ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
លោកស្រី Helen Keller ជាស្ថាបនិកអង្គការ Helen Keller International និងជាអ្នកនិពន្ធមានកេរ្តិ៍ឈ្មោះល្បាញល្បីមួយរូប ព្រមទាំងបន្សល់ទុកស្នាដៃជាច្រើនសម្រាប់ពិភពលោក។ លោកស្រីកើតនៅថ្ងៃទី២៧ ខែមិថុនា ឆ្នាំ១៨៨០ ប៉ុន្តែជាអកុសលភ្នែកទាំងពីររបស់លោកស្រីពុំអាចមើលឃើញ និងស្តាប់ពុំលឺសំឡេងតាំងពីអាយុដប់ប្រាំបួនខែដោយសារជំងឺរលាកស្រោមខួរ។ អាយុម្ភៃបួនឆ្នាំអំឡុងឆ្នាំ១៩០៤ លោកស្រីបានក្លាយជាមនុស្សពិការភ្នែកនិងថ្លង់លើកដំបូងលើលោកដែលទទួលបានសញ្ញាបត្របរិញ្ញាផ្នែកសិល្បៈ។ លើសពីនេះ លោកស្រីបានកាន់មុខតំណែងកិត្តិយសរាប់ភ្លេច ទទួលពានរង្វាន់ និងមេដាយមួយចំនួនពីប្រធានាធិបតីសហរដ្ឋអាមេរិក។
លោកស្រី Helen Keller បានធ្វើដំណើរទៅកាន់ប្រទេសជាង ៤០នៅក្នុងពិភពលោកក្នុងគោលបំណងថ្លែងសុន្ទរកថាលើកទឹកចិត្តដល់មនុស្សគថ្លង់និងពិការភ្នែក។ លោកស្រីបានជួបជាមួយប្រធានាធិបតីសហរដ្ឋអាមេរិកពីប្រធានាធិបតីទី២២ រហូតដល់ប្រធានាធិបតីទី៣៦ លោក Lyndon B. Johnson។ លោកស្រីមិនបានអស់សង្ឃឹមនិងបាក់ទឹកចិត្តនឹងពិការភាពរបស់គាត់ឡើយ ប៉ុន្តែបានតស៊ូព្យាយាមគ្មានព្រំដែនរហូតក្លាយជាវីរៈនារីដ៏អស្ចារ្យម្នាក់មានកេរ្តិ៍ឈ្មោះល្បាញល្បីលើសកលលោក។
ទន្ទឹមគ្នានេះលោកស្រី Helen Keller ត្រូវបានជ្រើសរើសជាស្រ្តីមានស្នាដៃឆ្នើមលើការផ្លាស់ប្តូរទិដ្ឋភាពសង្គម សេដ្ឋកិច្ច វប្បធម៌ នៅក្នុងកម្មវិធីបុណ្យពិភពលោកមួយនាទីក្រុងញូយក សហរដ្ឋអាមេរិកក្នុងឆ្នាំ១៩៦៥។ នៅថ្ងៃទី១៤ ខែកញ្ញា ឆ្នាំ១៩៦៤ លោកប្រធានាធិបតីសហរដ្ឋអាមេរិក Lyndon B. Johnson បានប្រគល់ “មេដាយសេរីភាពប្រធានាធិបតី” ដែលជាមេដាយកិត្តិយសស៊ីវិលខ្ពស់បំផុតរបស់សហរដ្ឋអាមេរិកជូនដល់លោកស្រី Helen Keller ។
នៅរវាងឆ្នាំ១៩២០ ស្ត្រីឆ្នើមរបស់ពិភពលោករូបនេះបានក្លាយសហស្ថាបនិកបង្កើតសហជីពស៊ីវិលដើម្បីសេរីភាពនៅសហរដ្ឋអាមេរិក ដែលបច្ចុប្បន្នមានសមាជិកជាងពីរលាននាក់ និងមានថវិកាប្រចាំឆ្នាំជាង ៣០០លានដុល្លារ។ លោកស្រីបាននិពន្ធសៀវភៅចំនួនដប់ពីរក្បាលមានតម្លៃមហាសាល ដូចជា សៀវភៅជីវិត គំនិត និងក្ដីសង្ឃឹម, ពន្លឺរស្មីក្នុងភាពងងឹតរបស់ខ្ញុំ, សង្គ្រាមលោកលើកទីមួយដែលខ្ញុំឆ្លងកាត់, តើខ្ញុំអាចជួយពិភពលោកបានដោយរបៀបណា, រឿងរ៉ាវពិតនៃជីវិតរបស់ខ្ញុំ, ឥទ្ធិពលនៃសុទិដ្ឋិនិយម, និងរឿងស្តេចព្រិលស” ជាដើម។ ក្រៅពីនេះលោកស្រីក៏បានសរសេរអត្ថបទជាច្រើនដែលត្រូវបានបោះពុម្ពផ្សាយនៅក្នុងទស្សនាវដ្តី និងឯកសារផ្សេងៗ។
លោកស្រី Helen Keller ទទួលមរណភាពនៅថ្ងៃទី០១ ខែមិថុនា ឆ្នាំ១៩៦៨ នៅក្នុងរដ្ឋ Connecticut នៅក្នុងភូមិគ្រឹះរបស់គាត់ក្នុងវ័យ៧៨ឆ្នាំ។ ដើម្បីជាការគោរពនិងជាកិត្តិយសក្រោយពីលោកស្រីទទួលមរណភាពគេប្រារព្ធពិធីបុណ្យកាន់មរណៈទុក្ខ និងការគោរពវិញ្ញាណក្ខន្ធលោកស្រីនៅព្រះវិហារជាតិក្នុងទីក្រុងវ៉ាស៊ីនតោនឌីស៊ី ដែលជាកន្លែងគោរពវិញ្ញាណខ័ន្ធប្រធានាធិបតីសហរដ្ឋអាមេរិកដែលបានស្លាប់។ សាកសពរបស់លោកស្រី Helen Keller ត្រូវបានគេបូជាហើយឆ្អឹងរបស់គាត់ត្រូវបានគេបញ្ចុះនៅវិហារជាតិវ៉ាស៊ីនតុននៅទីក្រុងវ៉ាស៊ីនតោនឌីស៊ីជាមួយវីរបុរសផ្សេងទៀត។
នៅឆ្នាំ ១៩៩៩ ឈ្មោះលោកស្រី Helen Keller ត្រូវបានចុះក្នុងបញ្ជីវីរៈស្ត្រីជាទីគោរពនិងកោតសរសើរបំផុតក្នុងសតវត្សទី២០ ដោយវិទ្យាស្ថានទស្សនៈសាធារណអាមេរិកាំង។ សាលាមត្តេយ្យសម្រាប់មនុស្សគថ្លង់ប្រទេសឥណ្ឌាត្រូវបានគេដាក់ឈ្មោះ Helen Keller ដើម្បីផ្តល់កិត្តិយសដល់លោកស្រី។ ជីវិតរបស់លោកស្រីត្រូវបានតាក់តែងបង្កើតជាខ្សែភាពយន្តជាច្រើនដូចជារឿងបុគ្គលអស្ចារ្យ, រឿងការលំបាកនិងជ័យជំនះ, ការបង្កើតព្យុះជាដើម។ គួររំលឹកដែរថា កាលពីឆ្នាំ២០០៣ ២០០៣ រដ្ឋអាឡាបាម៉ាបានផលិតកាក់តម្លៃ ២៥សេន សម្រាប់ចាយនៅសហរដ្ឋអាមេរិកមានរូបថតលោកស្រី និងមន្ទីរពេទ្យ Helen Keller នៅរដ្ឋអាឡាបាម៉ាដើម្បីឧទ្ទិសដល់លោកស្រី។ ផ្លូវមួយចំនួនក្នុងប្រទេសស្វ៊ីស អាមេរិក ហ្គេអេហ្វ អេស្បាញ អ៊ីស្រាអែល ព័រទុយហ្កាល់ ប្រទេសបារាំងបានដាក់ឈ្មោះលោកស្រី Helen Keller ជាឈ្មោះដងវិថី៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍រដ្ឋាភិបាល Hubei
ព័ត៌មានអាហារូបករណ៍, ព្រឹត្តិការណ៍
• 12/05/2025
កម្មវិធីអាហារូបករណ៍រដ្ឋាភិបាល Hubei ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Hubei សាកលវិទ្យាល័យវិទ្យាសាស្ត្រ និងបច្ចេកវិទ្យា Huazhong និង សាកលវិទ្យាល័យភូមិសាស្ត្រចិន បានប្រកាសផ្តល់អាហារូបករណ៍...
មជ្ឈមណ្ឌលបុប្ផាណា រើសសិស្សអាហារូបករណ៍ ១២នាក់ លើជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ
ព័ត៌មានអាហារូបករណ៍, ព្រឹត្តិការណ៍
• 23/01/2026
មជ្ឈមណ្ឌលធនធានសោតទស្សន៍បុប្ផាណា (Bophana Center) បានប្រកាសទទួលពាក្យសុំចូលរៀនវគ្គបណ្តុះបណ្តាលផ្នែក «ផលិតភាពយន្តឯកសារ និងពហុប្រព័ន្ធផ្សព្វផ្សាយ» សម្រាប់ឆ្នាំសិក្សា ២០២៦-២០២៧...
ឱកាសសិក្សាអាហារូបករណ៍ចំនួន១២០កន្លែងនៅវិទ្យាស្ថានបច្ចេកវិទ្យាកម្ពុជា សាខាខេត្តត្បូងឃ្មុំ
ព័ត៌មានអាហារូបករណ៍, ព្រឹត្តិការណ៍
• 18/10/2024
វិទ្យាស្ថានបច្ចេកវិទ្យាកម្ពុជាសាខាខេត្តត្បូងឃ្មុំ ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ ចំនួន១២០កន្លែង។ អាហារូបករណ៍ប្រឡងជ្រើសរើសសម្រាប់កម្រិតវិស្វករ សិក្សារយៈពេល៥ឆ្នាំក្នុងដេប៉ាតឺម៉ង់ចំនួនបួន។
អាហារូបករណ៍សិក្សាភាសាចិនរយៈពេល ១ ឆ្នាំ នៅសាកលវិទ្យាល័យ Yunnan Normal University
ព័ត៌មានអាហារូបករណ៍, ព្រឹត្តិការណ៍
• 26/01/2026
សាកលវិទ្យាល័យ Yunnan Normal University កំពុងផ្តល់អាហារូបករណ៍សម្រាប់វគ្គបណ្តុះបណ្តាលភាសាចិន ចំនួន ៣០ កន្លែង ដែលជាអាហារូបករណ៍បានចុះ MoU រវាងសាកលវិទ្យាល័យ និងសមាគមនិស្សិតកម្ពុជាប្រចាំ...
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Deakin ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 05/07/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យDeakin នៃប្រទេសអូស្ត្រាលី។ អាហារូបរកណ៍...
អាហារូបករណ៍ថ្នាក់ឧត្ដមសិក្សាពីរដ្ឋាភិបាលអូទ្រីសសម្រាប់ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 11/07/2025
កម្មវិធីអាហារូបករណ៍រដ្ឋាភិបាលអូទ្រីស ប្រកាសបើកទទួលពាក្យស្នើសុំអាហារូបករណ៍សិក្សាថ្នាក់ឧត្ដមសិក្សានៅសាកលវិទ្យាល័យជាច្រើនក្នុងប្រទេសអូទ្រីស សម្រាប់ឆ្នាំសិក្សា២០២៦។
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Hubei ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 29/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍រដ្ឋាភិបាលចិននៅសាកលវិទ្យាល័យ Hubei ឆ្នាំសិក្សា២០២៤។ ...
ឱកាសសិក្សានៅប្រទេសសឹង្ហបុរី ពីកម្មវិធី SIM Global Education Diploma Scholarships
ព័ត៌មានអាហារូបករណ៍, ព្រឹត្តិការណ៍
• 29/07/2024
សម្រាប់សិស្សនិស្សិតដែលកំពុងស្វែងរកអាហារូបករណ៍ទៅសិក្សានៅប្រទេសសឹង្ហបុរី លើជំនាញពាក់ព័ន្ធនឹងធុរកិច្ច ពេលនេះកម្មវិធីអាហារូបករណ៍ SIM Global Education Diploma Scholarships
បណ្ដុំអាហារូបករណ៍សិក្សានៅសាកលវិទ្យាល័យ American University of Dubai ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 30/01/2026
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅទីក្រុងឌូបៃ ប្រទេសអារ៉ាប់រួម ពីបណ្ដុំអាហារូបករណ៍ជាច្រើនដែលផ្ដល់ឱ្យពេញលេញ និងដោយផ្នែក។ កម្មវិធីសិក្សាផ្ដល់ឱ្យតាមរយៈអាហារូបករណ៍...
កម្មវិធីពិសេសរបស់ AMS EDUCATION
ព័ត៌មានសង្ខេប
