ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការដើរហើរចេញពីក្រៅតំបន់ដែលខ្លួនរស់នៅ ចាត់ជាការដើរផ្សងព្រេងស្វែងយល់បន្ថែមអំពីមេរៀនជីវិត ឬក៏បើកឱកាសក្នុងការទំនាក់ទំនងជាមួយមនុស្សថ្មីៗ។ ហើយកត្តាមួយក្នុងចំណោមកត្តាផ្សេងៗទៀត ដែលរារាំងក្នុងការដើរកម្សាន្តគឺបញ្ហាហិរញ្ញវត្ថុ ។
យ៉ាងណាក៏ដោយ តាមរយៈគេហទំព័រ Travelnoire បានបង្ហាញគន្លឹះមួយចំនួន ជួយឱ្យការដើរកម្សាន្តមានរយៈពេលច្រើន និងចំណាយថវិកាតិច៖
១. ធ្វើផែនការទុកមុន ៖ ការធ្វើដំណើរ មិនចាំបាច់ទាល់តែមានថវិកាច្រើនពេកទេ ប៉ុន្តែវាចាំបាច់ក្នុងការទាញប្រយោជន៍ពីដំណើរនីមួយៗ តាមរយៈការសង្កេតរៀនសូត្រ និងតាមដានដំណើរការជាប្រចាំ។ ការធ្វើផែនការទុកមុនរៀងរាល់ពេលដើរលេង បានរួមចំណែកក្នុងការកាត់បន្ថយចំណាយដែលមិនចាំបាច់ ស្គាល់ទីតាំងនិងការកំណត់គោលដៅបានច្រើន ងាយស្រួលក្នុងការប្រៀបធៀបតម្លៃពីកន្លែងមួយទៅកន្លែងមួយ។ រួមទាំងការទាញយកនៅបទពិសោធដែលមានភាពចម្រុះបែប។ មិនថាក្នុងស្រុក ឬក្រៅស្រុកនោះទេ ការកក់ជើងហោះហើរទុកមុន ក៏អាចជួយសន្សំថវិការ ពីការចំណាយលើកន្លែងគេងថ្លៃៗ ឬសំបុត្រធ្វើដំណើរថ្លៃៗ។ ឧទាហរណ៍ ប្រសិនបើ យើងបានដឹងថា សំបុត្រនឹងមានតម្លៃថ្លៃនៅចុងសប្តាហ៍ ជំនួសមកវិញនូវការទិញថ្ងៃធម្មតា ពេលខ្លះក៏អាចទទួលបាននូវការបញ្ចុះតម្លៃ ឬក៏តម្លៃមួយដែលថេរផងដែរ។
២. ជ្រើសតម្លៃសមរម្យសម្រាប់កន្លែងស្នាក់នៅ ៖ ពិតណាស់ ទីន្លែងគេងដែលតុបតែងមានភាពប្រណិតៗគឺមានភាពទាក់ទាញគួរឱ្យចង់ស្នាក់នៅ ប៉ុន្តែប្រសិនបើគោលដៅចង់បានបទពិសោធន៍ចេញពីការកម្សាន្តក្នុងតំបន់នីមួយៗ គួរពិចារណាលើកន្លែងដែលមានផាសុកភាព និងតម្លៃសមរម្យជំនួសឱ្យផ្តោតលើភាពប្រណិតៗ។ ក្នុងស្ថានភាពដែលនៅត្រូវការដើរច្រើន ហើយកញ្ចប់ថវិការមានកម្រិត គួរពិចារណាសន្សំ ហើយគិតតាំងពីការស្នាក់នៅដូចជា សម្លឹងមើលការស្នាក់នៅរួមគ្នា(ដម) ជំនួសឱ្យប្រើបន្ទប់ឯកជន និងការជ្រើសផ្ទះសំណាក់ជំនួសឱ្យសណ្ឋាគារផ្កាយប្រាំ។ មួយវិញទៀត គឺអាចសន្សំតាមរយៈការស្នាក់នៅរាងឆ្ងាយពីទីប្រជុំជន ឬនៅខាងក្រៅតំបន់ទេសចរណ៍ល្បីៗដើម្បីទទួលបានតម្លៃមួយដែលល្អជាងក្នុងក្រុង។
៣. ទទួលទានអាហារក្នុងតំបន់ ៖ ការទទួលទានអាហារក្នុងតំបន់ដែលអ្នកស្រុក អ្នកភូមិឧស្សាហ៍ទទួលទានពីមុនៗ មិនត្រឹមតែទទួលបាននូវតម្លៃល្អនោះទេ ប៉ុន្តែបានផ្តល់នូវរស់ជាតិប្លែកមាត់ និងឱកាសជួបជជែកអ្នកនៅក្នុងតំបន់ ក៏ដូចជាមានភាពងាយស្រួល និងលឿនរហ័សទៀតផង។ ការជ្រើសរើសទៅបរិភោគក្នុងភោជនីយដ្ឋានមានភាពផុយស្រួយនឹងការកេងចំណេញទៅតាមកាលដូចជា ពេលខ្លះអ្នកលក់បានឆ្លៀតឱកាសក្នុងការឡើងថ្លៃអាហារទាំងមិនចាំបាច់ ប៉ុន្តែនៅកន្លែងដែលគេនិយមក្នុងតំបន់មានមនុស្សជាច្រើនបានដឹងពីទីផ្សារ ហើយអាចរក្សាតម្លៃមួយដែលល្អជូនអតិថិជនបាន។ កាលដែលជ្រើសរើសអាហារតាមចិញ្ចើមផ្លូវ ឬភោជនីយដ្ឋានតូចៗដែលបើកដោយផ្ទាល់ពីអ្នករស់នៅក្នុងតំបន់ ហាក់ផ្តល់នូវតម្លៃល្អក្នុងភាគរយខ្ពស់៕
