ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការងារក្រុមដែលមានប្រសិទ្ធភាពគឺជាកត្តាសំខាន់សម្រាប់អង្គភាព និងអាជីវកម្មណាមួយ តែក្នុងប្រតិបត្តិការជាក់ស្តែង គេតែងសង្កេតឃើញថា ការងារជាក្រុមនេះអាចមានបញ្ហាប្រឈមផងដែរ, ខាងក្រោមនេះ គឺជាគន្លឹះសំខាន់ៗមួយចំនួន ដែលអាចជួយធ្វើឱ្យការងារជាក្រុមមានភាពរលូន និងជោគជ័យ ៖
១. កំណត់គោលដៅច្បាស់លាស់ ៖ ឱ្យសមាជិកក្រុមដឹងពីគោលដៅ និងលទ្ធផលដែលត្រូវសម្រេច។ ត្រូវប្រាកដថា អ្នកគ្រប់គ្នាយល់ពីគម្រោង និងគោលដៅរបស់គម្រោង។
២. បែងចែកកិច្ចការតាមជំនាញរៀងៗខ្លួន ៖ ម្នាក់ៗគួរមានភារកិច្ចត្រឹមត្រូវតាមជំនាញ និងបទពិសោធន៍របស់ខ្លួន។ ត្រូវប្រយ័ត្ន កុំឱ្យមានការច្របូកច្របល់ក្នុងការទទួលខុសត្រូវ។
៣. ការកសាងទំនុកចិត្ត និងការគោរពគ្នាទៅវិញទៅមក ៖ គោរពយោបល់គ្នា ជៀសវាងការថ្កោលទោសគ្នាខុសបំណង។ លើកទឹកចិត្តឱ្យមានការនិយាយដោយបើកចំហរ និងសុក្រឹត្យភាព, គោរពភាពខុសគ្នានៃមតិយោបល់ ជៀសវាងការបង្កើតក្រុម នៅក្នុងក្រុម។
៤. រក្សាការទំនាក់ទំនង ៖ ជជែក ពិភាក្សាគ្នា និងការធ្វើបច្ចុប្បន្នភាពឱ្យបានទៀងទាត់ ដើម្បីធានាបានថាគ្រប់គ្នានៅលើដំណើរការគម្រោងដូចគ្នា។
៥. ការតាមដាន និងវាយតម្លៃការងារ ៖ មានការប្រជុំជាប្រចាំដើម្បីតាមដានការរីកចម្រើន។ ប្រាកដថាតាមដានការងារគ្រប់គ្នា និងអាចបញ្ចប់តាមពេលត្រូវបានកំណត់៕
