ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ក្រសួងអប់រំ យុវជន និងកីឡា នៅតែបន្តជំរុញលើកទឹកចិត្តសិស្សានុសិស្សថ្នាក់ទី១២ ឱ្យបន្តប្រឹងប្រែងសិក្សាក្នុងអំឡុងពេលកូវីដ-១៩ និងត្រូវត្រៀមខ្លួនសម្រាប់ប្រឡងសញ្ញាបត្រមធ្យមសិក្សាទុតិយភូមិនាពេលខាងមុខ ដែលនឹងប្រព្រឹត្តទៅនៅថ្ងៃទី២៥ ខែតុលា ឆ្នាំ២០២១ ខាងមុខសម្រាប់សាលាឯកជន និងថ្ងៃទី០៦ ខែធ្នូ ឆ្នាំ២០២១ សម្រាប់សាលារដ្ឋ ។ ក្រសួងអប់រំ បានបញ្ជាក់នៅថ្ងៃចន្ទនេះថា ប្រឡងបាក់ឌុបឆ្នាំនេះ ក្រសួងនៅតែបន្តរឹតបន្តឹងដូចឆ្នាំមុនៗដដែល ហើយដោយឡែកការរៀបចំមណ្ឌលប្រឡងនឹងបែងចែកដាច់ដោយឡែកពីគ្នារវាងថ្នាក់វិទ្យាសាស្រ្ត និងថ្នាក់វិទ្យាសាស្ត្រសង្គម ។
ឯកឧត្តមបណ្ឌិត រស់ សុវាចា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍ថា ការប្រឡងសញ្ញាបត្រមធ្យមសិក្សាទុតិយភូមិត្រូវបន្តអនុវត្តគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ស្របនឹងវិធានការសុវត្ថិភាពសុខភាពក្នុងដំណាក់កាលនៃការរីករាលដាលជំងឺផ្លូវដង្ហើមកូវីដ-១៩ ។ ឯកឧត្តមបណ្ឌិត បានបញ្ជាក់ថា សិស្សានុសិស្សថ្នាក់ទី១២ បន្តខិតខំប្រឹងប្រែងសិក្សា និងត្រូវត្រៀមខ្លួនសម្រាប់ប្រឡងការប្រឡងរបស់ខ្លួននៅថ្ងៃខាងមុខ ។
ស្របនឹងការលើកទឹកចិត្តរបស់ក្រសួងអប់រំឱ្យសិស្សប្រឹងប្រែងសិក្សា យុវតី សៀន សុខលាប សិស្សថ្នាក់ទី១២ នៃវិទ្យាល័យសម្ដេចគតិព្រឹទ្ធិបណ្ឌិត ប៊ុន រ៉ានី ហ៊ុនសែនដើមឬស ខេត្តកណ្ដាល បាននិយាយថា ទោះបីជំងឺផ្លូវដង្ហើមកូវីដ-១៩ រាតត្បាតក៏ពិតមែន ប៉ុន្តែកញ្ញានៅតែបន្តខិតខំប្រឹងប្រែងសិក្សាជានិច្ច ព្រមទាំងត្រៀមខ្លួនឱ្យបានមុនថ្ងៃប្រឡង ដើម្បីទទួលបានលទ្ធផលល្អប្រសើរ។
“ខ្ញុំនៅតែបន្តប្រឹងរៀន បើទោះជាជួបការលំបាកដោយសាររៀនតាមប្រព័ន្ធអនឡាញ ហើយខ្ញុំនៅតែជម្នះចិត្តប្រឡងថ្នាក់ទី១២ ឱ្យជាប់ ”
យុវតី សៀន សុខលាប
ចំណែកយុវតី ឈួន ស្រី សិស្សថ្នាក់ទី១២ នៃវិទ្យាល័យ សុខ អាន ក្ដីទន្ទឹម ខេត្តតាកែវ បាននិយាយដែរថា ថ្វីត្បិតសាលារៀនបានបិទទ្វាបណ្តោះអាសន្នដោយសារកូវីដ-១៩ ប៉ុន្តែក្នុងនាមជាសិស្សត្រៀមប្រឡងសញ្ញាបត្រថ្នាក់ទី១២ ចិញ្ចឹមចិត្តសិក្សា និងត្រៀមខ្លួនរួចជាស្រេចសម្រាប់ការប្រឡង ។ កញ្ញាយល់ថា ពេលវេលាត្រៀមខ្លួនមុនពេលប្រឡងឆ្នាំនេះមានច្រើនជាងឆ្នាំកន្លងទៅ និងមានឱកាសគ្រប់គ្រាន់សម្រាប់រៀនបំប៉នបន្ថែមលើមុខវិជ្ជានីមួយៗ ។
ងាកមកនិយាយពីសិស្សថ្នាក់ទី១២ នៅរាជធានីភ្នំពេញវិញ យុវសិស្ស ហ៊ាង សេងហាប់ សិស្សថ្នាក់ទី១២ នៅសាលា ប៊ែលធី អន្តរជាតិ ក៏បាននិយាយថា គោលជំហរខិតខំប្រឹងរៀននៅតែមានជានិច្ច បើទោះស្ថិតក្នុងបរិបទកូវីដ-១៩ ។ សេងហាប់ យល់ឃើញថា ទោះបីដំណើរការប្រឡងបាក់ឌុបមានការប្រែប្រួលបន្តិចក្ដី ក៏ប៉ុន្តែរូបគេនៅតែព្យាយាមរៀនសូត្រមិនផ្តេកផ្តួលខ្លួនទៅតាមស្ថានភាពមិនច្បាស់លាស់នៃកូវីដ-១៩ ឡើយ ។
សម្រាប់កាលវិភាគការប្រឡងបាក់ឌុបឆ្នាំ២០២១ ត្រូវបែងចែកជាពីរថ្នាក់ មានថ្នាក់វិទ្យាសាស្រ្ដ និងវិទ្យាសាស្រ្ដសង្គម។ សម្រាប់ថ្នាក់វិទ្យាសាស្រ្តរួមមានមុខវិជ្ជា ប្រវត្តិវិទ្យា ជីវវិទ្យា គីមីវិទ្យា ភាសាបរទេស អក្សរសាស្រ្ដខ្មែរ រូបវិទ្យា និងគណិតវិទ្យា ។ ចំណែកថ្នាក់វិទ្យាសាស្រ្ដសង្គម រួមមានមុខវិជ្ជា ផែនដីវិទ្យានិងបរិស្ថាន ប្រវត្តិវិទ្យា ភូមិវិទ្យា ភាសាបរទេស គណិតវិទ្យា សីលធម៌-ពលរដ្ឋវិជ្ជា និងអក្សរសាស្រ្តខ្មែរ ។
គួររំលឹកដែរថា ការប្រឡងសញ្ញាបត្រមធ្យមសិក្សាទុតិយភូមិ ឬប្រឡងបាក់ឌុបកាលពីឆ្នាំសិក្សា២០១៩-២០២០ កន្លងទៅ ក្រសួងអប់រំសម្រេចឱ្យបេក្ខជនត្រៀមបាក់ឌុបទាំងអស់ជាប់ជាស្ថាពរ ដោយគ្មានកំណត់និទ្ទេស ដោយផ្អែកតាមអនុសាសន៍របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ។ សម្តេចនាយករដ្ឋមន្ត្រីបានចាត់ទុកការសម្រេចចិត្តនេះ ជាការចូលរួមចំណែកទប់ស្កាត់ការឆ្លងរីករាលដាលជំងឺកូវីដ-១៩ នៅក្នុងសហគមន៍ ។ ទោះយ៉ាងណានៅឆ្នាំសិក្សា២០២០-២០២១ នេះ ក្រសួងអប់រំ យុវជន និងកីឡា បានជំរុញឱ្យសិស្សថ្នាក់ទី១២ ទាំងអស់ត្រៀមខ្លួនប្រឡងបាក់ឌុប ហើយក្រសួងផ្ទាល់បានបង្កើតកម្មវិធីសិក្សា មេរៀន ឯកសារបង្រៀន និងមាតិកាឌីជីថលជាច្រើនលើកកម្ពស់ការសិក្សារបស់សិស្ស ។
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានពហុបច្ចេកទេសខេត្តកំពង់ធំ ផ្ដល់អាហារូបករណ៍សិក្សាជំនាញបច្ចេកទេស និងវិជ្ជាជីវៈ ចំនួន ៥១០កន្លែង
ព័ត៌មានអាហារូបករណ៍, ព្រឹត្តិការណ៍
• 21/11/2023
ឱកាសសិក្សាជំនាញបច្ចេកទេស និងវិជ្ជាជីវៈដោយឥតគិតថ្លៃនៅវិទ្យាស្ថានពហុបច្ចេកទេសកំពង់ធំ ចំនួន៥១០នាក់ ដល់យុវជន យុវតី សិស្ស និស្សិត និងសាធារណជនដែលមកពី...
អាហារូបករណ៍ទាំង១០ សម្រាប់និស្សិតសិក្សានៅក្រៅប្រទេស
ព័ត៌មានអាហារូបករណ៍, ព្រឹត្តិការណ៍
• 21/05/2025
ការសិក្សានៅបរទេសសម្រាប់និស្សិត ត្រូវបានដឹងថា ជាការសិក្សាដែលចំណាយអស់ថវិកាយ៉ាងច្រើន ទាំងថ្លៃសិក្សា ថ្លៃស្នាក់នៅ និងការចំណាយផ្សេងៗ។ តាមរយៈគេហទំព័រ Scholarship Safe បង្ហាញនូវអាហារូបករណ៍កំពូលទាំង១០...
អាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare នៃប្រទេសជប៉ុន ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 02/05/2024
ឱកាសសិក្សាអាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare (IUHW) រយៈពេល៦ឆ្នាំនៃ...
ក្រសួងទេសចរណ៍ផ្តល់អាហារូបករណ៍១០កន្លែង នៅវិទ្យាស្ថានទេសចរណ៍សៀងហៃ
ព័ត៌មានអាហារូបករណ៍, ព្រឹត្តិការណ៍
• 20/01/2023
ក្រសួងទេសចរណ៍កម្ពុជា បានប្រកាសទៅដល់សិស្ស និស្សិត បុគ្គលិកជំនាញទេសចរណ៍ និងមន្រ្តីរាជការក្រសួងទេសចរណ៍ទាំងអស់ ពីការផ្តល់អាហារូបករណ៍ចំនួន១០កន្លែង...
រៀនជំនាញដូនតាដោយឥតគិតថ្លៃ ជាមួយក្រសួងវប្បធម៌ និងវិចិត្រសិល្បៈ
ព័ត៌មានអាហារូបករណ៍, ព្រឹត្តិការណ៍
• 07/04/2026
ក្រសួងវប្បធម៌ និងវិចិត្រសិល្បៈ ប្រកាសពីការផ្តល់ជូនការបណ្តុះបណ្តាលជំនាញដូនតាដោយឥតគិតថ្លៃ សម្រាប់ឆ្នាំ២០២៦ ដល់យុវជន និងសាធារណជន ដែលចង់ចេះជំនាញដូចជា តម្បាញសូត្រ និងអំបោះ, តម្បាញក្រមាពណ៌ត្រុំ,
វិទ្យាស្ថានពហុបច្ចេកទេសខេត្តកំពង់ឆ្នាំង ជ្រើសរើសបេក្ខជនសិក្សាជំនាញបច្ចេកទេស និងវិជ្ជាជីវៈឥតគិតថ្លៃចំនួន៦៥៥នាក់
ព័ត៌មានអាហារូបករណ៍, ព្រឹត្តិការណ៍
• 24/01/2025
ឱកាសសិក្សាជំនាញបច្ចេកទេស និងវិជ្ជាជីវៈចំនួន៦៥៥កន្លែង នៅវិទ្យាស្ថានពហុបច្ចេកទេសកំពង់ឆ្នាំង សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាជំនាញថ្នាក់សញ្ញាបត្រជាន់ខ្ពស់បច្ចេកទស (បរិញ្ញាបត្ររង)...
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី ផ្តល់ការសិក្សាជំនាញ១១ ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 18/11/2024
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី បានប្រកាសផ្តល់ការសិក្សាជំនាញចំនួន១១ ដោយឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក៏ដូចជាកម្មករនិយោជិកក្រៅប្រព័ន្ធ។
អាហារូបករណ៍សម្រាប់និស្សិតថ្នាក់បរិញ្ញាបត្រនៅសាកលវិទ្យាល័យភូមិន្ទភ្នំពេញពី ធនាគា អ៊ូរី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 12/03/2025
សាកលវិទ្យាល័យភូមិន្ទភ្នំពេញ ប្រកាសដល់សិស្សនិស្សិតដែលកំពុងសិក្សាឆ្នាំទី២ ទី៣ និងទី៤ ក្នុងឆ្នាំសិក្សា២០២៤-២០២៥ អំពីការផ្ដល់អាហារូបករណ៍សាច់ប្រាក់ពី ធនាគារ អ៊ូរី (ខេមបូឌា) ម.ក សម្រាប់និស្សិតនៃសាកលវិទ្យាល័យភូមិន្ទភ្នំពេញ។
កម្មវិធីពិសេសរបស់ AMS EDUCATION
ព័ត៌មានសង្ខេប
