ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ដុះស្លាបជាបណ្តាញសង្គមហ្វេសប៊ុកមួយបង្កើតឡើងក្នុងគោលបំណងផ្សព្វផ្សាយព័ត៌មានទាក់ទងទៅនឹងសុខភាពបន្តពូជ និងសុខភាពផ្លូវភេទនៅប្រទេសកម្ពុជាទៅកាន់យុវជន ។ បណ្តុំមាតិការអប់រំនេះបង្កើតដោយយុវតីបួនរូបជានិស្សិតបានបញ្ចប់ថ្នាក់បរិញ្ញាបត្រផ្នែកប្រព័ន្ធផ្សព្វផ្សាយ និងទូរគមនាគមន៍ នៃសាកលវិទ្យាល័យភូមិន្ទភ្នំពេញ ដោយលើកយកបញ្ហាសុខមាលភាពរបស់យុវជនពិភាក្សា និងចែករំលែកនៅក្នុងបណ្ដាញសង្គម ។
កញ្ញា ប៉ុន សៅសុភនាថ អ្នកគ្រប់គ្រងគម្រោងនៃមាតិកាបណ្តាញសង្គមដុះស្លាប បាននិយាយថា ចំណេះដឹងសុខភាពបន្តពូជជាផ្នែកសំខាន់ក្នុងជីវភាពរស់នៅដែលមនុស្សគ្រប់រូបត្រូវដឹង និងសិក្សាឱ្យបានទូលំទូលាយ ។ កញ្ញាយល់ថា យុវជនដឹងពីព័ត៌មានសុខភាពបន្តពូជច្បាស់លាស់ អាចការពារខ្លួនមិនឱ្យមានបញ្ហាសុខភាពកើតឡើង និងរកវិធីព្យាបាលសុខភាពបានទាន់ពេលវេលា ។
ក្រៅពីហេតុផលផ្សព្វផ្សាយចំណេះដឹងសុខភាពទៅកាន់យុវជន កញ្ញា ប៉ុន សៅសុភនាថ បានបញ្ជាក់បន្ថែមថា មូលហេតុច្បងដែលក្រុមការងារបង្កើតមាតិកាព័ត៌មានលើបណ្តាញសង្គមដុះស្លាប ដោយសារកញ្ញានិងមិត្តភក្តិបានបញ្ចប់ការសិក្សាថ្នាក់បរិញ្ញាបត្រតាមរយៈសារណាផ្ដោតលើប្រធានសុខភាពផ្លូវភេទ និងបន្តពូជ ហើយមានបំណងប្រែក្លាយខ្លឹមសារស្រាវជ្រាវទាំងនោះឱ្យក្លាយជាព័ត៌មាននៅលើបណ្តាញសង្គម ។
“គិតថាមនុស្សគ្រប់គ្នាខ្វះព័ត៌មានអំពីរឿងនេះ ហើយជាក់ស្តែងនៅក្នុងសង្គមរបស់យើងឱ្យតែនិយាយពាក្យថាផ្លូវភេទគឺអត់ល្អ ប៉ុន្តែខ្ញុំមិនគិតអីចឹងនោះទេ ដោយសារបញ្ហាទាំងអស់នេះវាក៏ជាសុខភាពមួយដែលមនុស្សគ្រប់គ្នាត្រូវដឹង និងថែរក្សាឱ្យបានល្អ »
កញ្ញា ប៉ុន សៅសុភនាថ សហស្ថាបនិកបណ្តាញសង្គមដុះស្លាប
ទន្ទឹមគ្នានេះដែរ កញ្ញា ហ៊ីង សុជាតា អ្នកទទួលបន្ទុកផ្នែកឌីជីថលនៃទំព័រហ្វេសប៊ុកដុះស្លាប បាននិយាយថា មនុស្សគ្រប់គ្នាជាពិសេសយុវជនគួរតែលើកយកបញ្ហាសុខភាពផ្លូវភេទមកនិយាយជាសាធារណៈ ដោយសារយុវជនមួយចំនួនទទួលព័ត៌មានខុស មិនហ៊ាននិយាយដោយបើកចំហរ ហើយគិតថាជារឿងខ្មាស់អៀនមិនគួរនិយាយ ។ កញ្ញាបន្តថា យុវជនយល់បែបនេះ បញ្ហាសុខភាពនានានៅតែបន្តកើតឡើងលើយុវជន ។
យុវតីរូបនេះ បាននិយាយបន្តថា ដុះស្លាបបានធ្វើយុទ្ធនាការជាច្រើនដែលទាក់ទងទៅនឹងសុខភាពផ្លូវភេទនិងសុខភាពរបស់យុវជននៅប្រទេសកម្ពុជា ដូចជាទាក់ទងទៅនឹងវដ្តរដូវរបស់ស្ត្រី អនាម័យរបស់ស្ត្រីពេលមករដូវ សុខភាពផ្លូវភេទរបស់អ្នកស្រឡាញ់ភេទដូចគ្នា ការពន្យារកំណើត និងការរំលូតកូនដោយសុវត្ថិភាពជាដើម ។ លើសពីនេះ ដុះស្លាបចង់ធ្វើយុទ្ធនាការជាច្រើនទៀតដែលទាក់ទងទៅនឹងយុវជនទៅលើបញ្ហាយុវជនចង់និយាយតែមិនហ៊ាននិយាយនិងពិភាក្សា ។
ចំណែកកញ្ញា សេង សូលីដែត អ្នកគ្រប់គ្រងផលិតកម្ម បានបញ្ជាក់ថា ដុះស្លាបបានសហការណ៍ជាមួយគ្លីនិចសុខភាពមួយចំនួនដូចជា គ្លីនិករ៉ាក់ និងគ្លីនិកម៉ារីស្តុប ធ្វើការងារអប់រំសុខភាពផ្លូវភេទដល់យុវវ័យ ។ ដុះស្លាបបានផ្សាព្វផ្សាយព័ត៌មានពិត និងច្បាស់លាស់ដល់សាធារណជន ។ សូលីដែត ជឿជាក់ថា តាមរយៈព័ត៌មានដែលបានចែករំលែក នៅពេលយុវជនមានបញ្ហាសុខភាពអាចទៅរកអ្នកជំនាញពិគ្រោះយោបល់ ក៏ដូចជាគ្រូពេទ្យព្យាបាលបានត្រឹមត្រូវ ។
គួរបញ្ជាក់ថា មាតិកានៅក្នុងបណ្ដាញសង្គមដុះស្លាប បានផលិតជាវីដេអូអប់រំអំពីសុខភាពផ្លូវភេទនិងបន្តពូជមួយចំនួន រៀបចំកិច្ចពិភាក្សាទៅលើប្រធានបទផ្សេងៗគ្នាជាមួយអ្នកជំនាញខាងផ្នែកសុខភាពផ្លូវភេទនិងបន្តពូជ រួមទាំងមានយុទ្ធនាការណ៍នានា ដែលបើកឱកាសដល់យុវជនចូលរួមពិភាក្សាអំពីបញ្ហាទាំងនេះក្នុងន័យចែករំលែកចំណេះដឹង និងការអប់រំសុខភាព ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឯកឧត្តមបណ្ឌិតសភាចារ្យ ហង់ជួន ណារ៉ុន ផ្តល់អាហារូបករណ៍ ១០០% និងឱកាសការងារចំនួន ១០កន្លែង សិក្សានៅសាកលវិទ្យាល័យបូណាម៉ារី (BMU)
ព័ត៌មានអាហារូបករណ៍, ព្រឹត្តិការណ៍
• 09/09/2026
ជាឱកាសសម្រាប់យុវជនសិស្សានុសិស្សដែលទើបបញ្ចប់ការសិក្សាថ្នាក់មធ្យមសិក្សាទុតិយភូមិ, ឯកឧត្តមបណ្ឌិតសភាចារ្យ ហង់ជួន ណារ៉ុន
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យបច្ចេកវិទ្យាប៉េកាំងឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 06/12/2024
តាមរយៈសាកលវិទ្យាល័យភូមិន្ទភ្នំពេញ បានប្រកាសអំពីអាហារូបករណ៍រដ្ឋាភិបាលចិន ដែលនឹងជ្រើសរើសនិស្សិតកម្ពុជាទៅបន្តការសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យបច្ចេកវិទ្យាប៉េកាំង សម្រាប់ឆ្នាំសិក្សា២០២៥។
ឱកាសផ្លាស់ប្ដូរការសិក្សារយៈពេលខ្លីនៅប្រទេសសឹង្ហបុរី និងប្រទេសវៀតណាមពីកម្មវិធី ASEAN SUMMER NTU
ព័ត៌មានអាហារូបករណ៍, ព្រឹត្តិការណ៍
• 31/01/2024
សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច(RULE)ប្រកាសជ្រើសរើសនិស្សិតដែលកំពុងសិក្សានៅ RULE ទៅផ្លាស់ប្ដូរសិក្សារយៈពេលខ្លីនៅសាកលវិទ្យាល័យ Nanyang ...
វិទ្យាស្ថានបច្ចេកវិទ្យាកំពង់ឈើទាលជ្រើសរើសនិស្សិតអាហារូបករណ៍ទៅសិក្សានៅប្រទេសថៃ ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 05/12/2024
វិទ្យាស្ថានបច្ចេកវិទ្យាកំពង់ឈើទាល ប្រកាសការប្រឡងជ្រើសរើសសិស្ស និស្សិត និងសាធារណជន ជាច្រើនកន្លែង ដើម្បីទៅបន្តការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃ ក្រោមគម្រោងព្រះរាជទានរបស់ ព្រះអង្គម្ចាស់ក្សត្រីយមហាចក្រីសិរិនថន
អាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ជំនាញវេជ្ជសាស្ត្រ
ព័ត៌មានអាហារូបករណ៍, ព្រឹត្តិការណ៍
• 02/04/2026
ឱកាសទទួលបានអាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ប្រភេទ CSC Type B ទៅសិក្សាជំនាញវេជ្ជសាស្ត្រ ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា ២០២៦-២០២៧ នៅប្រទេសចិន
ឱកាសសិក្សាអាហារូបករណ៍នៅសាកលវិទ្យាល័យព័ត៌មានវិទ្យា និងទូរគមនាគមន៍ នៃប្រទេសវៀតណាមឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 04/12/2024
សាកលវិទ្យាល័យព័ត៌មានវិទ្យា និងទូរគមនាគមន៍ (ICTU) នៃសាធារណរដ្ឋសង្គមនិយមវៀតណាម ប្រកាសជ្រើសរើសបេក្ខជនសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែង សម្រាប់ឆ្នាំសិក្សា២០២៤-២០២៥...
សាកលវិទ្យាល័យអន្តរជាតិ ផារ៉ាហ្គនបន្តផ្តល់អាហារូបករណ៍ដល់សិស្សនិទ្ទេស A និង B ជាង២០០កន្លែង
ព័ត៌មានអាហារូបករណ៍, ព្រឹត្តិការណ៍
• 06/12/2024
សាកលវិទ្យាល័យអន្តរជាតិផារ៉ាហ្គន បានប្រកាសពីការបន្តផ្តល់អាហារូបករណ៍ជាច្រើនកន្លែងដល់សិស្សានុសិស្សនិទ្ទេស A និង B ជាង២០០កន្លែង គ្រប់មុខជំនាញ សម្រាប់ឆ្នាំសិក្សាថ្មី២០២៤-២០២៥។
អាហារូបករណ៍ពីកម្មវិធី UWC សម្រាប់សិស្សវិទ្យាល័យឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 03/12/2024
កម្មវិធី United World College (UWC) ប្រកាសផ្ដល់ឱកាសសិក្សាអាហារូបករណ៍ដល់សិស្សកម្ពុជា ដែលកំពុងសិក្សានៅវិទ្យាល័យ ចំនួន៥កន្លែងសម្រាប់ឆ្នាំសិក្សា២០២៥ ដល់ ២០២៧។ អាហារូបករណ៍ផ្ដល់ជូនការសិក្សានៅប្រទេសជប៉ុន ប្រទេសចិន...
កម្មវិធីពិសេសរបស់ AMS EDUCATION
ព័ត៌មានសង្ខេប
