ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អង្គការយូនីសេហ្វប្រចាំកម្ពុជា បានបង្ហាញក្តីបារម្ភពីសុវត្ថិភាពកុមារភៀសសឹក ដែលអាចប្រឈមនឹងហានិភ័យនៃការលង់ទឹក ឬឧបទ្ទវហេតុផ្សេងទៀត ប្រសិនបើមិនមានការមើលថែឱ្យបានដិតដល់ពីមនុស្សពេញវ័យ ខណៈសព្វថ្ងៃមានកុមាររាប់ម៉ឺននាក់កំពុងស្នាក់នៅតាមជំរំភៀសសឹក។
អង្គការយូនីសេហ្វ ដែលធ្លាប់ផ្តល់ជំនួយដល់ពលរដ្ឋ និងកុមារក្នុងតំបន់ភៀសសឹក បានលើកឡើងថា អង្គការបានស្នើឪពុកម្តាយ អាណាព្យាបាល និងអាជ្ញាធរមានសមត្ថកិច្ចនៅតាមជំរុំ បង្កើនការប្រុងប្រយ័ត្នខ្ពស់ ដើម្បីបង្ការ និងទប់ស្កាត់គ្រោះថ្នាក់ជាយថាហេតុដល់កុមារភៀសសឹក។
ថ្វីត្បិតតែពុំទាន់មានកុមារភៀសសឹកណាម្នាក់រងគ្រោះថ្នាក់ ប៉ុន្តែអង្គការយូនីសេហ្វបានស្នើសុំឱ្យក្រុមការងារចម្រុះដែលចុះជួយនៅតាមជំរំ ជួយក្រើនរំលឹកអំពីហានិភ័យនេះដល់កុមារ និងអាណាព្យាបាលផងដែរ។
គិតត្រឹមថ្ងៃទី១៨ ខែធ្នូ ឆ្នាំ២០២៥ មានកុមារភៀសសឹកជាង១៣ម៉ឺននាក់ ក្នុងចំណោមជនភៀសសឹកសរុបជាង៤៧ម៉ឺននាក់ បានគេចចេញពីលំនៅស្ថានរបស់ពួកគេ ក្រោយពេលប្រទេសថៃបើកការបាញ់ប្រហារឈ្លានពានកម្ពុជាជាលើកទី២ចាប់ពីថ្ងៃទី៧ធ្នូ ឆ្នាំ២០២៥៕
អត្ថបទ ៖ សេង បារាំង
