ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការទំនាក់ទំនងជោគជ័យគឺជាគន្លឹះនាំឱ្យអ្នកក្លាយជាមនុស្សមានឥទ្ធិពល។ តាមការសិក្សារបស់ Harvard Business អ្នកដឹកនាំ ឬអ្នកដែលមានឥទ្ធិពល ពួកគេមានវិធីសាមញ្ញ៣ ដើម្បីពង្រឹងប្រសិទ្ធភាពក្នុងការសន្ទនា និងធ្វើការងារជាក្រុម ៖
១. ការផ្តោតលើសកម្មភាព ៖ ឥទ្ធិពលក្នុងការទំនាក់ទំនង ឬក៏ការសម្របសម្រួលក្រុម ពុំមែនត្រូវការតែអំណាចលើការសម្រេចចិត្តសំខាន់ៗនោះទេ តែការមានជំនាញថ្លឹងថ្លែងអំពីភាពវិជ្ជមាន ឬអវិជ្ជមាន ក៏ជាចំណែកសំខាន់ដែរ ប៉ុន្តែនៅពេលដែលទំនាក់ទំនងមួយផ្តោតលើសកម្មភាព នោះអាចធ្វើឱ្យទៅមុខជាមួយគ្នាជាក់លាក់ និងរឹងរឹតតែបង្កើនឥទ្ធិពលក្នុងការទំនាក់ទំនង។
២. ការទទួលខុសត្រូវ ៖ ការទទួលយក និងការទទួលខុសត្រូវ ជាគ្រាប់ពូជដ៏សំខាន់ក្នុងការបណ្តុះ ថាមពល និងឥទ្ធិពលក្នុងទំនាក់ទំនង។ នៅពេលមានទំនាក់ទំនងការងារដែលមានទំនួលខុសត្រូវរៀងៗខ្លួន នោះសមត្ថភាពក្នុងការដោះស្រាយបញ្ហា និងការកាត់បន្ថយការពឹងផ្អែក ទៅជាការពឹងអាស្រ័យគ្នា ទាំងនេះជាកត្តានាំលទ្ធផលវិជ្ជមានទៅកាន់ភាគីទាំងសងខាង។
៣. ការវិភាគ ៖ ឥទ្ធិពលក្នុងការទំនាក់ទំនងពុំមែនជាការធ្វើយ៉ាងណាឱ្យភាគីម្ខាងទៀតចាប់អារម្មណ៍តែមួយមុខប៉ុណ្ណោះទេ ប៉ុន្តែជាការដឹងពីរបៀបជ្រើសរើសសម្រាប់ខ្លួនឯង និងការវាយតម្លៃទុកជាមុន។ ការវាយតម្លៃនៅត្រង់ចំណុចនេះ គឺផ្តោតនៅការគិតទុកជាមុន ការសង្កេត និងការវិភាគថា តើកិច្ចទំនាក់ទំនងទាំងពីរនេះឆ្លើយតបនឹងតម្រូវការទៅវិញទៅមកបានកម្រិតណា៕
