ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ខណៈដែលស្ថិតនៅក្នុងស្ថានភាពផ្លូវចិត្តមិនសូវជាល្អ វាជះផលអវិជ្ជមានដល់ការបំពេញភារកិច្ចប្រចាំថ្ងៃ ក៏ដូចជាកិច្ចការសាលា ការងារផ្ទាល់ខ្លួន ហើយពិបាកសម្រេចកិច្ចការទៅតាមផែនការកំណត់។ បន្ថែមពីនោះវាក៏ប៉ះពាល់ដល់ការរក្សាភ្ជាប់ទំនាក់ទំនងឱ្យមានផាសុកភាព ការចុះចំណោមក្នុងសង្គម ការរក្សាអនាម័យរស់នៅប្រចាំថ្ងៃ និងសកម្មភាពដទៃជាច្រើនទៀត។
យោងតាម គេហទំព័រ Samhsa បានឱ្យដឹងថា បញ្ហាសុខភាពផ្លូវចិត្តមិនល្អគឺអាចដោះស្រាយបាន ប៉ុន្តែត្រូវយកចិត្តទុកដាក់នឹងការថែទាំខ្លួនឯង ប្រឹក្សាជាមួយអ្នកជំនាញ ទទួលយកការព្យាបាលឱ្យបានទៀងទាត់ ឬប្រតិបត្តិតាមការណែនាំរបស់អ្នកចិត្តសាស្រ្ត។ ដែលចំណុចសំខាន់ៗ ទាំងនេះហើយ ជួយឱ្យអ្នកដែលកំពុងប្រឈមនឹងបញ្ហាផ្លូវចិត្ត មានឱកាសក្នុងការទប់ទល់នូវផលវិបាកពីបញ្ហាទាំងនេះ រួមទាំងជួយឱ្យរក្សាចិត្តបានស្ងប់ ក៏ដូចជាបង្កើនផលិតភាពបន្ថែមក្នុងការរស់នៅ ដោយអនុវត្តន៍តាមគន្លឹះមួយចំនួនដូចជា ទទួលបានការព្យាបាលដោយផ្អែកទៅលើស្ថានភាពជាក់ស្ដែង ទទួលបានការគាំទ្រពីមជ្ឈដ្ឋានជុំវិញខ្លួនក្នុងការជួយឱ្យលោកអ្នកមានអារម្មណ៍ប្រសើរជាងមុន និងសម្រេចបាននូវគោលដៅក្នុងក្ដីស្រមៃ ។ ទន្ទឹមគ្នានោះនៅមានគន្លឹះមួយចំនួនទៀតដែលរៀបរាប់លម្អិតជូនដូចតទៅ ៖
១. អនុវត្តន៍តាមការណែនាំរបស់អ្នកជំនាញ ៖ ប្រសិនបើលោកអ្នកកំពុងស្ថិតក្នុងដំណាក់កាលព្យាបាល សូមធ្វើតាមការណែនាំរបស់អ្នកជំនាញឱ្យបានទៀងទាត់ជាប្រចាំ ។ បើទោះបីជា ក្នុងករណីមួយចំនួន លោកអ្នកហាក់មានអារម្មណ៍ធូរស្រាលក៏ដោយ ប្រសិនបើគ្រូពេទ្យតម្រូវឱ្យទទួលទានថ្នាំបង្ការ សូមបន្តតាមដានសុខភាព និងធ្វើតាមវេជ្ជបញ្ជា។ ហើយបើអ្នកជឿជាក់ថា ស្ថានភាពរបស់ខ្លួនបានធូរស្រាលហើយ គឺគ្រាន់តែទៅពិគ្រោះជាមួយនឹងគ្រូពេទ្យបន្ថែម ដើម្បីទទួលបានព័ត៌មានជាក់លាក់ មុននឹងសម្រេចចិត្តកាត់បន្ថយការប្រើប្រាស់ឱសថ។
២. ធ្វើបច្ចុប្បន្នភាពជាមួយអ្នកប្រឹក្សាបឋម ៖ កាលដែលចំណាយពេលដើម្បីទៅជួបអ្នកដែលមានជំនាញថែទាំបឋម ក៏ជាផ្នែកមួយនៃការជួយសម្រួលនិងពិនិត្យផ្ទៀងផ្ទាត់សុខភាពផ្លូវចិត្តក្នុងរយៈពេលវែងដែរ បើទោះបីជាលោកអ្នកបានទៅទទួលការព្យាបាលពីពេទ្យដែលមានបច្ចេកទេសខ្ពស់ក៏ដោយ។
៣. ស្វែងយល់អំពីសុខភាពផ្លូវចិត្ត ៖ ក្នុងសម័យកាលបច្ចុប្បន្ននេះ ការយល់ដឹងអំពីសុខភាព និងស្ថានភាពផ្លូវចិត្ត វាជួយជំរុញឱ្យអ្នកមានឱកាសព្យាបាលបញ្ហាសុខភាពផ្លូវចិត្តក្នុងរយៈពេលលឿនជាងមុន។ ចំណេះដឹងអំពីសុខភាពផ្លូវចិត្តក៏អាចជួយឱ្យមនុស្សជុំវិញខ្លួនរបស់អ្នកមានការគាំទ្រក៏ដូចជាផ្ទៀងផ្ទាត់ ផ្តល់កម្លាំងចិត្ត និងយល់អំពីស្ថានភាពរបស់អ្នកបានមួយកម្រិតដែរ។
៤. យកចិត្តទុកដាក់ជាមួយខ្លួនឯងជានិច្ច ៖ ថែទាំសុខភាពផ្លូវចិត្ត គឺត្រូវដឹងអំពីរបៀបគ្រប់គ្រងស្រ្តេស តាមរយៈសកម្មភាពមួយចំនួនដូចជា ធ្វើសមាធិ ហាត់យូហ្កា បរិភោគអាហារដែលមានសុខភាពល្អនិងសារធាតុចិញ្ចឹម ធ្វើលំហាត់ប្រាណ និងការទទួលទានដំណេកឱ្យបានគ្រប់គ្រាន់។
៥. ជួបជុំគ្រួសារនិងមិត្តស្និទ្ធស្នាលណាម្នាក់ ៖ ការរក្សាទំនាក់ទំនងជាមួយនឹងអ្នកដ៏ទៃ វាពិតជាសំខាន់ ហើយជាពិសេសនោះគឺ ចំណាយពេលជាមួយមនុស្សស្និទស្នាល ដើម្បីនិយាយរឿងក្នុងចិត្ត ឬក៏ការគាំទ្រគ្នាទៅវិញទៅមក៕
