ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ពិព័រណ៌អប់រំលើកទី៤ដែលរៀបចំដោយសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជារូបភាព និងសកម្មភាពដែលអាចធ្វើឱ្យសាធារណជន សិស្ស និស្សិតពីគ្រប់មជ្ឈដ្ឋានបានស្វែងយល់ និងយល់ដឹងកាន់តែច្បាស់ពីតម្លៃនៃការអប់រំ។ នេះជាការយល់ឃើញរបស់និស្សិតដែលបានចូលរួមក្នុងកម្មវិធីពិព័រណ៌អប់រំលើកទី៤ រៀបចំឡើងដោយសាកលវិទ្យាល័យ RULE សហការជាមួយសហភាពសហព័ន្ធយុវជនកម្ពុជារាជធានីភ្នំពេញ កាលពីថ្ងៃទី១១ ខែវិច្ឆិកា កន្លងទៅនេះ។
កញ្ញា ច័ន្ទ ពៅមករា ជានិស្សិតឆ្នាំទី២ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បានបង្ហាញចំណាប់អារម្មណ៍នៃការបង្កើតឡើងនូវកម្មវិធីពិព័រណ៍អប់រំលើកទី៤ថា កញ្ញាទទួលបានបទពិសោធន៍ល្អៗជាច្រើនដូចជា មានឱកាសជាអ្នកស្ម័គ្រចិត្ត បានស្គាល់មនុស្សជាច្រើន និងបង្កើតមិត្តភាពថ្មីៗ បានរៀនសូត្រពីអ្នកដែលធ្លាប់មានបទពិសោធន៍ក្នុងការងារសង្គមមុនៗផងដែរ។
កញ្ញា ពៅមករា បន្ថែមថា ពិព័រណ៌អប់រំនេះក៏ជាកម្មពិធីមួយយ៉ាងសំខាន់ដែលជំរុញ និងគាំទ្រឱ្យមានការចាប់អារម្មណ៍លើវិស័យអប់រំ និងយល់ពីគុណតម្លៃអប់រំកាន់តែខ្លាំង ដោយមានការចូលរួមពីសំណាក់គ្រឹះស្ថានសិក្សា សាកលវិទ្យាល័យ វិទ្យាស្ថាននានា និងបណ្ដាក្រុមហ៊ុនជាដៃគូរសហការណ៍ផ្សេងផងដែរ។
ក្នុងឱកាសនេះផងដែរយុវជន ឆាយ សុផានិត ជានិស្សិតដែលចូលរួមក្នុងកម្មវិធីពិព័រណ៌អប់រំ៤នេះបានយល់ឃើញថា កម្មវិធីនេះជាកម្មវិធីដែលល្អខ្លាំងណាស់សម្រាប់សាធារណជន ជាពិសេសដល់និស្សិតឱ្យបានយល់កាន់តែច្បាស់ពីវិស័យអប់រំនៅកម្ពុជាកាន់តែទូលំទូលាយបន្ថែមទៀត។ ជាមួយគ្នានេះ ក៏អាចធ្វើឱ្យអ្នកចូលរួមទទួលបានព័ត៌មានផ្សេងៗពីគ្រឹះស្ថានអប់រំនានាក្នុងរាជធានីភ្នំពេញ ថែមទាំងទទួលបានភាពរីករាយតាមរយៈការប្រគុំតន្ត្រី ការចូលរួមលេងល្បែងកម្សាន្តយកវត្ថុអនុស្សាវរីយ៍ថែមទៀត។
ជាចុងក្រោយ និស្សិតទាំងពីរនាក់ក៏ចង់ឱ្យបន្តមានកម្មវិធីបែបនេះនៅឆ្នាំក្រោយៗទៀតដើម្បីឱ្យសាធារណជនបានចូលរួមយល់ដឹងកាន់តែច្រើនគុណតម្លៃនៃការអប់រំបន្ថែមទៀត។ លើសពីនេះនឹងបានស្គាល់បានដឹងលឺឱ្យកាន់តែស៊ីជម្រៅពីជំនាញវិជ្ជាជីវៈ ការសិក្សា ការអានសៀវភៅផ្សេងៗ៕
