ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងពិធីជំនួបអ្នកអាណាព្យាបាល និងតម្រង់ទិសកម្មវិធីសិក្សា ចំពោះសិស្សឆ្លងភូមិសិក្សាកាលពីពេលថ្មីៗនេះ ឧកញ៉ាបណ្ឌិត ប៉ិច បូឡែន អគ្គនាយកក្រុមហ៊ុនវេសឡាញន៍ អេឌ្យូខេសិន គ្រុប បានអះអាងថា សាលារៀនវ៉េស្ទឡាញន៍បាន និងកំពុងរៀបចំបន្ថែមកម្មវិធីសិក្សាអមថ្មីៗឱ្យដូចទៅនឹងសាលាអន្តរជាតិ ដែលនឹងធ្វើឱ្យសិស្សបញ្ចប់ថ្នាក់វិទ្យាល័យនៅបណ្តាញសាលារៀនវ៉េស្ទឡាញន៍ អាចទៅបន្តការសិក្សានៅក្រៅប្រទេសដោយមិនបារម្ភ។
បើតាមប្រសាសន៍របស់លោកឧកញ៉ាបណ្ឌិត ប៉ិច បូឡែន កម្មវិធីសិក្សាអមមួយចំនួន សាលារៀនវ៉េស្ទឡាញន៍ បានធ្វើការតេស្តសាកល្បងអស់រយៈពេលមួយឆ្នាំ ទៅពីរឆ្នាំរួចមកហើយ ដោយប្រើប្រាស់កម្មវិធីសិក្សាជាតិបូកបន្ថែមជាមួយកម្មវិធីសិក្សាដែលទទួលស្គាល់ពីអន្តរជាតិ ពោលគឺសិស្សានុសិស្សដែលកំពុងសិក្សានៅសាលាវ៉េស្ទឡាញន៍ក្នុងកម្មវិធីសិក្សាជាតិ ប៉ុន្តែមានក្របខណ្ឌគុណវុឌ្ឍដែលគេទទួលស្គាល់ដូចជាសាលាអន្តរជាតិដែរ។
“…ឆ្នាំនេះ យើងរៀបចំបន្ថែមកម្មវិធីសិក្សាថ្មីដូចសាលាអន្តរជាតិ, រៀននៅវ៉េស្ទឡាញន៍ សិស្សអាចបន្តការសិក្សានៅនៅប្រទេស”
ការណ៍ដែលធ្វើឱ្យសិស្សដែលបញ្ចប់ថ្នាក់វិទ្យាល័យ ឬចប់បាក់ឌុប នៅសាលារៀនវ៉េស្ទឡាញន៍ អាចទៅបន្តការសិក្សានៅក្រៅប្រទេសបានដោយមិនបារម្ភ ព្រោះតែបណ្តាញសាលារៀនវ៉េស្ទឡាញន៍មានដៃគូជាច្រើនប្រទេសនៅជុំវិញពិភពលោក មិនថានៅក្នុងទ្វីបអាស៊ី អឺរ៉ុប អូស្រ្តាលី ឬអាមេរិកនោះទេ។ ជាមួយគ្នាកម្មវិធីសិក្សានៅសាលារៀនវ៉េស្ទឡាញន៍ ក៏មានបូកបន្ថែមនូវកម្មវិធីសិក្សាអមដែលជួយសិស្សឱ្យមានសមត្ថភាពលើសពីកម្រិតសិក្សាថ្នាក់ជាតិដូចជា កម្មវិធីសិក្សាទម្លាប់ល្អទាំង៧របស់បុគ្គលឆ្នើម ដែលផ្តោតទៅលើផ្នត់គំនិត អត្តចរិត បំណិនសតវត្សរ៍ទី២១, អមជាមួយគ្នានេះ បណ្តាញសាលារៀនវ៉េស្ទឡាញន៍ ក៏បានដាក់បញ្ចូលចំណេះដឹងផ្នែកហិរញ្ញវត្ថុ ដែលនឹងជួយសិស្សឱ្យមានសមត្ថភាពក្នុងការចេះគ្រប់គ្រងហិរញ្ញវត្ថុ ចេះធ្វើការវិនិយោគ, ចំណេះដឹងឌីជីថល ដែលសិស្សចាំបាច់ត្រូវតែមាននៅក្នុងយុគសម័យបច្ចេកវិទ្យានេះ។
មេរៀនស្តីពីសហគ្រិនភាព ក៏ជាមុខវិជ្ជាមួយត្រូវបានដាក់បញ្ចូល ដើម្បីជួយសិស្សក្លាយជាសហគ្រិនមួយរូបទៅថ្ងៃអនាគត ដោយចេះបត់បែន និងដោះស្រាយបញ្ហា។ ព្រមជាមួយគ្នានេះ កម្មវិធីការយល់ដឹងពីវប្បធម៌ចម្រុះ ក៏ស្ថិតក្នុងកម្មវិធីសិក្សាបន្ថែមរបស់បណ្តាញសាលារៀនវ៉េស្ទឡាញន៍ដែរ ដើម្បីបង្រៀនសិស្សឱ្យយល់ពីវប្បធម៌របស់ជាតិសាសន៍ផ្សេងៗនៅលើពិភពលោក តែរក្សាអត្តសញ្ញាណជាតិ។
លោកឧកញ៉ាបណ្ឌិត ប៉ិច បូឡែន បញ្ជាក់ថា ជាគោលដៅ ឬទស្សនវិស័យរបស់បណ្តាញសាលារៀនវ៉េស្ទឡាញន៍ គឺសិស្សានុសិស្សដែលបញ្ចប់ការសិក្សាពីទីនេះ ពួកគេនឹងទទួលបាននិទ្ទេសទាបខ្ពស់ចាប់ពីនិទ្ទេស C ឡើងទៅ, មានចំណេះដឹងភាសាអង់គ្លេសស្ទាត់ជំនាញ, ចេះភាសាចិនអាចនិយាយបាន, មានជំនាញឌីជីថល, មានចរិតលក្ខណៈល្អ បូករួមជាមួយចំណេះដឹងហិរញ្ញវត្ថុ សហគ្រិនភាព ហើយអ្វីដែលសំខាន់មួយទៀត គឺសិស្សមានបំណិនតន្រ្តី សិល្បៈ ឬកីឡា ដែលជាបំណិនជួយសិស្សក្នុងការថែរក្សាសុខភាពផ្លូវចិត្តឱ្យបានល្អ៕
