ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រុមហ៊ុន Google DeepMind បានប្រកាសកាលពីសប្ដាហ៍មុនថា ខ្លួនកំពុងបើកមន្ទីរពិសោធន៍ស្រាវជ្រាវបញ្ញាសិប្បនិម្មិត (AI) ថ្មីមួយក្នុងប្រទេសសិង្ហបុរី ដែលនឹងផ្តោតលើកិច្ចសហការជាមួយរដ្ឋាភិបាល អាជីវកម្ម និងគ្រឹះស្ថានអប់រំនៅទូទាំងទ្វីបអាស៊ី, នេះបើយោងតាមកាសែត Reuter ។
អង្គភាព AI ដែលគ្រប់គ្រងដោយក្រុមហ៊ុន Alphabet (Google) បានប្រកាសថា ខ្លួនបានបង្កើនចំនួនក្រុមការងារនៅអាស៊ីទ្វេដង ក្នុងរយៈពេលមួយឆ្នាំចុងក្រោយនេះ និងបានជ្រើសរើសបុគ្គលិកសម្រាប់មន្ទីរពិសោធន៍រួចហើយ។
លោកស្រី Lila Ibrahim ប្រធានផ្នែកប្រតិបត្តិការរបស់ Google DeepMind លើកឡើងថា មន្ទីរពិសោធស្រាវជ្រាវថ្មីនេះ កំពុងរៀបចំរបៀបវារៈសម្រាប់ការស្រាវជ្រាវ ដោយផ្ដោតសំខាន់លើការអប់រំ ប្រព័ន្ធសុខាភិបាល និងវិទ្យាសាស្ត្រ។
លោកស្រីបានប្រាប់អ្នកយកព័ត៌មានថា ទីផ្សារនៅតំបន់អាស៊ីអាគ្នេយ៍មានអត្រាទទួលយក AI ខ្ពស់បំផុតមួយ នៅលើពិភពលោក។
សូមជំរាបជូនថា Google DeepMind គឺជាមន្ទីរពិសោធន៍ស្រាវជ្រាវ AI ដ៏សំខាន់របស់ Alphabet Inc. (ក្រុមហ៊ុនមេរបស់ Google), ពួកគេទទួលខុសត្រូវលើការបង្កើតនូវម៉ូដែល AI ជំនាន់ថ្មី និងមានឥទ្ធិពលបំផុតមួយចំនួននៅលើពិភពលោក ដូចជា Gemini ដែលជា AI បច្ចុប្បន្នរបស់ Google ។ សមិទ្ធផលដ៏អស្ចារ្យមួយទៀតរបស់ Google DeepMind គឺ AlphaFold ដែលជាប្រព័ន្ធអាចទស្សន៍ទាយរចនាសម្ព័ន្ធបត់នៃប្រូតេអ៊ីនយ៉ាងមានប្រសិទ្ធភាព ដែលបានរួមចំណែកយ៉ាងធំដល់ការស្រាវជ្រាវផ្នែកជីវវិទ្យា និងឱសថសាស្ត្រ៕
