យការចងចាំកាន់តែប្រសើរ ហើយរាល់ពេលដែលមនុស្សចូលចិត្តអាន នោះនឹងផ្តល់ព័ត៌មានថ្មីៗជានិច្ចសម្រាប់ជីវភាពរស់នៅ ៕

ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
គរុនិស្សិតថ្នាក់បរិញ្ញាបត្រ+២ ផ្អែកលើកិច្ចព្រមព្រៀងការងារ ជំនាន់ទី១ ជាង ២ពាន់នាក់ បញ្ចប់វគ្គបណ្តុះបណ្តាល ត្រៀមចុះបង្រៀនតាមសាលាគោលដៅ
បទយកការណ៍, ព័ត៌មានជាតិ, ព័ត៌មានជាតិ, ព័ត៌មានជាតិ និងអន្តរជាតិ, ព័ត៌មានជាតិ និងអន្តរជាតិ, ព្រឹត្តិការណ៍
• 20/11/2026
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍ថ្នាក់ឧត្ដមសិក្សានៅប្រទេសឥណ្ឌាឆ្នាំសិក្សា ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 19/02/2024
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យល្បីៗចំនួន១២៦ប្រទេសពីអាហារូបករណ៍រដ្ឋាភិបាលឥណ្ឌានៃកម្មវិធីអាហារូបករណ៍ ICCR ឆ្នាំសិក្សា២០២៤...
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ជ្រើសរើសយុវជនចូលរៀនជំនាញវិជ្ជាជីវៈចំនួន៣៨៥កន្លែង
ព័ត៌មានអាហារូបករណ៍, ព្រឹត្តិការណ៍
• 18/12/2023
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរីប្រកាសជ្រើសរើសយុវជនចូលសិក្សាជំនាញបច្ចេកទេស និងវិជ្ជាជីវៈចំនួន៣៨៥កន្លែងសម្រាប់ឆ្នាំសិក្សា...
អាហារូបករណ៍ជំនាញវិជ្ជាជីវៈ នៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 06/02/2025
វិទ្យាស្ថានអភិវឌ្ឍន៍មុខជំនាញកម្ពុជា-ថៃ ប្រកាសជ្រើសរើស សិក្ខាកាម សិស្សានុសិស្ស និងសាធារណជន ចូលសិក្សាជំនាញវិជ្ជាជីវៈ និងបច្ចេកទេស ជាច្រើនកន្លែងសម្រាប់ការសិក្សាថ្នាក់បរិញ្ញាបត្របច្ចេកទេស (វិស្វករ) ថ្នាក់សញ្ញាបត្រជាន់ខ្ពស់បច្ចេកទេស...
សិស្សបាក់ឌុបដែលចង់រៀនជំនាញមេកានិករថយន្ត សាលា JVC ផ្តល់អាហារូបករណ៍ ១០០%
ព័ត៌មានអាហារូបករណ៍, ព្រឹត្តិការណ៍
• 08/10/2025
វិទ្យាស្ថានបច្ចេកទេស ហ្ស៊ី វ៉េ សេ ដែលគេទទួលស្គាល់ថា ជាសាលាដែលបណ្តុះបណ្តាលជំនាញជួសជុលរថយន្ត បានប្រកាសផ្តល់អាហារូបករណ៍ ១០០%
អាហារូបករណ៍ផ្លាស់ប្តូរការសិក្សារយៈពេលមួយឆមាសនៅប្រទេសស៊ុយអែត ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 10/04/2026
កម្មវិធី ASEM-DUO Fellowship Programme (DUO-Sweden Fellowship Programme) បានបើកទទួលពាក្យសម្រាប់កម្មវិធីផ្លាស់ប្តូរសិក្សារយៈពេលមួយឆមាស (One-Semester Exchange Program)
អាហារូបករណ៍ថ្នាក់បរិញ្ញាបត្រជាន់ខ្ពស់គ្រប់គ្រងអប់រំ ២០កន្លែង នៅវិទ្យាស្ថានជាតិអប់រំ ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 20/07/2026
នៅក្នុងឆ្នាំសិក្សា២០២៦-២០២៧ ក្រសួងអប់រំ យុវជន និងកីឡា នឹងធ្វើការជ្រើសរើសនិស្សិតសរុបចំនួន ៨០រូប សម្រាប់ថ្នាក់បរិញ្ញាបត្រជាន់ខ្ពស់អប់រំ ឯកទេសគ្រប់គ្រងអប់រំ ជំនាន់ទី១៥
៤ចំណុច ដែលបេក្ខភាពស្នើអាហារូបករណ៍ Australia Awards គួរដឹងក្នុងពេលដាក់ពាក្យ
ព័ត៌មានអាហារូបករណ៍, ព្រឹត្តិការណ៍
• 04/04/2025
នៅក្នុងការដាក់ពាក្យស្នើសុំអាហារូបករណ៍ Australia Awards មានច្រើនដំណាក់កាល ដែលបេក្ខជនត្រូវយកចិត្តទុកដាក់ ក្នុងពេលដាក់ពាក្យស្នើក្នុងដំណាក់កាលនីមួយៗ។ ឯកសារដាក់ស្នើពាក្យ ជាចំណុចរឹតតែសំខាន់ត្រូវត្រៀម និងដាក់ពាក្យស្នើបានឱ្យគ្រប់លក្ខខណ្ឌ។
បណ្ដុំអាហារូបករណ៍សិក្សានៅសាកលវិទ្យាល័យ American University of Dubai ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 30/01/2026
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅទីក្រុងឌូបៃ ប្រទេសអារ៉ាប់រួម ពីបណ្ដុំអាហារូបករណ៍ជាច្រើនដែលផ្ដល់ឱ្យពេញលេញ និងដោយផ្នែក។ កម្មវិធីសិក្សាផ្ដល់ឱ្យតាមរយៈអាហារូបករណ៍...
អាហារូបករណ៍ថ្នាក់បរិញ្ញាបត្រចំនួន១០០កន្លែង សិក្សានៅសាកលវិទ្យាល័យសម្តេចព្រះមហាសង្ឃរាជ បូរ គ្រី
ព័ត៌មានអាហារូបករណ៍, ព្រឹត្តិការណ៍
• 30/11/2023
ក្រោមការឧបត្ថម្ភ និងគាំទ្រពី ឯកឧត្តមអភិសន្តិបណ្ឌិត ស សុខា និងលោកជំទាវ សាកលវិទ្យាល័យសម្តេចព្រះសង្ឃរាជ បួរ គ្រី ផ្តល់ជូនអាហារូបករណ៍ដល់សិស្ស-និស្សិតសម្រាប់ឆ្នាំសិក្សា២០២៣-២០២៤ ...
កម្មវិធីពិសេសរបស់ AMS EDUCATION
ព័ត៌មានសង្ខេប






























