លោកស្រី ប្រាក់​ លឹមហ៊ាង​ ៖ ការចេះគ្រប់គ្រងហិរញ្ញវត្ថុផ្ទាល់ខ្លួន ជួយ​ពង្រឹង​សុខុមាលភាពក្នុងការ​រស់នៅ​របស់និស្សិត

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត

អ្នកជំនាញផ្នែកហិរញ្ញវត្ថុ លោកស្រី ប្រាក់ លឹមហ៊ាង បានលើកឡើងថា ការចេះគ្រប់គ្រងហិរញ្ញវត្ថុផ្ទាល់ខ្លួនបានល្អ ដូចជាការគ្រប់គ្រងចំណូល និងចំណាយប្រចាំថ្ងៃមិនថា ក្នុងដំណើរសិក្សា​ ឬការហូបចុក ឬការសន្សំដើម្បីសម្រេចគោលដៅជីវិត ឬវិធីសាស្រ្តការពារបំណុលវ័នកជាដើម គឺជាកត្តារួមចំណែកយ៉ាងខ្លាំងដើម្បីពង្រឹងសុខុមាលភាពក្នុងការរស់នៅរបស់និស្សិត ជាពិសេសសម្រាប់និស្សិត ឬយុវជន ដែលមានជីវភាពខ្វះខាត ហើយ​ត្រូវតែខ្នះខ្នែងបង់ថ្លៃសាលាដោយខ្លួនឯង។

ក្នុងនាមជាស្រ្តីម្នាក់ធ្លាប់ជួបរបត់ជីវិតជានិស្សិតដែលត្រូវរៀនបណ្តើរធ្វើការបណ្តើរ ដើម្បីទ្រទ្រង់ជីវភាពរស់នៅប្រចាំថ្ងៃផង និងការសិក្សាផង លោកស្រី ប្រាក់​ លឹមហ៊ាង បានលើកឡើងថា បើប្រៀបធៀបអំពីអម្រែកជីវិតក្នុងនាមជានិស្សិតវិញ គឺមិនទាន់ធ្ងន់ធ្ងរទេ។ ជាបទពិសោធន៍ផ្ទាល់ចេញពីប្រវត្តិនៅពេលដែលលោកស្រីចាប់ផ្តើមរៀបការ ទើបលោកស្រីបានដឹងថា បញ្ហាឬការប្រកួតប្រជែងរបស់ជីវិត មិនមែនជារឿងធម្មតាពេកទេ, កាលពីនៅជាវ័យយុវជន គឺងាយរងគ្រោះដោយសារស្នេហា គ្រាន់តែបែកបាក់ស្នេហាមានអារម្មណ៍ថាខ្លួនឯងជាជនរងគ្រោះ ឬក៏ខ្វះភាពកក់ក្ដៅក្នុងគ្រួសារក៏មានអារម្មណ៍ថា ខ្លួនឯងកម្សត់តែម្នាក់ឯងលើលោកនេះ, ប៉ុន្តែនៅពេលដែលរៀបការហើយ ទើបលោកស្រីដឹងអំពីបន្ទុកដ៏ធ្ងន់ជាងមុនទៀត។ ក្រោយអាពាហ៍ពិពាហ៍ លោកស្រីត្រូវគិតអំពីសន្តិសុខស្បៀង គិតអំពីជម្រក គិតពីលុយបម្រុង មុខរបបដែលត្រូវធ្វើ និងធ្វើយ៉ាងណាដើម្បីរក្សាចំណងទំនាក់ទំនងដៃគូ និងធ្វើយ៉ាងណាឱ្យមានតុល្យភាពរវាងជីវិតឯកជនភាព និងការផ្តល់ពេលជូនគ្រួសារ។

ជាមួយគ្នានេះ លោកស្រីក៏​បានលើកទឹកចិត្តទៅកាន់សិស្សទាំងអស់កុំ​ឱ្យ​អស់សង្ឃឹម ដោយថា ពេលខ្លះ យើងរកសក្តានុពលអត់ទាន់ឃើញទេ ហើយយើងប្រើធនធានផ្ទាល់ខ្លួនអត់ទាន់អស់លទ្ធភាពទៀតផង។

លោកស្រីថា អ្នកដែលមិនទាន់រៀបចំហិរញ្ញវត្ថុបានត្រឹមត្រូវ សូមចាប់ផ្តើមពីថ្ងៃនេះ ព្រោះកិច្ចការហិរញ្ញវត្ថុ វាជាផ្នែកមួយនៃសុខដុមរមនារបស់មនុស្សដែរ នេះក៏ដោយសារតែអ្វីៗត្រូវចាយលុយទាំងអស់។ ហើយសារមួយដែលលោកស្រីចង់ឱ្យបងប្អូនទាំងអស់គ្នាស្គាល់នោះ គឺ យើងស្រឡាញ់លុយបាន ប៉ុន្តែយើងទាំងអស់គ្នាយកលុយដែលប្រកបដោយធម៌ លុយដែលមកពីសច្ចៈពិត លុយដែលមិនកេងប្រវ័ញ្ច លុយដែលប្រកបដោយសុចរិត ហើយ​សូមកុំដើម្បីតែលុយ ហើយដាច់ចិត្តធ្វើបាបអ្នកដទៃ។

“ខ្ញុំជាគ្រូហិរញ្ញវត្ថុក៏ពិតមែន ប៉ុន្តែខ្ញុំលើកទឹកចិត្តអ្នកទាំងអស់គ្នាឱ្យមានគុណធម៌ ខ្ញុំអត់ចង់ឱ្យអ្នកទាំងអស់គ្នាស្រឡាញ់លុយ ហើយធ្វើឱ្យបាត់បង់អត្ថន័យជីវិតទេ ព្រោះជីវិតរបស់យើងកើតមកមានកិត្តិយស មានលុយ និងមានអ្វីៗផ្សេងទៀតដែលយើងត្រូវធ្វើ ព្រោះមិនមែនមានលុយហើយក៏មានសុភមង្គលមសព្វគ្រប់ទេ”

លោកស្រី ប្រាក់​ លឹមហ៊ាង​ ជាគ្រូបង្គោលផ្នែកហិរញ្ញវត្ថុ

អ្នកជំនាញផ្នែកហិរញ្ញវត្ថុរូបនេះ រំលេចថា រក្សាគុណធម៌ជាមុនសិន សឹមស្រឡាញ់លុយតាមក្រោយ ហើយរបៀបក្នុងការចាត់ចែងហិរញ្ញវត្ថុចំនួនប្រាំដែលគួរដឹងជាគោលៗគឺ ត្រូវចេះរកលុយជាមុនសិន និងចេះគ្រប់គ្រងចំណាយ ចេះរៀបផែនការសន្សំប្រាក់ ថែរក្សាប្រាក់កុំឱ្យគេយកបាន (ព្រោះមិនថាពីអតីតកាលឬបច្ចុប្បន្នទេ គឺមានជនឆបោកច្រើនណាស់ដែលឆក់ឱកាសយកលុយពីយើងបាន មានលុយហើយក៏មិនប្រាកដថាលុយគង់នោះដែរ) ហើយចំណុចចុងក្រោយគឺការចេះវិនិយោគដោយសុវត្ថិភាព។

លោកស្រី​ លឹមហ៊ាង បានបញ្ជាក់បន្ថែមថា ត្បិតលោកស្រីជាគ្រូដែលមានជំនាញលើហិរញ្ញវត្ថុដែលមានការទទួលស្គាល់ ប៉ុន្តែលោកស្រីនៅតែបន្តរៀនសូត្របន្ថែម ហើយអនុវត្តន៍ និងតាមដានជាប្រចាំ។ ទាំងអស់នេះ ដោយសារតែ នៅក្នុងគ្រួសារលោកស្រីក៏ធ្លាប់ជួបបញ្ហាហិរញ្ញវត្ថុផង ហើយចូលចិត្តចាត់ចែងលុយកាក់តាំងពីក្មេងផង ដែលជាហេតុនាំ​ឱ្យលោកស្រី កាន់តែចូលចិត្តគ្រប់គ្រងថវិកា រួមទាំងចូលចិត្តចែករំលែក ហើយថែមទាំងចង់ឃើញអ្នកដទៃសល់លុយឬទ្រព្យធន និងការឃើញអ្នកដទៃមានសុភមង្គល៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ China University of Petroleum ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 02/12/2025

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅ China University of Petroleum សម្រាប់ឆ្នាំសិក្សា២០២៦ ពីកម្មវិធីអាហារូបករណ៍ China Scholarship Council (CSC)។

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 23/06/2025

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia សម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាជាប្រភេទអាហារូបករណ៍ ពេញលេញសម្រាប់និស្សិតអន្តរជាតិ ដែលជាបេក្ខជនជ័យលាភីអាហារូបករណ៍។

ឱកាសផ្លាស់ប្ដូរការសិក្សាទៅសាកលវិទ្យាល័យ Chulalongkorn នៃកម្មវិធី AMIS Programme

ព័ត៌មានអាហារូបករណ៍, ព្រឹត្តិការណ៍

• 24/01/2024

ឱកាសផ្លាស់ប្ដូរការសិក្សានៅសាកលវិទ្យាល័យ​Chulalongkorn នៃកម្មវិធី Asian International Mobility for Student និង The ASEAN University Network-ASEAN Credit Transfer ...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ Cyprus ២០២៥

ព័ត៌មានអាហារូបករណ៍, ព្រឹត្តិការណ៍

• 01/04/2025

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ Cyprus នៃសាធារណរដ្ឋស៊ីប (Republic of Cyprus) សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។

ជ្រើសរើសនិស្សិតសម្រាប់ស្នាក់នៅក្នុងអន្តេវាសិកដ្ឋានពីសហគមន៍សេចក្ដីអំណរអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 02/11/2023

សហគមន៍សេចក្ដីអំណរអន្តរជាតិ ឬហៅកាត់ JIFA ប្រកាសជ្រើសរើសនិស្សិតសម្រាប់ស្នាក់នៅអន្តេវាសិកដ្ឋានជាច្រើនរូប។ ការជ្រើសរើសនិស្សិតស្នាក់នៅ...

ឱកាសសិក្សាជំនាញ AI ពីកម្មវិធី Google Course Artificial Intelligence 2024 តាមរយៈ Online

ព័ត៌មានអាហារូបករណ៍, ព្រឹត្តិការណ៍

• 01/02/2024

កម្មវិធី Google Course Artificial Intelligence 2024 ផ្ដល់ការសិក្សាអំពី Artificial Intelligence(AI) សម្រាប់ឆ្នាំសិក្សា២០២៤ ។ ការសិក្សាវគ្គខ្លីនេះផ្ដល់...

ឱកាសសិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ឆ្នាំង ចំនួន១៥០កន្លែង

ព័ត៌មានអាហារូបករណ៍, ព្រឹត្តិការណ៍

• 08/02/2024

វិទ្យាស្ថានពហុបច្ចេកទេសកំពង់ឆ្នាំងប្រកាសជ្រើសរើស យុវជន យុវនារី ឱ្យសិក្សាជំនាញវិជ្ជាជីវៈចំនួន១៥០នាក់ទៅសិក្សាលើជំនាញចំនួនប្រាំរយៈពេលសិក្សា៤ខែ។

ឱ​កាស​ផ្លាស់ប្តូរ​ការ​សិក្សា​នៅ​ប្រទេស​រុស្ស៊ី​! ​សាកលវិទ្យាល័យ​ ​Sechenov​ ​បើក​ទទួល​ពាក្យ​អាហារូបករណ៍​ ​InteRussia​ ​2026​ ​ផ្នែក​វេជ្ជសាស្ត្រ​

ព័ត៌មានអាហារូបករណ៍, ព្រឹត្តិការណ៍

• 11/08/2026

សម្រាប់​គ្រូពេទ្យ​ ​និស្សិត​ឯកទេស ​និង​ឱសថការី​កម្ពុជា​ ​ដែល​កំពុង​ស្វែងរក​ឱកាស​ពង្រឹង​សមត្ថភាព​ ​និង​បទពិសោធន៍​ក្នុង​កម្រិត​អន្តរជាតិ​, ​ពេលនេះ​ ​សាកលវិទ្យាល័យ​វេជ្ជសាស្ត្រ​ឈាន​មុខ​គេ​លេខ​១

អាហារូបករណ៍នៅសាកលវិទ្យាល័យ Zhejiang Normal ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 03/12/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Zhejiang Normal នៃសាធារណរដ្ឋប្រជាមានិតចិន សម្រាប់ឆ្នាំសិក្សា២០២៦ ពីកម្មវិធីអាហារូបករណ៍រដ្ឋាភិបាលចិន CSC Type B។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *