សេង ហ្គេកលី ៖ ប្តូរការគិតនិងស្វែងរកខ្លួនឯង គឺសំខាន់មុនពេលជ្រើសជំនាញសិក្សា

តាមរយៈបទពិសោធន៍ផ្ទាល់ខ្លួន កញ្ញា សេង ហ្គេកលី ជាអ្នកនិពន្ធសៀវភៅ និងជាអ្នកបង្កើតមាតិកាលើកទឹកចិត្តនៅលើបណ្តាញសង្គម លើកឡើងថា ជីវិតរបស់យើងនឹងផ្លាស់ប្តូរ បើសិនជាយើងផ្លាស់ប្តូរការគិត និងសកម្មភាពប្រចាំថ្ងៃរបស់យើងបានល្អ ហើយការអនុវត្តការគិតបែបនេះបាន គឺជះឥទ្ធិពលជាវិជ្ជមានទៅកាន់ការរស់នៅ ការងារ និងការសិក្សា។

ថ្លែងទៅ​កាន់យុវជនប្រមាណ១ពាន់នាក់ នៅក្នុងសិក្ខាសាលាប្រចាំឆ្នាំរបស់សាកលវិទ្យាល័យបញ្ញាសាស្ត្រកម្ពុជា “Winning University Life 2024” កាលពីពេលថ្មីៗនេះ កញ្ញា សេង ហ្គេកលី បានចែករំលែកអំពីរបត់ជីវិត និងកត្តាដែលនាំឱ្យនាងមានគោលជំហរ រួមទាំងសិល្បៈនៃការដឹងនាំជីវិតផ្ទាល់ខ្លួន ហើយអ្វីដែលនាងយល់ថា វាមានឥទ្ធិពលនោះ គឺការគិតថានឹងអាចទៅរួច និងការមើលទៅលើរូបភាពអ្វីមួយក្នុងផ្លូវវិជ្ជមាន រួមទាំងការក្តោបក្តាប់វាសនាខ្លួនឯង។

ងាកទៅអតីតកាលបន្តិច ហ្គេកលី នឹកទៅដល់ដំណើរវិវឌ្ឍន៍របស់ក្មេងស្រី នាងនិយាយថា មជ្ឈដ្ឋាននៃការរស់នៅជុំវិញខ្លួននាងពេលនោះ ចំពោះភាពជាគំរូរបស់ក្មេងស្រីទូទៅគឺក្រោយរៀនចប់មធ្យមសិក្សា ដំណើរជីវិតបន្ត របស់ពួកគាត់ភាគច្រើន គឺការមានគ្រួសារ រៀបការ និងមានតួនាទីបង្កើតបុត្រធីតា ក៏ដូជាការមើលថែគ្រួសារជាដើម ដែលរូបភាពទាំងនេះ ត្រូវបានចាស់ទុំក្នុងភូមិផងរបងជាមួយបានដាក់និយមន័យឱ្យថា គឺជាកូនល្អ។

យ៉ាងណាក៏ដោយ ទោះមានសេចក្ដីអំណរពីមជ្ឈដ្ឋានរស់នៅក្បែរខ្លួនក៏ដោយ ក៏មិនបានជំរុញឱ្យ ហ្គេកលី ចង់បានជីវិតបែបនោះទេ ទន្ទឹមគ្នានឹងការមិនពេញចិត្តចំពោះការកំណត់តាមរយៈបរិយាកាសសង្គម នាងក៏មិនទាន់ដឹងដែរថា តើដំណើរជីវិតបែបណាដែលនាងស្រមៃចង់បាននៅឡើយ? ដែលហេតុផលទាំងនេះហើយ បង្កើតជាភាពមន្ទិលនិងភាពស្មុគស្មាញទៅកាន់ក្មេងស្រីម្នាក់ដែលកំពុងស្វែងរកខ្លួន​ឯង ។

រៀបការមានកូនទាំងនៅវ័យក្មេង ខ្ញុំអត់ចង់មានជីវិតរស់នៅបែបនេះទេ! ខ្ញុំចង់មានផ្លូវជីវិតផ្សេងមួយទៀត ប៉ុន្តែស្ថានភាពខ្ញុំកាលនោះបើសួរថាផ្លូវជីវិតបែបណាខ្ញុំក៏មិនដឹងដែរ ព្រោះថាមើលឃើញតែរូបភាពមនុស្សស្រីវ័យក្មេង គាត់រៀបការ គាត់នៅផ្ទះ និងការមើលថែកូនៗតែប៉ុណ្ណោះ…

កញ្ញា សេង ហ្គេកលី

ហ្គេកលី បន្តប្រាប់អំពីដំណើរជីវិត នៅពេលដែលនាងមានឱកាសជាន់ទឹកដីទីក្រុងភ្នំពេញដំបូងយ៉ាងដូច្នេះថា ពេលមកដល់ភ្នំពេញដំបូង នាងតែងអនុវត្តន៍ទៅតាមការណែនាំរបស់អាណាព្យាបាលយ៉ាងខ្ជាប់ខ្ជួន, ហ្គេកលី មិនដើរទៅទីដែលឆ្ងាយពីផ្ទះនោះទេ ក្រៅអំពីសាលារៀន ហើយនឹងទីស្នាក់អាស្រ័យ។ ក្រោយពេលបញ្ចប់បាក់ឌុប ហ្គេកលី និយាយទាំងមានចំណាប់អារម្មណ៍ហាក់សោកស្តាយថា នាងមិនស្គាល់សង្គមខាងក្រៅអ្វីទាំងអស់ ចំណែកឯការសម្រេចចិត្ត ចូលសិក្សានៅមហាវិទ្យាល័យទៀតសោត ក៏មិនស្របនិងសំណូលចិត្ត រហូតដល់នាងបាត់បង់ថាមពលក្នុងការទៅរៀននៅសាកលវិទ្យាល័យឱ្យបានចប់ចុងចប់ដើម។

ពេលមិនទាន់មានឱកាសស្វែងរកខ្លួនឯង ខ្ញុំជ្រើសជំនាញទាំងដែលខ្លួនមិនស្រឡាញ់ក្រោយបញ្ចប់បាក់ឌុប ដូច្នេះការរៀនអត់មានគោលដៅ និងមិនមានផែនការអ្វីទាំងអស់ បន្ទាប់មកក៏មិនទទួលបាននូវភាពជោគជ័យពីជីវិតនៅសាកលវិទ្យាល័យ ដោយសារជ្រើសជំនាញដែលខ្លួនឯងមិនស្រឡាញ់ ហើយរៀនក៏មិនចប់។

កញ្ញា សេង ហ្គេកលី

បុព្វហេតុមួយដែលនាំឱ្យនាងចាប់ផ្តើមស្វែងរកខ្លួនឯងគឺ កញ្ញា ហ្គេកលី បានចូលរួមនៅក្នុងសិក្ខាសិលាមួយ ដែលនិយាយអំពីផែនការជីវិត ការជ្រើសរើសជំនាញរៀននៅសាកលវិទ្យាល័យ និងចំណុចសំខាន់ដទៃទៀតក្នុងការរស់នៅ។ ក្រោយវិនិយោគពេលស្ដាប់ការចែករំលែកពីសំណាក់វាគ្មិន រួមទាំងការយកគំនិតទាំងនោះទៅពិចារណាបន្ថែម គឺនាងចាប់ផ្តើមផ្លាស់ប្តូរការគិត និងការឱ្យតម្លៃទៅលើការយល់អំពីខ្លួនឯង។ ហ្គេកលី បានដាក់សំណួរទៅកាន់ខ្លួនឯងថា តើខ្ញុំចូលចិត្តអ្វី ចង់បានអ្វី រួមទាំងការប្តេជ្ញាចិតថា ត្រូវតែរៀបចំផែនការឱ្យច្បាស់លាស់ មុននឹងប្រើប្រាស់ជីវិតជានិស្សិតក្នុងសាកលវិទ្យាល័យម្តងទៀត៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្ថានទូតឥណ្ឌាបើកវគ្គបណ្តុះបណ្តាល យូហ្គា របាំ និងភាសាហិណ្ឌូ នៅភ្នំពេញ

ព័ត៌មានអាហារូបករណ៍, ព្រឹត្តិការណ៍

• 08/05/2026

ស្ថានទូតឥណ្ឌាប្រចាំប្រទេសកម្ពុជា បានប្រកាសបើកទទួលពាក្យចូលរៀនថ្នាក់ជំនាញវប្បធម៌ និងភាសាសម្រាប់សាធារណជន ដែលរួមមាន យូហ្គា (Yoga)

អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញសុរិយោដី និងអភិរក្ស ១០០% និង៥០% នៅសាកលវិទ្យាល័យអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 09/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យអន្តរជាតិ(IU) ចំនួន២៧កន្លែងសម្រាប់ឆ្នាំសិក្សា២០២៤។ អាហារូបករណ៍ផ្ដល់ជូន...

NIEI​ ​​ជ្រើសរើស​សិស្ស​ឱ្យ​ចូល​រៀន​វគ្គ​បណ្តុះបណ្តាល​ជំនាញ​វិជ្ជាជីវៈ​ «​មិន​បង់​ថ្លៃ​ ​និង​ទទួលបាន​ប្រាក់​ឧបត្ថម្ភ​» ​សម្រាប់​វគ្គ​ថ្មី ​ខែសីហា​

ព័ត៌មានអាហារូបករណ៍, ព្រឹត្តិការណ៍

• 22/07/2026

​វិទ្យាស្ថាន​ជាតិ​សហគ្រិន​ភាព​ និង​ន​វានុវត្តន៍​ (​NIEI​) ​កំពុង​ប្រកាស​ជ្រើសរើស​សិស្ស​-​និស្សិត​ ​និង​ប្រជាពលរដ្ឋ​ឱ្យ​ចូល​រៀន​វគ្គ​បណ្តុះបណ្តាល​ជំនាញ​វិជ្ជាជីវៈ​ និង​បច្ចេកទេស ​(​C​1​ ​-​1.5​M​)

វិទ្យាស្ថានបច្ចេកវិទ្យាកម្ពុជាប្រកាសជ្រើសរើសនិស្សិតសិក្សាអាហា​រូបករណ៍​១០០%​ចំនួន៨០​កន្លែង សម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 17/11/2023

វិទ្យាស្ថានបច្ចេកវិទ្យាកម្ពុជា(រាជធានីភ្នំពេញ)ប្រកាសជ្រើសរើសនិស្សិតចូលថ្នាក់ឆ្នាំសិក្សាមូលដ្ឋានកម្រិតវិស្វករចំនួន១៣០០កន្លែងក្នុងនោះក៏មានផ្ដល់....

បំណង ​ផ្ដល់​អាហារូបករណ៍​កន្លែង​ស្នាក់នៅ​ ​២​១០​កន្លែង​ ​ដល់​និស្សិត​បន្ត​ការ​សិក្សា​នៅ​រាជធានី​ភ្នំពេញ​សម្រាប់​ឆ្នាំ​សិក្សា​២០២៦​-​២០២៧

ព័ត៌មានអាហារូបករណ៍, ព្រឹត្តិការណ៍

• 25/08/2026

​ដើម្បី​ជួយ​សម្រួល​ដល់​ការ​លំបាក ​និង​កាត់បន្ថយ​បន្ទុក​ចំណាយ​លើ​ការ​ស្វែងរក​កន្លែង​ស្នាក់​នៅ​ប្រកបដោយ​គុណភាព​ សុវត្ថិភាព​ ​និង​តម្លៃ​សមរម្យ​ ​"​បំណង​"

ឱកាសសិក្សាជំនាញបច្ចេកទេសវិជ្ជាជីវៈចំនួន២១០០កន្លែងនៅវិទ្យាស្ថានពហុបច្ចេកទេសខេត្តបន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 23/11/2023

វិទ្យាស្ថានពហុបច្ចេកទេសខេត្តបន្ទាយមានជ័យប្រកាសជ្រើសរើសយុវជន យុវនារី និងសាធារណជនសិក្សាវគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១ រយៈពេល៤ខែ ចំនួន២១០០...

គ្រឹះស្ថានឧត្តមសិក្សានៅខេត្ត Zhejiang ប្រទេសចិន ប្រកាសផ្តល់អាហារូបករណ៍ថ្នាក់ភាសាចិន ១ឆ្នាំ ដល់និស្សិតកម្ពុជា

ព័ត៌មានអាហារូបករណ៍, ព្រឹត្តិការណ៍

• 08/06/2026

ផ្អែកតាមការប្រកាសរបស់ សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន (ACSC), សមាគម ក្រោមកិច្ចសហការជាមួយគ្រឹះស្ថានឧត្តមសិក្សានៅខេត្ត Zhejiang នាទីក្រុងវិនចូវ (Wenzhou) ក្នុងគោលបំណង...

ឱកាសសិក្សាអាហារូបករណ៍នៅសាកលវិទ្យាល័យព័ត៌មានវិទ្យា និងទូរគមនាគមន៍ នៃប្រទេសវៀតណាមឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 04/12/2024

សាកលវិទ្យាល័យព័ត៌មានវិទ្យា និងទូរគមនាគមន៍ (ICTU) នៃសាធារណរដ្ឋសង្គមនិយមវៀតណាម ប្រកាសជ្រើសរើសបេក្ខជនសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែង សម្រាប់ឆ្នាំសិក្សា២០២៤-២០២៥...

ឱកាសអាហារូបករណ៍ពេញលេញនៅសាកលវិទ្យាល័យ Monash ប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 23/05/2025

កម្មវិធីអាហារូបករណ៍ K.C Kuok Scholarship ប្រកាសផ្ដល់អាហារូបករណ៍ដល់និស្សិតអន្តរជាតិ សិក្សានៅសាកលវិទ្យាល័យ Monash នៃប្រទេសអូស្ត្រាលី។ អាហារូបករណ៍ផ្ដល់ជូនដោយអតីតនិស្សិតនៃសាកលវិទ្យាល័យ Monash