ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នៅក្នុងយុគសម័យនេះ មានកត្តាជាច្រើនដែលរួមចំណែកនាំឱ្យសុខភាពផ្លូវចិត្តមានភាពដុនដាប ដូចជាការប្រៀបធៀបជាមួយជិវិតរបស់អ្នកដទៃ ការដេញឱ្យទាន់សម្ភារៈថ្មីៗ រួមទាំងរឿងរ៉ាវជាច្រើនទៀត។ គេហទំព័រ Yourtango បានបង្ហាញគន្លឹះចំនួន៣ចំណុចក្នុងការពង្រឹងសុខភាពផ្លូវចិត្តឱ្យរឹងមាំបន្ថែម។
១. ស្មោះត្រង់នឹងអារម្មណ៍ខ្លួនឯង ៖ ទម្លាប់ខ្លះ វាសាមញ្ញាទេ ហើយមនុស្សទូទៅភាគច្រើនសុទ្ធតែបានដឹង និងទទួលស្គាល់ថា វាមានប្រយោជន៍ ប៉ុន្តែនៅតែមិនអាចអនុវត្តន៍បានខ្ជាប់ខ្ជួន ជាពិសេសពេលស្ថិតនៅក្នុងស្ថានភាពមួយ ដែលមិនសប្បាយចិត្ត។ ឧទាហរណ៍ បើអ្នកតែងតែទម្លាប់និយាយថា មិនអីទេគ្រប់ពេល ឬមិនដែលបង្ហាញអំពីស្ថានការណ៍មិនល្អរបស់ខ្លួនទាល់តែសោះទាំងដែលតាមពិតទៅវាជារឿងធម្មតាទេ ដែលបុគ្គលគ្រប់រូប ជួបរឿងល្អ និងរឿងមិនល្អ។ កាលដែលមិនស្មោះត្រង់ជាមួយនឹងស្ថានភាពផ្លូវចិត្ត ឬអារម្មណ៍ក្នុងពេលបច្ចុប្បន្នរបស់ខ្លួន វាជាការផ្តល់នូវខ្លឹមសារមួយដែលមិនមានភាពត្រឹមត្រូវទៅកាន់ខួរក្បាល។
២. កាត់បន្ថយការគិតដែលមិនចាំបាច់ ដែលនាំឱ្យសុខភាពផ្លូវចិត្តធ្លាក់ចុះ ៖ កាលដែលបណ្តោយឱ្យមានការគិតត្រឡប់វិលវល់ចុះឡើង ឬក៏ស្ថានភាពផ្លូវចិត្តចេះតែបង្កនូវភាពសកម្ម មិនចេះឈប់ឈរ វាគឺជាចំណែកដែលប៉ះពាល់ទៅដល់ការរស់នៅប្រចាំថ្ងៃ និងសុខភាពផ្លូវចិត្ត។ បើជ្រុលជាចាយពេលទៅគិតអំពីអតីតកាល ដែលគ្រាន់តែជាការគិតដើម្បីរម្លឹក យើងអាចគិតពីការកសាងស្ពានសម្រាប់ថ្ងៃអនាគតវិញល្អជាង ហើយថែររក្សា និងគ្រប់គ្រងការគិតឱ្យមានស្ថេរភាព ដោយកាត់បន្ថយគិតរឿងដែលមិនចាំបាច់។
៣. ចេះថ្លឹងថ្លែងអំពីតម្រូវការនឹងការចង់បាន ៖ ការយកចិត្តទុកដាក់អំពីតម្រូវការផ្ទាល់ខ្លួន និងចំណង់ចង់បាន គឺជាការរួមចំណែកសម្រួលឱ្យសុខភាពផ្លូវចិត្តកាន់តែមានភាពរឹកមាំ ដោយហេតុថា ចេតនា និងសកម្មភាពប្រចាំរបស់យើងវាជះឥទ្ធិពលពីការគិត ហើយការធ្វើសកម្មភាពទាំងឡាយ គឺសុទ្ធសឹងតែកើតចេញពីចិត្តនិងការគិត ដែលចំណុចទាំងនេះហើយជាចំណែកសំខាន់ពាក់ព័ន្ធនឹងសុខភាពផ្លូវចិត្ត៕
