ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដើម្បីអបអរសាទរទិវាជាតិអំណានលើកទី១១ ដែលនឹងប្រព្រឹត្តទៅនៅថ្ងៃទី១១ ខែមីនា ឆ្នាំ២០២៦ ខាងមុខ ក្រសួងអប់រំ យុវជន និងកីឡា បានប្រកាសពីការបើកការប្រកួតប្រជែងតែងអត្ថបទឧស្សាហ៍កថា និងប្រលោមលោកខ្លាតខ្លី។
បើតាមសេចក្តីជូនដំណឹងរបស់ក្រសួងអប់រំ ការប្រកួតតែងអត្ថបទឧស្សាហ៍កថា នឹងធ្វើឡើងក្រោមប្រធានបទ “ការបណ្តុះមនសិការជាតិ” តាមរយៈវណ្ណកម្មរបស់អ្នកនិពន្ធ ជុត ខៃ ដោយជ្រើសរើសយកជ័យលាផីចំនួន៣រូប, ដោយឡែកការតែងនិពន្ធប្រលោមលោកខ្នាតខ្លី នឹងធ្វើឡើងក្រោមប្រធានបទ “ខ្ញុំស្រឡាញ់ភូមិខ្ញុំ” ដោយជ្រើសរើសយកជ័យលាភីចំនួន៣រូប។
សម្រាប់លក្ខខណ្ឌនៃការចូលរួមប្រកួត ក្រសួងអប់រំបានផ្តល់អាទិភាពដល់មន្រ្តីអប់រំ គ្រូបង្រៀន និស្សិត សិស្ស ព្រះសង្ឃ ក៏ដូចជាសាធារណជនទូទៅ។ ដោយឡែកស្នាដៃអត្ថបទឧស្សាហ៍កថា ក៏ដូចជាស្នាដៃប្រលោមលោកខ្នាតខ្លី ត្រូវតែជាស្នាដៃថ្មីសុទ្ធសាធ មិនមែនជាអត្ថបទកែសម្រួល លួចចម្លង ឬជាស្នាដៃដែលធ្លាប់ទទួលជ័យលាភីក្នុងការប្រកួតប្រជែងនានាកន្លងមក ហើយខ្លឹមសារនៃអត្ថបទ ក៏មិនត្រូវបង្កប់សារនយោបាយអវិជ្ជមាន ដែលធ្វើឱ្យប៉ះពាល់ដល់ជាតិ សាសនា និងព្រះមហាក្សត្រឡើយ។
សំណេរត្រូវគោរពតាមគោលការណ៍សំណេរអក្ខរាវិរុទ្ធក្នុងវចនានុក្រមខ្មែរ ដែលបោះពុម្ពដោយពុទ្ធសាសនបណ្ឌិត្យ គ្រាទី៥ ឆ្នាំ១៩៦៧។ ចំពោះបច្ចេកសព្ទ និងពាក្យថ្មីៗ ដែលមិនមានក្នុងវចនានុក្រមខ្មែរឆ្នាំ១៩៦៧ បេក្ខជនអាចប្រើតាមវចនានុក្រមអេឡិចត្រូនិករបស់ក្រុមប្រឹក្សាជាតិភាសាខ្មែរ ឆ្នាំ២០២២ និងឯកសារគតិយុត្តមួយចំនួនទៀត ដែលក្រសួងអប់រំ យុវជន និងកីឡា បានអនុម័តឱ្យប្រើប្រាស់ជាធរមាន។
បេក្ខជនដែលមានបំណងចូលរួមក្នុងការប្រកួតនេះ សូមផ្ញើស្នាដៃ ទៅកាន់តេឡេក្រាម 010 22 07 88 ឱ្យបានមុនថ្ងៃទី២០ ខែកុម្ភៈ ឆ្នាំ២០២៦ វេលាម៉ោង៥រសៀល។ ស្នាដៃដែលផ្ញើ ត្រូវតែជា Soft Copy ប្រភេទ PDF file ដែលដាក់ចំណងជើងតាមគំរូ (ឧ. ចំណងជើង_ឈ្មោះស្មេរ.pdf)៕
