ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ផលប៉ះពាល់នៃការរីករាលដាលជំងឺកូវីដ-១៩ កំពុងជំរុញឱ្យកុមារជាច្រើនលាននាក់នៅលើពិភពលោក រួមទាំងកុមារកម្ពុជាបង្ខំចិត្តសិក្សាតាមអនឡាញ ឬសិក្សាពីចម្ងាយ ។ អ្នកជំនាញអភិវឌ្ឍន៍កុមារមើលឃើញថា រូបភាពសិក្សាពីចម្ងាយនេះអាចផ្តល់ផលប៉ះពាល់មួយចំនួនដល់កុមារសុខភាព និងខួរក្បាលកុមារ ដែលទាមទារឱ្យម្តាយឪពុកចូលរួមគាំទ្រ ហើយស្ថាប័នបណ្តុះបណ្តាលត្រូវចេះរៀបចំកម្មវិធីសិក្សាប្រកបគំនិតច្នៃប្រតិដ្ឋនិងល្អិតល្អន់សម្រួលដល់ការសិក្សា ។
ឧកញ៉ា ប៉ិច បូឡែន អគ្គនាយកក្រុមហ៊ុន វេសឡាញ អេឌ្យូខេសិនគ្រុប បានមានប្រសាសន៍ថា ប្រសិនកុមារតូចអាយុក្រោមប្រាំឆ្នាំរៀនតែម្នាក់ឯង ឬប្រើទូរស័ព្ទហួសកម្រិត កុមារអាចប្រឈមបញ្ហាសុខភាពផ្លូវកាយ និងផ្លូវចិត្តជាងមនុស្សវ័យជំទង់ ។ ចំណែកសកម្មភាពសម្លឹងមើលទូរស័ព្ទរយៈពេលយូរ អាចបណ្តាលឱ្យកុមារមានបញ្ហាភ្នែកស្រលៀង ដោយសារអេក្រង់ទូរស័ព្ទតូច មិនស្របនឹងក្រសែភ្នែករបស់កុមារ។
ឧកញ៉ា ប៉ិច បូឡែន មានប្រសាសន៍បន្តថា កាលៈទេសៈនេះ ម្តាយឪពុក ឬអាណាព្យាបាលគួរចូលរួមសហការតាមដានការសិក្សារបស់កូន និងជំរុញកុមារតូចឱ្យប្រើកុំព្យូទ័រ អាយផេត ថេបផ្លេត ដែលមានអេក្រង់ធំងាយស្រួលមើលបានច្បាស់ល្អ ។ លោកថា ដោយសង្កេតឃើញពីផលប៉ះពាល់ និងចូលរួមពង្រឹងគុណភាពអប់រំក្នុងកាលៈទេសៈដ៏លំបាកនេះ គ្រឹះស្ថានអប់រំរបស់លោកបានរិះរកវិធីសាស្រ្តដោះស្រាយប្រកបគំនិតប្រតិដ្ឋ និងធានាថា សិស្សទាំងអស់អាចទទួលបានការអប់រំមានគុណភាព ។
អ្នកជំនាញអភិវឌ្ឍន៍វិស័យអប់រំរូបនេះ បានបញ្ជាក់ថា ដើម្បីឱ្យមានប្រសិទ្ធភាពរៀន និងបង្រៀនពីចម្ងាយគ្រឹះស្ថានអប់រំអាចកាត់បន្ថយម៉ោងសិក្សាលើអេក្រង់ដោយប្រើធនធានជំនួយមានស្រាប់ក្នុង Youtube Facebook Cisco Google Meet និងលើកទឹកចិត្តសិស្សឱ្យធ្វើគម្រោងសិក្សា (Project Based Learning) សម្រាប់ជួយកុមារតូចមានគំនិតច្នៃប្រឌិត បង្កើតវិន័យផ្ទាល់ខ្លួន បង្កើនចំណេះដឹងនិងទំនាក់ទំនង បង្កើតគម្រោងមូលដ្ឋានសួរចម្លើយ (Inquiry Base) ដែលកុមារតូចមានឱកាសផ្លាស់ប្តូរចំណេះដឹង និងបង្កើនភាពក្លាហ៊ានសួរសំណួរគ្នាទៅវិញទៅមក ។
លើសពីនេះ ករណីមានមេរៀនក្នុងសៀវភៅសិក្សា គ្រូបង្រៀនចៀសវាងដាច់ខាតសរសេរមេរៀនលើក្តារខៀន ហើយឱ្យសិស្សកត់ចម្លងចូលក្នុងសៀវភៅ ព្រោះវិធីសាស្ត្រនេះសិស្សត្រូវសម្លឹងមើលអេក្រង់ និងចំណាយពេលវេលាច្រើន ។ គ្រូបង្រៀនត្រូវប្រើវិធីសាស្រ្តបង្រៀនបែបសប្បាយ និងប្រើធនធានសម្ភារសិក្សា ដើម្បីបង្កើនភាពទាក់ទាញខ្ពស់ ។
ពាក់ព័ន្ធនឹងបញ្ហានេះ លោកស្រី អ៊ុក សូនីតា ប្រធានកម្មវិធីមត្តេយ្យនៃក្រុមហ៊ុន វេសឡាញ អេឌ្យូខេសិន គ្រុប យល់ឃើញថា កុមារតូចចាប់ពីអាយុសូន្យឆ្នាំដល់ប្រាំឆ្នាំកំពុងលូតលាស់ផ្នែករាងកាយ បញ្ញា ស្មារតី ទំនាក់ទំនងសង្គម អារម្មណ៍ និងភាសា ។ តាមរយៈការសិក្សាស្រាវជ្រាវ បានបង្ហាញថា ការប្រើប្រាស់ឧបករណ៍ឆ្លាតវៃ (Smart Device) លើសកម្រិតនាំឱ្យប៉ះពាល់ដល់ការអភិវឌ្ឍខួរក្បាល បញ្ញា និងសុខមាលភាពរបស់កុមារ ធ្វើឱ្យកុមារដេកមិនស្ងប់ អារម្មណ៍តានតឹង កុមារឡើងទម្ងន់ និងខ្សត់ចលនាមិនសូវរហ័សរហួន ។
បន្ថែមពីលើនេះ លោកស្រីបានបញ្ជាក់ថា ទោះបីជាកុមាររៀនតាមប្រព័ន្ធអនឡាញ និងរៀនពីចម្ងាយក្តី ក៏សាលារៀនត្រូវកិច្ចសហការគាំទ្រចាំបាច់ពីម្តាយឪពុកម្តាយនៅក្នុងសកម្មភាពមួយចំនួន ដូចជា ត្រួតពិនិត្យកិច្ចការផ្ទះ អានសៀវភៅរឿងនិទានជាមួយកូន ដើរកម្សាន្តចុងសប្តាហ៍ និងធ្វើការងារផ្ទះមួយចំនួន ។ សកម្មភាពទាំងនេះនឹងបង្កើនភាពស្និទ្ធស្នាលក្នុងក្រុមគ្រួសារ ព្រមទាំងអភិវឌ្ឍចំណេះកុមារតូចបានល្អប្រសើរ ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ជ្រើសរើសសិក្ខាកាម៦០០នាក់ រៀនជំនាញបច្ចេកទេសឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 14/12/2023
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប បានប្រកាសផ្តល់អាហារូបករណ៍សិក្សាជំនាញបច្ចេកទេស និងវិជ្ជាជីវៈឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ សរុបចំនួន ៦០០នាក់។
អាហារូបករណ៍រដ្ឋាភិបាលចក្រភពអង់គ្លេស Chevening ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 07/08/2025
កម្មវិធីអាហារូបករណ៍រដ្ឋាភិបាលចក្រភពអង់គ្លេស Chevening ឆ្នាំ២០២៦ ប្រកាសបើកទទួលពាក្យជាផ្លូវការ ចាប់ពីថ្ងៃទី០៥ ខែសីហា ដល់ថ្ងៃទី៧ ខែតុលា ឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...
អាហារូបករណ៍ថ្នាក់បរិញ្ញាបត្រជាន់ខ្ពស់សិក្សានៅសាកលវិទ្យាល័យ Khon Kaen ប្រទេសថៃ ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 06/12/2023
ស្ថានទូតនៃព្រះរាជាណាចក្រកម្ពុជា ប្រចាំព្រះរាជាណាចក្រថៃឡង់ដ៍ ប្រកាសដល់និស្សិត និងសាធារណជនថា សាកលវិទ្យាល័យ Khon Kaen នៃព្រះរាជាណាចក្រថៃឡង់ដ៍ កំពុងធ្វើការជ្រើសរើសនិស្សិតអាហារូបករណ៍...
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យឌីជីថលកម្ពុជាចំនួន៣០០នាក់ពី ស.ស.យ.ក រាជធានីភ្នំពេញ
ព័ត៌មានអាហារូបករណ៍, ព្រឹត្តិការណ៍
• 11/01/2024
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យឌីជីថលកម្ពុជាចំនួន៣០០កន្លែង ពីសហភាពសហព័ន្ធយុវជនកម្ពុជារាជធានីភ្នំពេញសម្រាប់ឆ្នាំសិក្សា២០២៣-២០២៤។...
អាហារូបករណ៍ភាពជាអ្នកដឹកនាំអន្តរជាតិ នៅសាកលវិទ្យាល័យ Glasgow នៃចក្រភពអង់គ្លេស
ព័ត៌មានអាហារូបករណ៍, ព្រឹត្តិការណ៍
• 21/08/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យGlasgow នៃកម្មវិធីអាហារូបករណ៍ភាពជាអ្នកដឹកនាំអន្តរជាតិឆ្នាំសិក្សា២០២៣-២០២៤ ...
សាកលវិទ្យាល័យ Moscow Polytechnic University ប្រកាសផ្តល់អាហារូបករណ៍ពេញថ្លៃដល់និស្សិតកម្ពុជា សម្រាប់ឆ្នាំសិក្សា ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 26/08/2026
Moscow Polytechnic University ប្រកាសបើកទទួលពាក្យអាហារូបករណ៍ពីនិស្សិតកម្ពុជា
កម្មវិធី Kemitraan Negara Berkembang ប្រកាសផ្តល់អាហារូបករណ៍ថ្នាក់ឧត្តមសិក្សាជាច្រើនកន្លែងនៅប្រទេសឥណ្ឌូនេស៊ី
ព័ត៌មានអាហារូបករណ៍, ព្រឹត្តិការណ៍
• 27/01/2023
ភ្នំពេញ - ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតថ្នាក់អន្តរជាតិសិក្សានៅប្រទេសឥណ្ឌូនេស៊ី ឆ្នាំសិក្សា២០២៣...
អាហារូបករណ៍ថ្នាក់បរិញ្ញបត្រជាន់ខ្ពស់ នៃសាលាគោលនយោបាយសាធារណៈលីក្វាន់យូប្រទេសសឹង្ហបុរី
ព័ត៌មានអាហារូបករណ៍, ព្រឹត្តិការណ៍
• 17/10/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាលាគោលនយោបាយសាធារណៈលីក្វាន់យូ នៃសាកលវិទ្យាល័យជាតិសិង្ហបុរីសម្រាប់មន្ត្រីរាជការកម្ពុជា...
ក្រសួងអប់រំប្រកាសជ្រើសរើសនិស្សិតអាហារូបករណ៍ថ្នាក់ឧត្ដមសិក្សា ទៅសិក្សានៅសាធារណរដ្ឋប្រជាមានិតចិន ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 05/03/2025
តាមរយៈក្រសួងអប់រំ យុវជន និងកីឡា និងក្រសួងការបរទេស និងសហប្រតិបត្តិការអន្តរជាតិ សហការជាមួយមន្ទីរអប់រំ នៃតំបន់ស្វយ័តជនជាតិជាំងក្វាងស៊ី នៃសាធារណរដ្ឋប្រជាមានិតចិន បានផ្ដល់អាហារូបករណ៍ចំនួន៨កន្លែង ដល់សិស្ស និស្សិត...
កម្មវិធីពិសេសរបស់ AMS EDUCATION
ព័ត៌មានសង្ខេប
