ក្រុមប្រឹក្សាជាតិដើម្បីកុមារកម្ពុជា ដាក់ចេញយុទ្ធសាស្ត្រ ៦ចំណុចទប់ស្កាត់អំពើ

ភ្នំពេញ – ក្រុមប្រឹក្សាជាតិដើម្បីកុមារកម្ពុជា សហការជាមួយភាគីពាក់ព័ន្ធបានរៀបចំផែនការសកម្មភាពទប់ស្កាត់ការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញនៅកម្ពុជា ឆ្នាំ២០២១-២០២៥ ផ្ដោតលើគោលដៅយុទ្ធសាស្រ្ត និងលទ្ធផលរំពឹងទុកចំនួន ៦ចំណុចសំខាន់ៗ ។ តាមរយៈការរៀបចំផែនការសកម្មភាពនេះ ភាគីពាក់ព័ន្ធរំពឹងថា កម្ពុជានឹងបង្ការ ទប់ស្កាត់ និងឆ្លើយតបអំពើកេងប្រវ័ញ្ចផ្លូវភេទលើកុមារតាមប្រព័ន្ធអនឡាញយ៉ាងមានប្រសិទ្ធិភាព ។ នេះបើតាមការលើកឡើងរបស់លោកជំទាវ សម្បត្តិ សុគន្ធា អគ្គលេខាធិការរងក្រុមប្រឹក្សាជាតិដើម្បីកុមារនៅក្នុងសិក្ខាសាលាតាមប្រព័ន្ធអនឡាញ ស្ដីអំពីកិច្ចការពារកុមារលើប្រព័ន្ធអនឡាញនៅកម្ពុជា កាលពីថ្ងៃអង្គារ៍ម្សិលមិញ ។

១. ពង្រឹងប្រសិទ្ធភាពការអនុវត្តគោលនយោបាយអភិបាលកិច្ច ៖ ចំណុចនេះមានគោលបំណងសិក្សាស្រាវជ្រាវ វិភាគ និងតាមដានហានិភ័យនៃការកេងប្រវ័ញ្ចផ្លូវភេទកុមារប្រព័ន្ធឡាញ ដើម្បីបង្កើតនិងពិនិត្យកែសម្រួលលិខិតបទដ្ឋានគតិយុត្តិពាក់ព័ន្ធនានាឱ្យមានលក្ខណៈទូលំទូលាយនិងមានប្រសិទ្ធភាព។ ទន្ទឹមគ្នានេះស៊ើបអង្កេតជនល្មើស និងធានាសុវត្ថិភាព ផ្តល់ទំនុកចិត្តនិងយុត្តិធម៌សម្រាប់ជនរងគ្រោះ និងងាយរងគ្រោះ ។ ចំពោះលទ្ធផលរំពឹងទុក ថ្នាក់ដឹកនាំក្រសួង ស្ថាប័ន រដ្ឋបាលថ្នាក់ក្រោមជាតិ កម្លាំងសេវាសង្គម និងអ្នកពាក់ព័ន្ធ មានអភិបាលកិច្ច និងគណនេយ្យភាពលើការបង្ការ ទប់ស្កាត់ និងឆ្លើយតបចំពោះការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ និងក្រៅប្រព័ន្ធអនឡាញនៅក្នុងគ្រួសារ និងសហគមន៍ ។

២. លើកកម្ពស់យុត្តិធម៌ព្រហ្មទណ្ឌ ៖ មានគោលបំណងជំរុញនិងឆ្លើយតបប្រកបដោយប្រសិទ្ធភាពនៃការស៊ើបអង្កេត និងផ្ដន្ទាទោសជនប្រព្រឹត្តិល្មើសផ្លូវភេទលើកុមារតាមប្រព័ន្ធអនឡាញ ព្រមទាំងពង្រឹងសមត្ថភាពមន្រ្តីអនុវត្តច្បាប់នៅថ្នាក់ជាតិ និងថ្នាក់ក្រោមជាតិ ។ ចំពោះលទ្ធផលរំពឹងទុក ស៊ើបអង្កេត និងផ្ដន្តាទោសចំពោះបទល្មើសផ្លូវភេទលើកុមារតាមប្រព័ន្ធអនឡាញ និងការគ្រប់គ្រងជនល្មើសប្រកបដោយប្រសិទ្ធភាព និងជោគជ័យ ។

៣. លើកកម្ពស់វិធានការបង្ការ ទប់ស្កាត់ និងស្ដារនីតិសម្បទាជនរងគ្រោះ ៖ មានគោលបំណងបណ្ដុះបណ្ដាល និងពង្រឹងសមត្ថភាពកម្លាំងសេវាសង្គមដើម្បីគាំពារដល់ជនរងគ្រោះដោយសារការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញនៅក្នុងដំណើរនីតិវិធីច្បាប់ និងការស្ដារនីតិសម្បទា ។ ចំពោះលទ្ធផលរំពឹងទុក កុមារនិងយុវជនរងគ្រោះដោយអំពើជួញដូរផ្លូវភេទតាមប្រព័ន្ធអនឡាញទទួលបានសេវាគាំទ្រផ្លូវច្បាប់ និងស្ដារនីតិសម្បទា ។

៤. ពង្រឹងសុវត្ថិភាពសហគមន៍ពីការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ ៖ មានគោលបំណង ដើម្បីបង្ការ ទប់ស្កាត់ និងឆ្លើយតបចំពោះការកេងប្រវ័ញ្ចផ្លុវភេទលើកុមារតាមប្រព័ន្ធអនឡាញ ធានាសុវត្តិភាពកុមារ និងយុវជននៅក្នុងគ្រួសារ និងសហគមន៍ ។ ចំពោះលទ្ធផលរំពឹងទុក កុមារ និងយុវជននៅក្នុងគ្រួសារ និងសហគមន៍ មានសុវត្ថិភាពអំពីអំពើកេងប្រវ័ញ្ខផ្លូវភេទលើកុមារតាមប្រព័ន្ធអនឡាញ ។

៥. ពង្រឹងលក្ខន្តិកសម្រាប់ការផ្តល់សេវាអ៊ីនធឺណិត ៖ មានគោលបំណងបង្កើតគោលការណ៍ណែនាំដល់ក្រុមហ៊ុនផ្តល់សេវាអ៊ីនធឺណិតឱ្យរៀបចំយន្តការអនុវត្តនីតិវីធីទាំងឡាយដើម្បីរាយការណ៍ កំណត់ប្រភេទរូបភាព និងសម្ភារអាសអាភាពកុមារ (CSAM) និងសម្ភារអាសអាភាសកុមារពីប្រព័ន្ធផ្ទុកទិន្នន័យមេ(Server) ។ ជំរុញនិងលើកទឹកចិត្តឱ្យក្រុមហ៊ុនផ្តល់សេវាអ៊ីនធឺណិតពិនិត្យលទ្ធភាពក្នុងការដាក់នូវឧបករណ៍ដើម្បីគ្រប់គ្រង និងផ្តល់សញ្ញាហាមឃាត់មិនឱ្យប្រើប្រាស់ (Website) អាសអាភាស ឬអាសអាភាសកុមារ។

៦. បង្កើនការផ្សារព្វផ្សាយ និងបញ្ជ្រាបការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ ៖ មានគោលបំណងផ្សាព្វផ្សាយអំពីការកេងប្រវ័ញ្ចផ្លូវភេទលើកុមារតាមប្រព័ន្ធអនឡាយ (OCSE) ដល់កុមារ យុវជន ឪពុកម្តាយអ្នកថែទាំកុមារ លោកគ្រូអ្នកគ្រូ សាធារណៈ ជននិងអ្នកធ្វើគោលនយោបាយឱ្យមានការយល់ដឹងត្រឹមត្រូវ និងជំរុញឱ្យមានការដាក់បញ្ចូល (OCSE) ក្នុងគោលនយោបាយ កម្មវិធីអប់រំសហគមន៍ និងកម្មវិធីអប់រំនៅគ្រប់កម្រិតសិក្សា ។ ចំពោះលទ្ធផលរំពឹងទុក កុមារ យុវជន ឪពុកម្តាយ អ្នកថែទាំកុមារ លោកគ្រូអ្នកគ្រូ មន្រ្តីអនុវត្តច្បាប់អ្នកធ្វើគោលនយោបាយ និងសាធារណៈជន យល់ដឹងត្រឹមត្រូវអំពីការកេងប្រវ័ញ្ចផ្លូវភេទលើកុមារតាមប្រព័ន្ធអនឡាយ(OCSE) និងផលប៉ះពាល់ ។

គួរបញ្ជាក់ថា ក្រសួងអប់រំ យុវជន និងកីឡា សហការជាមួយក្រសួងប្រៃសណីយ៍ និងទូរគមនាគមន៍ រៀបចំសិក្ខាសាលាស្ដីអំពី កិច្ចការពារកុមារលើប្រព័ន្ធអនឡាញ តាមប្រធានបទប្រចាំថ្ងៃរយៈពេលប្រាំថ្ងៃ ។ សិក្ខាសាលានេះ រៀបចំឡើងដើម្បីលើកកម្ពស់ការយល់ដឹងអំពីហានិភ័យនៃប្រព័ន្ធអនឡាញចំពោះកុមារ ជាពិសេសកុមារតូចៗ ឱ្យជៀសផុតពីការបៀតបៀន និងការរំលោភបំពានតាមអនឡាញ ៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

ប្រទេសកម្ពុជា

បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ

• 28/05/2026

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

វិទ្យាស្ថានពហុបច្ចេកទេសភូមិភាគតេជោសែនសៀមរាបបន្តជ្រើសរើសសិក្ខាកាមរៀនជំនាញឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 26/06/2025

តាមរយៈកម្មវិធី TVET ១លាន៥សែននាក់ វិទ្យាស្ថានពហុបច្ចេកទេសភូមិភាគតេជោសែនសៀមរាប ប្រកាសបន្តជ្រើសរើសសិក្ខាកាមចូលរៀនជំនាញវិជ្ជាជីវៈ ថ្នាក់សញ្ញាបត្របច្ចេកទេស និងវិជ្ជាជីវៈ១ សម្រាប់វគ្គសិក្សាថ្មី។

ឱកាសអាហារូបករណ៍ជំនាញវិស្វកម្មអគ្គិសនី សិក្សានៅប្រទេសចិន ពីក្រុមហ៊ុន China Southern Power Grid

ព័ត៌មានអាហារូបករណ៍, ព្រឹត្តិការណ៍

• 13/06/2025

សម្រាប់សិស្សនិស្សិតកម្ពុជាដែលមានបំណងចង់បន្តការសិក្សាថ្នាក់បរិញ្ញាបត្រ ក៏ដូចជាថ្នាក់អនុបណ្ឌិត ទៅលើជំនាញវិស្វកម្មអគ្គិសនី នៅប្រទេសចិន

ឱកាសគ្រូបង្រៀនចូលរួមកម្មវិធី Teacher Training Students នៅប្រទេសជប៉ុន ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 15/01/2026

ជាឱកាសសម្រាប់លោកគ្រូ អ្នកគ្រូ ដែលកំពុងបង្រៀននៅតាមសាលារៀនបឋមសិក្សា មធ្យមសិក្សា និងសាលាគរុកោសល្យ នៅទូទាំងប្រទេសកម្ពុជា, សម្រាប់ឆ្នាំ២០២៦នេះ កម្មវិធីអាហារូបករណ៍ Teacher Training...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ ពាណិជ្ជសាស្ត្រ អេស៊ីលីដា ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 02/10/2025

សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានផ្តល់អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) នៅសាកលវិទ្យាល័យ...

អាហារូបករណ៍ថ្នាក់បរិញ្ញាបត្រ២២កន្លែង នៅវិទ្យាស្ថានភាសាបរទេស និងវិទ្យាស្ថានសិក្សាអន្តរជាតិ និងគោលនយោបាយសាធារណៈ

ព័ត៌មានអាហារូបករណ៍, ព្រឹត្តិការណ៍

• 19/12/2023

គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន ប្រកាសពីការផ្តល់អាហារូបករណ៍ចំនួន ២២កន្លែង សម្រាប់ការសិក្សាកម្រិតថ្នាក់បរិញ្ញាបត្រនៅវិទ្យាស្ថានភាសាបរទេស...

ឱកាសសិក្សាអាហារូបករណ៍តាមរយៈ Online សម្រាប់គ្រូបង្រៀនភាសាអង់គ្លេសជនជាតិខ្មែរ

ព័ត៌មានអាហារូបករណ៍, ព្រឹត្តិការណ៍

• 21/06/2024

ឱកាសសិក្សាភាសាអង់គ្លេសសម្រាប់គ្រូបង្រៀនភាសាអង់គ្លេសជាជនជាតិខ្មែរដែលសិក្សាតាមរយៈ Online ពីផ្នែកកិច្ចការសាធារណៈ នៃស្ថានទូត...

ឱកាសសិក្សាអាហារូបករណ៍ Stamp Scholarship ២០២៣ នៅសាកលវិទ្យាល័យ Miami សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 13/06/2023

កម្មវិធីអាហារូបករណ៍ Stamp Scholarship ២០២៣ ប្រកាសផ្ដល់អាហារូបករណ៍ថ្នាក់ឧត្ដមសិក្សា នៅសាកលវិទ្យាល័យ Miami សហរដ្ឋអាមេរិកឆ្នាំសិក្សា២០២៣ ។...

វិទ្យាស្ថានបច្ចេកទេសឧស្សាហកម្ម ផ្តល់អាហារូបករណ៍ជាង៣ពាន់កន្លែង សម្រាប់ការសិក្សាជំនាញបច្ចេកទេស និងវិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 30/10/2023

វិទ្យាស្ថានបច្ចេកទេសឧស្សាហកម្ម (ITI) បានប្រកាសជ្រើសរើសសិស្ស និស្សិតទាំងពីរភេទឱ្យចូលរៀនជំនាញបច្ចេកទេស និងវិជ្ជាជីវៈ ថ្នាក់អាហារូបករណ៍ចំនួន ៣៤៨៥នាក់។

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធី MOFCOM ២០២៥ នៅសាធារណរដ្ឋប្រជាមានិតចិន

ព័ត៌មានអាហារូបករណ៍, ព្រឹត្តិការណ៍

• 21/04/2025

តាមរយៈការផ្សព្វផ្សាយរបស់ ក្រសួងអប់រំ យុវជន និងកីឡា បុគ្គលិកអប់រំទាំងអស់នឹងមានឱកាសបន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាធារណរដ្ឋប្រជាមានិតចិន ក្រោមកម្មវិធីអាហារូបករណ៍ MOFCOM...