ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ នៅក្នុងដំណាក់កាលបិទខ្ទប់តំបន់មួយចំនួនក្នុងរាជនីធានីភ្នំពេញ និងក្រុងតាមខ្មៅខេត្តកណ្តាល ខណៈជំងឺផ្លូវដង្ហើមកូវីដ-១៩ កំពុងរីករាលដាលនៅក្នុងសហគមន៍ ការទទួលព័ត៌មានច្បាស់លាស់ជុំវិញបញ្ហាកូវីដ ចាំបាច់សម្រាប់ប្រជាពលរដ្ឋគ្រប់រូប។ តាមរយៈអ្នកសារព័ត៌មាន និងប្រព័ន្ធផ្សព្វផ្សាយគ្រប់ទម្រង់ត្រូវរាយការណ៍ព័ត៌មានពិត ហើយសាធារណជនគួរពិនិត្យមើលព័ត៌មានឱ្យបានគ្រប់ជ្រុងជ្រោយ ចៀសវាងការភ័ន្តច្រឡំធ្វើស្ថានការណ៍កាន់តែពិបាកឡើង។ នេះបើតាមឯកឧត្តម ឆាយ សុផល អនុរដ្ឋលេខាធិការក្រសួងព័ត៌មាន។
ឯកឧត្តម ឆាយ សុផល អនុរដ្ឋលេខាធិការក្រសួងព័ត៌មាន ជាសាស្រា្តចា្យផ្នែកសារព័ត៌មាន បានមានប្រសាសន៍ថា៖
“នៅក្នុងដំណាក់កាលនេះបើប្រជាពលរដ្ឋទទួលបានព័ត៌មានពិត ឬព័ត៌មានក្លែងក្លាយនោះនឹងធ្វើឱ្យច្របូកច្របល់ ភ័យស្លន់ស្លោខ្លាំង ដូច្នោះមហាជនត្រូវពិនិត្យមើលព័ត៌មានដែលមានប្រភពច្បាស់លាស់ពីស្ថាប័នព័ត៌មានដែលយើងអាចទុក្ខចិត្តបាន រួមទាំងផ្ដល់ព័ត៌មានមិនបំប៉ោង មិនបំភ្លៃ ប្រកាន់ការពិត និងមានការគោរពច្បាប់”។
ឯកឧត្តមបាន ឆាយ សុផល បានថ្លែងមកកាន់ AMS ថា ពេលនេះប្រជាពលរដ្ឋគួរផ្ទៀតផ្ទាត់ព័ត៌មានលើគេហទំព័រព័ត៌មាន ឬបណ្តាញផ្សព្វផ្សាយរបស់ក្រសួងសុខាភិបាល ទីភ្នាក់ងាសារព័ត៌មានជាតិ និងពិនិត្យមើលឱ្យបានគ្រប់ជ្រុងជ្រោយជាមុនសិន ដើម្បីធានាថាព័ត៌មានដែលបានចេញផ្សាយនោះជាព័ត៌មានពិត មានប្រយោជន៍ ឬដឹងថាជាព័ត៌មានក្លែងក្លាយអាចប៉ះពាល់ដល់ខ្លួនឯង និងសង្គម។
សាស្ត្រាចារ្យអប់រំផ្នែកសារព័ត៌មានមួយរូបនេះ បានបន្ថែមថា នៅក្នុងដំណាល់បិទខ្ទប់នេះ ប្រជាពលរដ្ឋចង់ដឹងពីដំណើរវិវឌ្ឍន៍នៃស្ថានភាពជំងឺកាចសាហាវមួយនេះ ការត្រៀមខ្លួនប្រុងប្រយ័ត្ន និងស្ថិតិអ្នកឆ្លងជំងឺកូវីដ-១៩។ ព័ត៌មានពិតនឹងផ្តល់ទំនុកចិត្តដល់ប្រជាពលរដ្ឋ។
“តួនាទីសំខាន់របស់អ្នកសារព័ត៌មាននៅក្នុងពេលនេះ គឺត្រូវផ្ដល់ព័ត៌មានកាន់តែលឿនប្រកបដោយគុណភាពនៃការពិតជូនប្រជាពលរដ្ឋ ! អ្នកសារព័ត៌មានពេលទៅរាយការណ៍ក៏ត្រូវមានការប្រុងប្រយ័ត្ន គោរពច្បាប់ មានលិខិតអនុញ្ញាតអំពីក្រសួងព័ត៌មានឱ្យបានត្រឹមត្រូវ ធ្វើខ្លួនដោយវិជ្ជាជីវៈក្រមសីលធម៌ និងអនុវត្ត៣កុំ ៣ការពារឱ្យបានខ្ជាប់ខ្ជួន ដើម្បីសុវត្ថិភាព និងជៀសផុតពីជំងឺកូវីដ-១៩នេះ”។
គួរបញ្ជាក់ដែរថា កាលពីថ្ងៃទី២២ ខែមេសាកន្លងទៅ ក្លិបអ្នកកាសែតកម្ពុជា បានចេញសេចក្តីអំពាវនាវទៅកាន់អ្នកសារព័ត៌មានគួរប្រកាន់ខ្ជាប់វិជ្ជាជីវៈរបស់ខ្លួនឱ្យបានត្រឹមត្រូវក្នុងនាមជាអ្នកសារព័ត៌មាន រាយការណ៍ព័ត៌មាន ឬចែកចាយព័ត៌មានទៅកាន់សារធារណជន។
សូមជម្រាបថា នៅក្នុងស្ថានភាពកូវីដ-១៩ កំពុងរីករាលដាលក្នុងសហគមន៍នេះ ក្រសួងព័ត៌មានបានក្រើនរំលឹកទៅដល់អ្នកសារព័ត៌មានឱ្យផ្សព្វផ្សាយព័ត៌មានដែលប្រភពច្បាស់លាស់ គោរពច្បាប់របរសារព័ត៌មាន ប្រសិនបើជនណាប្រព្រឹត្តផ្ទុយពីនេះ នឹងទទួលខុសត្រូវចំពោះមុខច្បាប់ជាធរមាន៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
អតីតសិស្សនិទ្ទេស A លំដាប់ពិន្ទុ ១០០ ចែករំលែកគន្លឹះ ១សប្តាហ៍មុនប្រឡងបាក់ឌុបឱ្យទទួលបានលទ្ធផលល្អ
ប្រតិភូអប់រំកម្ពុជា ៤៤រូប ចូលរួមវគ្គបណ្តុះបណ្តាល AI និង STEM នៅសាកលវិទ្យាល័យជាតិគរុកោសល្យ ឈានណាន ប្រទេសចិន
ក្រសួងអប់រំបញ្ជាក់ពីជំហរម៉ឺងម៉ាត់ក្នុងការរក្សាសុវត្ថិភាព និងភាពសម្ងាត់នៃការប្រឡងបាក់ឌុប ចាប់ពីដំណាក់កាលរៀបចំវិញ្ញាសា រហូតដល់ប្រកាសលទ្ធផល
កម្មវិធី Next-Gen Engagement Program – Batch III ជួយនិស្សិតអភិវឌ្ឍជំនាញបច្ចេកទេស និងភាពជាអ្នកដឹកនាំ
កម្ពុជាត្រូវការអ្នកជំនាញថាមពលស្អាត (EV) ជិត ៣ម៉ឺននាក់ ដើម្បីឆ្លើយតបការប្រើប្រាស់រថយន្តអគ្គិសនី ៧៧ម៉ឺនគ្រឿង នៅឆ្នាំ២០៣០
៦ គន្លឹះ ជួយឱ្យអ្នកប្រឡងមិនភ័យ និងធ្វើវិញ្ញាសាបានល្អ
ឱកាសអាហារូបករណ៍សម្រាប់យុវជនដែលមកពីគ្រួសារក្រីក្រ និងងាយរងហានិភ័យនៅក្នុងខេត្តសៀមរាប នៅវិទ្យាស្ថាន NPIA
សាលាប៊ែលធីអន្តរជាតិ ឈ្នះជ័យលាភីលេខ១ កម្មវិធីជជែកដេញដោលយុវជនថ្នាក់ជាតិ២០២៦
វៀតណាមគ្រោងតម្រូវឱ្យឪពុកម្តាយបង្កើតគណនីបណ្តាញសង្គមសម្រាប់កុមារអាយុក្រោម ១៦ ឆ្នាំ
ត្រឹមកម្ពស់ ៩០ សង់ទីម៉ែត្រ យុវតី ង៉ែត សេដ្ឋា មិនតូចចិត្តនឹងវាសនា ជំនះរៀនរហូតដល់បញ្ចប់បរិញ្ញាបត្រ
កម្មវិធីពិសេសរបស់ AMS EDUCATION
ព័ត៌មានសង្ខេប
