ក្រសួងប្តេជ្ញាលើកកម្ពស់គុណភាពអប់រំតាមរយៈការពង្រឹងសមត្ថភាពនាយកសាលាល្អ

ភ្នំពេញ – ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា មានប្រសាសន៍ថា នាយកសាលាល្អ គ្រូបង្រៀនល្អ គឺជាកត្តាគន្លឹះដែលក្រសួងអប់រំប្ដេជ្ញាបន្តអនុវត្តការគ្រប់គ្រងសាលារៀន។ ឯកឧត្តមបណ្ឌិតសភាចារ្យលើកឡើងបែបនេះ នៅក្នុងធីបើកសន្និបាតបូកសរុបការងារអប់រំ យុវជន និងកីឡាឆ្នាំសិក្សា ២០២០-២០២១ និងលើកទិសដៅការងារឆ្នាំសិក្សា ២០២១-២០២២ នាព្រឹកថ្ងៃចន្ទនេះ។

ឯកឧត្តមបណ្ឌិតសភាចារ្យ ហង់ជួន ណារ៉ុន បញ្ជាក់ន្ថែមថា ការគ្រប់គ្រងធនធានមនុស្ស គឺស្ថិតក្រោមសមាសភាពចំនួន៣ រួមមាន ទី១. ការពង្រឹងសមត្ថភាព ការបណ្ដុះបណ្ដាលគ្រូ និងអភិវឌ្ឍសមត្ថភាពជាប្រចាំ ទី២. ការលើកទឹកចិត្ត ការតម្លើងប្រាក់បៀវត្ស និងទី៣. ការអនុវត្តគន្លងអាជីព ។ ឯកឧត្តមបណ្ឌិតសភាចារ្យបន្តថា ការអនុវត្តគន្លងអាជីព ចែកចេញជាបីកម្រិត រួមមាន គន្លងអាជីពសម្រាប់គ្រូបង្រៀន គន្លងអាជីពសម្រាប់អ្នកគ្រប់គ្រង និងគន្លងអាជីពសម្រាប់អ្នកឯកទេស។

រដ្ឋមន្រ្តីក្រសួងអប់រំ មានប្រសាសន៍ថា ការរៀបចំគន្លងអាជីពវិស័យអប់រំ កន្លងមកក្រសួងអប់រំបានរៀបចំការប្រឡងប្រណាំង ហើយទទួលស្គាល់គ្រូបង្រៀនល្អចាប់តាំងពីឆ្នាំសិក្សា២០១៣-២០១៤ ដោយបានបង្កើតពានរង្វាន់សម្ដេចតេជោ សែន សម្រាប់នាយកសាលាល្អ គ្រូបង្រៀនល្អ និងនាយកសាលាស្អាត ដើម្បីជាយុទ្ធសាស្រ្តមួយជួយលើកទឹកចិត្តឱ្យមានការប្រឡងប្រណាំងកែលម្អកម្រិតសាលារៀន ។

ឯកឧត្តមបណ្ឌិតសភាចារ្យ ហង់ជួន ណារ៉ុន

“នាយកសាលាល្អ គឺជានាយកសាលាដែលផ្ដល់ឱកាសដល់សិស្សានុសិស្សរៀន និងបង្រៀនដោយប្រើប្រាស់បច្ចេកវិទ្យាក្នុងបរិបទកូវីដ-១៩”

ឯកឧត្តមបណ្ឌិតសភាចារ្យ ហង់ជួន ណារ៉ុន បន្តថា ពានរង្វាន់សម្ដេចតេជោ សែន សម្រាប់នាយកសាលាល្អ ដែលក្នុងមួយឆ្នាំរើសចំនួន ៣នាក់ សរុបរយៈពេល៧ឆ្នាំ មានចំនួន២១នាក់ នឹងបង្កើននាយកសាលាល្អចំនួន ៥នាក់ទៀត។ ទន្ទឹមគ្នានេះ គ្រូបង្រៀនល្អ ក្នុងមួយឆ្នាំជ្រើសរើសចំនួន ៥នាក់ សរុបរយៈពេល ៧ឆ្នាំ មានចំនួន ៣៥នាក់ នឹងបង្កើនរហូតទៅដល់ ១០នាក់បន្ថែមទៀត។

ជាមួយគ្នានេះ ឯកឧត្តមបណ្ឌិតសភាចារ្យ បន្តថា គ្រូបង្រៀនល្អភាសាខ្មែរថ្នាក់ទី១ ថ្នាក់ទី២ និងថ្នាក់ទី៣ ក្នុងមួយឆ្នាំជ្រើសរើសចំនួន ៥នាក់ បច្ចុប្បន្នមានចំនួន២៥នាក់ នឹងបង្កើនទៅដល់ ១០នាក់បន្ថែមទៀត។ ក្នុងនោះ គ្រូបង្រៀនល្អគណិតថ្នាក់ទី១ ថ្នាក់ទី២ និងថ្នាក់ទី៣ ក្នុងមួយឆ្នាំជ្រើសរើសចំនួន ៥នាក់ បច្ចុប្បន្នមានចំនួន ២០នាក់ នឹងបង្កើនពី៥ ទៅ១០នាក់។ ដោយឡែក នាយកសាលាស្អាត ក្នុងមួយឆ្នាំជ្រើសរើសចំនួន ៥នាក់ បច្ចុប្បន្ន មានចំនួន២០នាក់ នឹងបង្កើនចំនួន ១០នាក់បន្ថែមទៀត។

តាមការបញ្ជាក់របស់ ឯកឧត្តមបណ្ឌិតសភាចារ្យ ហង់ជួន ណារ៉ុន បន្តថា កន្លងមកគ្រូបង្រៀនល្អ គឺជ្រើសយកគ្រូបង្រៀនដែលជាសិស្សប្រឡងសញ្ញាបត្រមធ្យមសិក្សាទុតិយភូមិទទួលបាននិទ្ទេស A ប៉ុន្តែនៅកម្រិតបឋមសិក្សា គឺយើងអាចជ្រើសរើសគ្រូល្អថ្នាក់ទី៤ ដល់ថ្នាក់ទី៦ បន្ថែមទៀត ដើម្បីពង្រឹងមូលដ្ឋានគ្រឹះ និងត្រូវគិតគូរដល់គ្រូមតេយ្យល្អផងដែរ ។

គួរជម្រាបជូនថា បុគ្គលិកអប់រំគ្រប់កម្រិតសរុបមានចំនួន ១១៦.៦០៣ នាក់ ស្រី ៤៦,៥ ភាគរយ ក្នុងនោះ បុគ្គលិកអប់រំនៅថ្នាក់ជាតិ ៥.០៧២ នាក់ និងថ្នាក់ក្រោមជាតិ ១១១.៥៣១ នាក់។ ទន្ទឹមគ្នានេះ គ្រូមត្តេយ្យសិក្សាសរុបមានចំនួន ៣.៦២៨ នាក់, គ្រូបឋមសិក្សា ៤៦.៧៦១ នាក់, គ្រូបង្រៀនកម្រិតមូលដ្ឋាន៤២.៥៥៦ នាក់ (ក្នុងនោះគ្រូបង្រៀនកម្រិតមូលដ្ឋានអប់រំកាយនិងកីឡា ២.៥២៤ នាក់)។ លើសពីនេះ គ្រូបង្រៀនកម្រិតឧត្តម (បង្រៀននៅវិទ្យាល័យ) ១៤.០០០ នាក់ គ្រូបង្រៀនកម្រិតឧត្តមបម្រើការនៅគ្រឹះស្ថានឧត្តមសិក្សាសាធារណៈ ១.៦៥១ នាក់ អធិការបឋម ៤០នាក់ និងអធិការមធ្យម២៧៩ នាក់៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

វិទ្យាស្ថានពហុបច្ចេកទេសខេត្តកំពង់ ផ្តល់អាហារូបករណ៍ដល់យុវជនចំនួន១៥០នាក់ សិក្សាជំនាញបច្ចេកទេសឥតគិតថ្លៃ ជំហានទី២

ព័ត៌មានអាហារូបករណ៍, ព្រឹត្តិការណ៍

• 22/03/2024

វិទ្យាស្ថានពហុបច្ចេកទេសកំពង់ធំប្រកាសផ្ដល់អាហារូបករណ៍សិក្សាជំនាញបច្ចេកទេស និងវិជ្ជាជីវៈក្រោមកម្មវិធី១.៥លាន ជំហានទី២ ចំនួន១៥០ នាក់...

ឱកាសសិក្សាអាហារូបករណ៍ ៧៨កន្លែងនៅប្រទេសចិន ពី អ.ម.ត សម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 17/03/2025

គណៈកម្មាកិធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍ ថ្នាក់ភាសាចិន ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា២០២៥-២០២៦

អាហារូបករណ៍ Eric Bleumink ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Groningen ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 31/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យGroningen ពីកម្មវិធីអាហារូបករណ៍ Eric Bleumink នៃប្រទេសហូឡង់ឆ្នាំសិក្សា២០២៤-២០២៥...

ឱកាសសិក្សាអាហារូបករណ៍តាមរយៈ Online សម្រាប់គ្រូបង្រៀនភាសាអង់គ្លេសជនជាតិខ្មែរ

ព័ត៌មានអាហារូបករណ៍, ព្រឹត្តិការណ៍

• 21/06/2024

ឱកាសសិក្សាភាសាអង់គ្លេសសម្រាប់គ្រូបង្រៀនភាសាអង់គ្លេសជាជនជាតិខ្មែរដែលសិក្សាតាមរយៈ Online ពីផ្នែកកិច្ចការសាធារណៈ នៃស្ថានទូត...

សម្តេចធិបតីផ្តល់អាហារូបករណ៍ ១០០% សម្រាប់ថ្នាក់វិស្វករ នៅសាលាតិចណូ

ព័ត៌មានអាហារូបករណ៍, ព្រឹត្តិការណ៍

• 01/10/2025

សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ផ្តល់អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) នៅវិទ្យាស្ថានបច្ចេកវិទ្យាកម្ពុជា(ITC) កម្រិតវិស្វករ...

ឱកាសសិក្សាថ្នាក់ស្រាវជ្រាវ១២សប្ដាហ៍ពីកម្មវិធី Mitas Globalink Research Intership 2024

ព័ត៌មានអាហារូបករណ៍, ព្រឹត្តិការណ៍

• 25/08/2023

ឱកាសសិក្សាថ្នាក់ស្រាវជ្រាវចំនួន១២សប្ដាហ៍ពីកម្មវីធីMitas Globalink Research Intership 2024 នៅប្រទេសកាណាដាក្នុងឆ្នាំសិក្សា២០២៤ ។ អាហារូបករណ៍ផ្ដល់ឱ្យ...

អាហារូបករណ៍សិក្សាភាសាចិនរយៈពេល ១ ឆ្នាំ នៅសាកលវិទ្យាល័យ Yunnan Normal University

ព័ត៌មានអាហារូបករណ៍, ព្រឹត្តិការណ៍

• 26/01/2026

សាកលវិទ្យាល័យ Yunnan Normal University កំពុងផ្តល់អាហារូបករណ៍សម្រាប់វគ្គបណ្តុះបណ្តាលភាសាចិន ចំនួន ៣០ កន្លែង ដែលជាអាហារូបករណ៍បានចុះ MoU រវាងសាកលវិទ្យាល័យ និងសមាគមនិស្សិតកម្ពុជាប្រចាំ...

សាកលវិទ្យាល័យ SUSTech នៃប្រទេសចិន ជ្រើសរើសនិស្សិតអាហារូបករណ៍១០កន្លែង សម្រាប់ថ្នាក់បរិញ្ញាបត្រ

ព័ត៌មានអាហារូបករណ៍, ព្រឹត្តិការណ៍

• 20/03/2023

សាកលវិទ្យាល័យ Southern University of Science and Technology (SUSTech) នៃសាធារណរដ្ឋប្រជាមានិតចិន បានប្រកាសផ្តល់អាហារូបករណ៍ចំនួន ១០កន្លែង ដល់និស្សិតកម្ពុជា...