លោក ឃឿន ចន្ទតូ និស្សិតខ្មែរ​នៅ​ប្រទេស​រុស្ស៊ី ជាប់ជ័យលាភី​លេខ១ “Best Blogger” ក្នុង​កម្មវិធី YouRussai

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

លោក ឃឿន ចន្ទតូ ជានិស្សិតឆ្នាំទី៣ ផ្នែកវិស្វកម្មនុយក្លេអ៊ែរ និងរូបវិទ្យាកម្តៅ នៃសាកលវិទ្យាល័យជាតិស្រាវជ្រាវនុយក្លេអ៊ែរ MEPhI បានជាប់ជ័យលាភីលេខ១ ផ្នែក “Best Blogger” ក្នុងកម្មវិធី YouRussia ដែលមានបេក្ខជនចូលរួមសរុបប្រមាណជាង១៣០នាក់ និងមកពី៣០ប្រទេស។

និស្សិត​ខ្មែរ​អាយុ២២ឆ្នាំរូបនេះ បានប្រាប់ឱ្យដឹងថា កត្តាដែលជំរុញរូបលោកឱ្យចូលរួមប្រឡងក្នុងកម្មវិធី YouRussia ដោយសារតែការស្រឡាញ់ចូលចិត្តផលិតវីឌីអូ ចែករំលែកចំណេះដឹង និងសាកល្បងនូវអ្វីដែលថ្មី។ លោក ចន្ទតូ បន្តថា កាលពីឆ្នាំមុនលោកក៏ធ្លាប់បានចូលរួមប្រឡងម្តងដែរ ប៉ុន្តែបានជាប់ត្រឹមតែបេក្ខជន១០នាក់ចុងក្រោយ ប៉ុន្តែឆ្នាំនេះ លោកស្ទើរតែបោះបង់ហើយ តែក៏សម្រេចចិត្តសាកល្បងដាក់ប្រកួតម្តងទៀត ទីបំផុតក៏ទទួលបានជ័យលោភីលេខ១។

លោក ឃឿន ចន្ទតូ និស្សិតឆ្នាំទី៣ ផ្នែកវិស្វកម្មនុយក្លេអ៊ែរ និងរូបវិទ្យកម្តៅ នៃសាកលវិទ្យាល័យជាតិស្រាវជ្រាវនុយក្លេអ៊ែរ MEPhI

និស្សិតឆ្នាំទី៣ ផ្នែកវិស្វកម្មនុយក្លេអ៊ែរ និងរូបវិទ្យាកម្តៅ រូបនេះ បញ្ជាក់បន្ថែមថា ការចូលរួមកម្មវិធីប្រឡង YouRussia នេះ បេក្ខជនត្រូវដាក់ពាក្យស្នើរសុំចូលរួមតាមរយៈអនឡាញ ដោយភ្ជាប់ជាមួយនឹងវីឌេអូរបស់ខ្លួនទាក់ទងនឹងប្រធានបទដែលកម្មវិធីដាក់ឱ្យ បន្ទាប់មកបេក្ខជនត្រូវរង់ចាំលទ្ធផល ដោយការវាយតម្លៃពឹងផ្អែកទៅលើ ភាពច្នៃប្រឌិត គំនិតនៅក្នុងវីឌីអូ។

លោក ឃឿន ចន្ទតូ បន្ថែមថា ប្រធានបទនៅក្នុងកម្មវិធីប្រឡង YouRussia នេះ មាន ៣ធំៗ គឺ ទី១. “មួយថ្ងៃរបស់ខ្ញុំក្នុងនាមជានិស្សិតនុយក្លេអ៊ែរ?” ទី២.“តើខ្ញុំអាចចូលរៀននៅក្នុងសាកលវិទ្យាល័យនឹងទទួលបានអាហារូបករណ៍ដោយរបៀបណា?” និងទី៣. “ដំណើរកំសាន្តនៅប្រទេសរុស្ស៊ី”។ សម្រាប់លោក ឃឿន ចន្ទតូ​ បានជ្រើសរើសធ្វើលើប្រធានបទ “តើខ្ញុំអាចចូលរៀននៅក្នុងសាកលវិទ្យាល័យនឹងទទួលបានអាហារូបករណ៍ដោយរបៀបណា? នៅក្នុងវីឌីអូនិយាយជាភាសាអង់គ្លេសនេះ លោកបានបញ្ចូលនូវរាល់សមិទ្ធផលនានាដែលបានសាងកន្លងមកកំឡុងពេលរៀននៅសាកលវិទ្យាល័យនេះ។

ម្ចាស់ជ័យលាភីលេខ១ ផ្នែក “Best Blogger” រូបនេះ លើកឡើងថា សម្រាប់សមិទ្ធផលនានាដែលរូបលោក បានបញ្ចូលនៅក្នុងវីឌីអូមានដូចជា សកម្មភាពដែលលោកបានចូលរួមកម្មវិធីទាំងឡាយមានដូចជា World Youth Festival, Media Training Program, Bandom Digital Start-up Awardee, Obninsk Tech Winter School, Obninsk Summer School ជាដើម។ ទន្ទឹមគ្នានេះ នៅក្នុងវីឌីអូ លោកបានរៀបរាប់ពីដំណើរការនៃការដាក់ពាក្យ និងរៀបចំឯកសារតាមអនឡាញ និងដំណើរការសម្ភាសន៍អាហារូបករណ៍ និងផលលំបាកផ្សេងៗ។

លោក ឃឿន ចន្ទតូ និស្សិតឆ្នាំទី៣ ផ្នែកវិស្វកម្មនុយក្លេអ៊ែរ និងរូបវិទ្យកម្តៅ នៃសាកលវិទ្យាល័យជាតិស្រាវជ្រាវនុយក្លេអ៊ែរ MEPhI

យុវជនមកពីខេត្តពោធិ៍សាត់ រូបនេះ បញ្ជាក់ថា កត្តាដែលជំរុញឱ្យលោកជាប់ជ័យលាភីលេខ១ ផ្នែក “Best Blogger” ក្នុងកម្មវិធី YouRussia ដោយសារគណៈកម្មការដាក់ពិន្ទុមើលទៅលើ ភាពច្នៃប្រឌិតនៅក្នុងវីដេអូមានភាពទាក់ទាញ និងផ្តល់ជាការជំរុញទឹកចិត្ត (Inspiration) ទៅដល់អ្នកទស្សនា។

លោក ឃឿន ចន្ទតូ លើកឡើងទៀតថា បើទោះជាបច្ចុប្បន្ននេះ ប្រទេសរុស្ស៊ីកំពុងតែជួបបញ្ហាសង្រ្គាម ប៉ុន្តែលោកយល់ថា កម្មវិធី YouRussia គឺកម្មវិធីមួយដែលមិនបានពាក់ព័ន្ធជាមួយនឹងសង្រ្គាមនោះទេ ប៉ុន្តែជាឱកាសសម្រាប់យុវជន បានបង្ហាញនូវស្នាដៃ និងគំនិតច្នៃប្រឌិតរបស់ខ្លួនផ្ទាល់ទៅកាន់និស្សិតបរទេសផ្សេងៗទៀតពីសមត្ថភាពរបស់យុវជនកម្ពុជា។

ជាមួយគ្នានេះ លោក ឃឿន ចន្ទតូ ក៏បានលើកទឹកចិត្តទៅដល់យុវជន ប្រសិនអ្វីដែលខ្លួនកំពុងធ្វើ និងខិតខំធ្វើកន្លងមកវាមិនទាន់បានលទ្ធផលដូចដែលខ្លួនចង់បាន សូមកុំទាន់បោះបង់ ត្រូវជឿជាក់លើខ្លួនឯង និងការខិតខំរបស់ខ្លួនឯង ទោះតិច ឬច្រើនយើងនឹងទទួលបានផលមកវិញត្រឡប់មកវិញនាពេលអនាគត។ គួរជម្រាបជូនថា បេក្ខជនដែលចូលរួមប្រកួតក្នុង កម្មវិធី YouRussia រួមមាន ប្រទេសឥណ្ឌា ប្រទេសវៀតណាម ប្រទេសហ្គាណា ប្រទេសអេហ្ស៊ីប ប្រទេស​នីហ្សេរីយ៉ា ប្រទេសអង់គ្លេស ប្រទេសអេត្យូពី ប្រទេសអ៊ូបេគីស្ថានជាដើម៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍កម្រិតសញ្ញាបត្រ​ជាន់ខ្ពស់​បច្ចេកទេស នៅ​ប្រទេស​វៀតណាម សម្រាប់សិស្ស​ជាប់បាក់ឌុប​ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 08/09/2025

សាលា Thai Nguyen College នៃប្រទេស​វៀតណាម នឹងផ្តល់អាហារូបករណ៍​កម្រិត​សញ្ញាបត្រ​ជាន់ខ្ពស់​បច្ចេកទេស សិក្សា​រយៈពេល៤ឆ្នាំ ដល់​សិស្ស​កម្ពុជា​ចំនួន ៧២កន្លែង។

អាហារូបករណ៍ថ្នាក់ឧត្តមសិក្សានៅសាកលវិទ្យាល័យ Saskatchewan ប្រទេសកាណាដាឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 26/06/2023

ឱកាសសិក្សាអាហារូបករណ៍សិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Saskatchewan នៃប្រទេសកាណាដាឆ្នាំសិក្សា២០២៤ ។ ...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ MGIMO ប្រទេសរុស្សី ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 09/07/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ MGIMO ពីកម្មវិធី Second Enrollment of Masters Degree Program in Eco...

ឱកាសសិក្សាអាហារូបករណ៍ចំនួន២១០កន្លែងនៅវិទ្យាស្ថានបច្ចេកវិទ្យាកម្ពុជា មណ្ឌលតេជោ ហ៊ុន សែន ចំការដូងខេត្តកែប

ព័ត៌មានអាហារូបករណ៍, ព្រឹត្តិការណ៍

• 11/10/2024

វិទ្យាស្ថានបច្ចេកវិទ្យាកម្ពុជា ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ និងកម្រិតបរិញ្ញាបត្ររងវិស្វកម្ម នៅមណ្ឌល តេជោ ហ៊ុន សែន ចំការដូង (ខេត្តកែប) ជាច្រើននាក់។ ក្នុងនោះវិទ្យាស្ថាននឹងផ្ដល់ឱកាសសិក្សាអាហារូបករណ៍ចំនួន២១០កន្លែង។

ក្រសួងប្រៃសណីយ និងទូរគមនាគមន៍ ផ្ដល់អាហារូបករណ៍១០០% សិក្សាវគ្គខ្លីផ្នែកសន្តិសុខបច្ចេកវិទ្យា

ព័ត៌មានអាហារូបករណ៍, ព្រឹត្តិការណ៍

• 07/06/2023

ក្រសួងប្រៃសណីយ និងទូរគមនាគមន៍ប្រកាសផ្ដល់អាហារូបករណ៍ ១០០% ចំនួន​៤០កន្លែងសម្រាប់ការ​សិក្សាផ្នែកសន្តិសុខបច្ចេកវិទ្យា ។ ជំនាញដែល...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ ពាណិជ្ជសាស្ត្រ អេស៊ីលីដា ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 02/10/2025

សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានផ្តល់អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) នៅសាកលវិទ្យាល័យ...

អាហារូបករណ៍កម្មវិធីអ្នកដឹកនាំវ័យក្មេង កម្ពុជា-ឡាវ (CLYLP) ទៅកាន់ប្រទេសនូវែលសេឡង់

ព័ត៌មានអាហារូបករណ៍, ព្រឹត្តិការណ៍

• 23/04/2026

តើអ្នកជាអ្នកដឹកនាំវ័យក្មេងដែលកំពុងបម្រើការងារក្នុងសហគមន៍ ឬអង្គការសង្គមស៊ីវិលមែនទេ? កម្មវិធីអ្នកដឹកនាំវ័យក្មេង កម្ពុជា-ឡាវ (Cambodia Laos Young Leaders Programme - CLYLP) កំពុងបើកទទួលពាក្យសម្រាប់បេក្ខជន...

គន្លឹះក្នុងការសរសេរលិខិតអនុសាសន៍អាហារូបករណ៍

ព័ត៌មានអាហារូបករណ៍, ព្រឹត្តិការណ៍

• 11/09/2023

លិខិតអនុសាសន៍ ឬ Recommendation letter ជាឯកសារចាំបាច់មួយក្នុងចំណោមឯកសារចាំបាច់ផ្សេងទៀត ដែលអាហារូបករណ៍តម្រូវឱ្យបេក្ខជនសរសេរឡើងការរៀបរាប់ដោយសង្ខេប...

ACE ផ្តល់អាហារូបករណ៍​ដល់សិស្សនិស្សិតចំនួន ៣១កន្លែង

ព័ត៌មានអាហារូបករណ៍, ព្រឹត្តិការណ៍

• 25/08/2023

មជ្ឈមណ្ឌលអូស្រ្តាលី​សម្រាប់ការបណ្តុះបណ្តាល ប្រកាស​ផ្តល់អាហារូបករណ៍​ដល់​សិស្ស​និស្សិតចំនួន៣១កន្លែង ដោយ​ម្នាក់ៗ​នឹង​ទទួល​បាន​អាហារូបករណ៍​រយៈពេល​១ឆ្នាំ។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *